បច្ចេកទេសចិញ្ចឹមកង្កែបក្នុងហាប៉ា ងាយស្រួល និងទទួលបានផលល្អជាងចិញ្ចឹមក្នុងអាង ឬតង់

ការចិញ្ចឹមកង្កែប ជាមុខរបរមួយដែលកសិករនិយមចិញ្ចឹម ជាពិសេសអ្នកដែលមានស្រះ ក៏ដូចជាដីដែលអាចជីកស្រះចិញ្ចឹមបាន ហើយតម្រូវការទីផ្សារកង្កែបក៏ល្អផងដែរ ជាមួយនឹងការទទួលបានតម្លៃថ្លៃគួរសម។ ក្នុងនោះ ការចិញ្ចឹមកង្កែបក្នុងហាប៉ា ហាក់មានភាពងាយស្រួលជាងគេ ទាំងការចិញ្ចឹម ទាំងការថែទាំ និងអាចចិញ្ចឹមបានក្នុងបរិមាណច្រើន ហើយមានហានិភ័យទាប។  

បើតាមលោក រី វិទ្ធី ជាម្ចាស់កសិដ្ឋានចិញ្ចឹមកង្កែប មាគ៌ាជលសា​ ស្ថិតនៅស្រុកស្វាយអន្ទរ ខេត្តព្រៃវែងបានមានប្រសាសន៍ឱ្យដឹងថា៖

«ខ្ញុំផ្ដោតទៅលើការចិញ្ចឹមកង្កែបនៅក្នុងហាប៉ា តែការចិញ្ចឹមកូនខ្អុកដែលមានអាយុត្រឹម ២៧ថ្ងៃ គឺត្រូវចិញ្ចឹមក្នុងតង់ ហើយចាប់ពី ២៧ថ្ងៃឡើងទៅ យើងយកទៅចិញ្ចឹមក្នុងហាប៉ា ព្រោះបើចិញ្ចឹមក្នុងបរិមាណច្រើន គឺត្រូវចិញ្ចឹមក្នុងហាប៉ាល្អជាង វាងាយស្រួលថែទាំ មិនប្រើកម្លាំងច្រើន ជាពិសេសងាយស្រួលចាប់ ឯការលូតលាស់ក៏ល្អជាងការចិញ្ចឹមក្នុងតង់ដែរ ព្រោះវារស់នៅក្នុងកន្លែងទូលាយ ហានិភ័យនៃការកើតជំងឺក៏តិចជាង»។

លោកបន្តថា ការចិញ្ចឹមកង្កែបដែលល្អត្រូវដាក់កង្កែបក្នុងដង់ស៊ីតេប្រមាណ ១០០-១២០ក្បាលក្នុងមួយម៉ែត្រការេ ដែលជាបរិមាណមួយល្មមអាចដាក់ចិញ្ចឹមតាំងពីកូនកង្កែបនៅតូចៗរហូតអាចចាប់លក់បាន។ តែមិនគួរធ្វើអាងធំពេកនោះទេ ចៀសវាងពិបាក្នុងការលាងសម្អាត និងឱ្យចំណី ជាក់ស្ដែងហាប៉ាទំហំ ៤x៨ម៉ែត្រ គេអាចដាក់កង្កែបប្រមាណ ៣០០០-៣៥០០ក្បាលគឺសមល្មម។

សម្រាប់រយៈពេលចិញ្ចឹម គេត្រូវការរយៈពេលប្រមាណ ២ខែ ដែលអាចទទួលបានកង្កែបសាច់ចំនួន ៥ក្បាលទម្ងន់មួយគីឡូក្រាម ហើយកសិដ្ឋានខាងលើនេះក៏អាចផ្គត់ផ្គង់កង្កែបសាច់ជាមធ្យមប្រមាណ ១.៥តោនក្នុងមួយសប្ដាហ៍។

ពាក់ព័ន្ធនឹងការចិញ្ចឹមនេះដែរ គុណភាពទឹកក៏ជាកត្តាសំខាន់មួយដែលទាមទារឱ្យប្រើប្រាស់ទឹកស្អាត គ្មានជាតិពុល ធ្វើឱ្យសុខភាពកង្កែបល្អតាមនោះដែរ តួយ៉ាងទឹកស្រះគឺល្អសម្រាប់ចិញ្ចឹម។ ការចិញ្ចឹមក្នុងហាប៉ាបណ្ដែតក្នុងទឹកស្រះក៏រឹតតែងាយស្រួល ព្រោះគេពុំចាំបាច់ផ្លាស់ប្ដូរទឹកញឹកញាប់ ដូចការចិញ្ចឹមក្នុងអាងដែលមានទឹកតិច និងត្រូវដូរទឹកមួយថ្ងៃ១ដង ឬ ២ដង មុនពេលឱ្យចំណី ចៀសវាងទឹកកខ្វក់ កើតជំងឺ និងមានបញ្ហាដល់កង្កែប។

ចុងក្រោយលោក វិទ្ធី ក៏បានបញ្ចេញទស្សនទានផងដែរថា ដើម្បីចិញ្ចឹមកង្កែបឱ្យឆាប់ធំ អ្នកចិញ្ចឹមត្រូវយកចិត្តទុកដាក់ទៅលើការឱ្យចំណី ដោយរកចំណីណាដែលមានប្រូតេអ៊ីនគ្រប់គ្រាន់ ចៀសវាងចំណាយពេលចិញ្ចឹមយូរ និងមិនសូវបានផល ឯអ្នកចាប់ផ្ដើមចិញ្ចឹមដំបូងៗ ក្នុងបរិមាណតិច មានដីទំហំតូច ពុំទាន់ចិញ្ចឹមក្នុងហាប៉ា អាចចិញ្ចឹមក្នុងតង់ ឬអាងសិនក៏បាន ព្រោះវាងាយស្រួលគ្រប់គ្រង និងថែទាំ៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល