ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ភ្នំពេញ ៖ ចំណេះដឹងហិរញ្ញវត្ថុ គឺជាបំណិនជីវិតមួយដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យការសម្រេចចិត្តផ្នែកហិរញ្ញវត្ថុបានត្រឹមត្រូវ ជួយឱ្យមានការប្រុងប្រយ័ត្នចំពោះការឆបោកប្រាក់ និងការប្រើប្រាស់សេវាហិរញ្ញវត្ថុក្រៅផ្លូវការ ជាពិសេស ជួយឱ្យមានប្រាក់បម្រុងគ្រប់គ្រាន់សម្រាប់តម្រូវការហិរញ្ញវត្ថុនៅពេលអនាគត។

ចំណេះដឹងផ្នែកហិរញ្ញវត្ថុ មានសារៈសំខាន់ណាស់សម្រាប់សហគមន៍ និងប្រជាជនទូទៅ តាមរយៈការជួយបង្កើនការយល់ដឹងអំពីប្រភេទសេវាហិរញ្ញវត្ថុរបស់គ្រឹះស្ថានធនាគារ និងហិរញ្ញវត្ថុ ការជំរុញការប្រើប្រាស់សេវាហិរញ្ញវត្ថុផ្លូវការ ការជួយឱ្យការរៀបចំនិងគ្រប់គ្រងផែនការហិរញ្ញវត្ថុក្នុងគ្រួសារកាន់តែមានប្រសិទ្ធភាព ការបង្កើនការប្រុងប្រយ័ត្នចំពោះសកម្មភាពឆបោកប្រាក់នៅក្នុងសហគមន៍ និងការកាត់បន្ថយការប្រើប្រាស់សេវាហិរញ្ញវត្ថុក្រៅផ្លូវការ។ បន្ថែមពីនេះ ចំណេះដឹងផ្នែកហិរញ្ញវត្ថុក៏មានសារៈសំខាន់សម្រាប់ការរក្សាបាននូវការអភិវឌ្ឍ និងស្ថិរភាពវិស័យហិរញ្ញវត្ថុ ដែលនឹងរួមចំណែកដល់កំណើនសេដ្ឋកិច្ច និងកាត់បន្ថយភាពក្រីក្រក្នុងសង្គម។

សម្រាប់ការរស់នៅប្រចាំថ្ងៃ ចំណេះដឹងផ្នែកហិរញ្ញវត្ថុនឹង៖

• ជួយយើងឱ្យគ្រប់គ្រងលុយកាក់បានល្អប្រសើរជាងមុន៖ ចំណេះដឹងផ្នែកហិរញ្ញវត្ថុនឹងជួយយើងឱ្យដឹងច្បាស់ពីស្ថានភាព ព្រមទាំងអាចកំណត់នូវតម្រូវការហិរញ្ញវត្ថុផ្ទាល់ខ្លួន ក៏ដូចជាអាចជួយឱ្យយើងអាចគ្រប់គ្រងចំណូល និងចំណាយបានម៉ត់ចត់ ដើម្បីអាចរៀបចំផែនការហិរញ្ញវត្ថុ និងផែនការសន្សំច្បាស់លាស់ សម្រាប់គោលបំណង ជាក់លាក់ណាមួយទៅថ្ងៃអនាគត។

• ជួយយើងឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ៖ ការសម្រេចចិត្តផ្នែកហិរញ្ញវត្ថុដែលត្រឹមត្រូវអាចជួយយើងចៀសផុតពីបញ្ហាប្រឈមនានាដែលនាំឱ្យមានការខាតបង់ពេលវេលា ប្រាក់កាស និងធនធានផ្សេងទៀត។ ចំណេះដឹងផ្នែកហិរញ្ញវត្ថុនឹងជួយយើងឱ្យដឹងពីប្រភព ដែលអាចទទួលបាននូវព័ត៌មានដែលទាក់ទងនឹងកម្ចីបានត្រឹមត្រូវ និងគ្រប់ជ្រុងជ្រោយ ដើម្បីធ្វើជាមូលដ្ឋានក្នុងការថ្លឹងថ្លែង វិភាគ និងប្រៀបធៀបរាល់កត្តា ឬលក្ខណៈផលិតផលនានា ដែលកត្តាទាំងនោះនឹងជះឥទ្ធិពល និងផលប៉ះពាល់ដល់ការសម្រេចចិត្តផ្នែកហិរញ្ញវត្ថុ និងអត្ថប្រយោជន៍នានា ព្រមទាំងអាចជួយយើងឱ្យចៀសផុតពីកំហុសឆ្គង ក្នុងការសម្រេចចិត្តផ្នែកហិរញ្ញវត្ថុផ្ទាល់ខ្លួន ដែលអាចនាំយើងធ្លាក់ចូលបញ្ហាបំណុលលើសលប់។

• ជួយយើងឱ្យមានការប្រុងប្រយ័ត្នចំពោះការឆបោកប្រាក់ និងការប្រើប្រាស់សេវាហិរញ្ញវត្ថុក្រៅផ្លូវការ៖ ចំណេះដឹងផ្នែកហិរញ្ញវត្ថុ នឹងជួយយើងឱ្យមានការប្រុងប្រយ័ត្នចំពោះការឃោសនាបោកប្រាស់របស់ក្រុមហ៊ុន ឬជនខិលខូចមួយចំនួន ដែលដើរប្រមូលប្រាក់ក្នុងរូបភាពសន្សំ ឬ ការវិនិយោគរួចរត់គេចខ្លួនដោយមិនសងប្រាក់ត្រឡប់មកយើងវិញ។ បន្ថែមពីនេះ ចំណេះដឹងផ្នែកហិរញ្ញវត្ថុ ក៏អាចជួយយើងឱ្យចេះបែងចែកដាច់រវាងសេវាហិរញ្ញវត្ថុផ្លូវការ និងសេវាហិរញ្ញវត្ថុក្រៅផ្លូវការ ដើម្បីចៀសវាងពីការខ្ចីចងការក្រៅប្រព័ន្ធដែលគ្មានច្បាប់អនុញ្ញាតពីធនាគារជាតិនៃកម្ពុជា ដែលមានកម្រៃការប្រាក់ខ្ពស់ហួសហេតុ និងគ្មានកិច្ចការពារស្របតាមផ្លូវច្បាប់៕

• ជួយយើងឱ្យមានប្រាក់បម្រុងគ្រប់គ្រាន់សម្រាប់តម្រូវការហិរញ្ញវត្ថុនៅពេលអនាគត៖ ចំណេះដឹងផ្នែកហិរញ្ញវត្ថុនឹងជួយយើងឱ្យមានទម្លាប់បែងចែកប្រាក់ចំណូលតាមលំដាប់លំដោយ ដូចជា៖ ១/.ការចំណាយចាំបាច់ ២/.ការសន្សំ ៣/.ការវិនិយោគ និង៤/.ការចំណាយបន្ទាប់បន្សំ។ ការសន្សំប្រាក់តាមរយៈការដាក់ប្រាក់បញ្ញើនៅធនាគារ ឬ ការទិញធានារ៉ាប់រង អាចជួយយើងឱ្យមានប្រាក់បម្រុងគ្រប់គ្រាន់ សម្រាប់បំពេញតម្រូវការហិរញ្ញវត្ថុនៅពេលដែលមានករណីមានគ្រោះថ្នាក់ជាយថាហេតុ ឬតម្រូវការការព្យាបាលជម្ងឺ ឬ បំពេញគោលដៅហិរញ្ញវត្ថុនាពេលអនាគត ដូចជាតម្រូវការការប្រាក់សម្រាប់ថ្លៃសិក្សារបស់កូន ឬប្រាក់សម្រាប់ចូលនិវត្តន៍ជាដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល