សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាទូទៅ មនុស្សភាគច្រើនតែងយល់ថា ផេះ ជាសំណល់ដែលសល់ពីចំហេះនៃអុស និងគ្មានតម្លៃនោះទេ ប៉ុន្តែពេលនេះ អ្វីដែលមិននឹកស្មានដល់នោះ ផេះ ដែលគេមិនឱ្យតម្លៃ និងបោះបង់ចោល ត្រូវបានអ្នកជំនាញយកទៅប្រើប្រាស់ជាវត្ថុធាតុដើម បង្កើតជាថ្នាំពុលដ៏មានប្រសិទ្ធភាពក្នុងការកម្ចាត់សត្វល្អិតចង្រៃ មានប្រយោជន៍ខ្ពស់ចំពោះការដាំដំណាំចម្រុះ ក៏ដូចជាបាញ់សម្លាប់សត្វល្អិតនៅតាមរោងចិញ្ចឹមសត្វផងដែរ។
លោក នី ប៊ុនថា ជាស្ថាបនិកប្រព័ន្ធផ្សព្វផ្សាយចំណេះដឹងកសិកម្ម «រៀនដាំ» បានប្រាប់ឱ្យដឹងថា ការផលិតថ្នាំពុលសម្រាប់វិស័យកសិកម្មមួយនេះគឺមិនមានផលលំបាក ឬពិបាកធ្វើនោះទេ ពោលគឺងាយស្រួលទាំងរកវត្ថុធាតុដើម ងាយទាំងវិធីធ្វើ ដោយការប្រើផេះចង្ក្រាន ទឹកធម្មតា សាប៊ូលាងចាន និងទឹកខ្មេះ លាយបញ្ចូលគ្នា ហើយរក្សាទុកក្នុងធុងដែលមានសុវត្ថិភាពតែប៉ុណ្ណោះ ។
ចំពោះវីធីលាយ ដំបូងគេត្រូវយកផេះរ៉ែងយកតែផ្នែកម៉ត់ លាយជាមួយទឹក ដោយបរិមាណទម្ងន់២គីឡូក្រាម លាយជាមួយទឹកចំណុះ៦លីត្រ ហើយរក្សាទុករយៈពេល១យប់ ឬច្រើនជាង១០ម៉ោង។ បន្ទាប់មក ត្រូវត្រង់យកពពុះដែលអណ្តែតដោយការប្រើស្បៃ ចៀសវាងមានកំទេចចូល ហើយច្រកទុកក្នុងដបសម្រាប់ប្រើប្រាស់ទៅលើដំណាំ ឬទីតាំងរោងចិញ្ចឹមសត្វ ។ លុះនៅពេលប្រើ គេអាចលាយបន្ថែមជាមួយសាប៊ូលាងចាន និងទឹកខ្មេះបន្តិច ដើម្បីបន្ថែមក្លិន ជួយបង្កើនប្រសិទ្ធភាពក្នុងការកម្ចាស់សត្វល្អិតចម្រៃ។
អ្នកជំនាញរូបនេះបានលើកឡើងថា ចំពោះថ្នាំពុលធម្មជាតិ ឬទឹកផេះនេះ គេអាចប្រើបានស្ទើរគ្រប់ដំណាំ ទាំងប្រភេទស្លឹក និងប្រភេទផ្លែ ដូចជា ពពាយ ត្រប់ ននោង ប៉េងបោះ ជាដើម។ សូមកត់សម្គាល់ថា នៅពេលប្រើ គេត្រូវយកទឹកផេះដែលផលិតចំណុះ ២០មីលីលីត្រ លាយជាមួយទឹកធម្មតាចំណុះ ១លីត្រ លាយឱ្យសព្វ ទើបបាញ់ទៅលើដំណាំ ដោយក្នុងមួយសប្ដាហ៍អាចបាញ់ចំនួន ១ ឬ ២ ដង អាស្រ័យតាមភាពជាក់ស្ដែងដែលមានសត្វល្អិតតោង៕
Account
Security
Favourite Content