ក្រៅពីដាំបន្លែ កសិករឆ្លាតវៃអាចច្នៃចិញ្ចឹមមាន់ និងអាចរកចំណូលបន្ថែមបាន ១លានរៀលក្នុងមួយខែ

របរចិញ្ចឹមមាន់ ជឿថាមិនពិបាកនោះទេសម្រាប់បងប្អូនកសិករនៅតាមជនបទដែលគាត់អាចធ្វើទ្រុងចិញ្ចឹមជិតៗផ្ទះក្នុងទំហំតូច ឬធំដើម្បីធ្វើជាអាជីវកម្ម ប៉ុន្តែមានកសិករជាស្ត្រីម្នាក់បានឆ្លៀតពេលទំនេរពីការដាំបន្លែមកចិញ្ចឹមមាន់ ហើយច្នៃកាកសំណល់បន្លែឱ្យមាន់ស៊ី អាចកាត់បន្ថយចំណាយ និងរកចំណូលបន្ថែមបាន ១លានរៀលក្នុងមួយខែ។ 

អ្នកស្រី ថែ ចាន់រ៉េត ជាអ្នកចិញ្ចឹមមាន់ស្រែ និងដាំបន្លែនៅស្រុកសូត្រនិគម ខេត្តសៀមរាប ​បានប្រាប់ឰឱ្យដឹងថា៖

«មូលហេតុដែលយើងដាំបន្លែផង ចិញ្ចឹមមាន់ផងគឺនៅពេលដែលយើងប្រមូលផលបន្លែ ហើយនៅសល់កម្ទេចកម្ទីត្រូវបោះចោលវាខាត ដូចជាសាឡាដ ស្ពៃ ជាដើម ទើបយើងយកវាមកហាន់លាយជាមួយចំណីមាន់អាចបានអត្ថប្រយោជន៍វាមួយបែបទៀត ហើយក្នុងមួយខែយើងអាចរកចំណូលបាន ១លានរៀល សម្រាប់មាន់ទ្រុងទី១មាន ៧០ក្បាល»។

អ្នកស្រីបបន្តថា ជាទូទៅគេនិយមគិតថា ការដាំបន្លែផង និងចិញ្ចឹមមាន់ផងអាចនឹងមិនបានផលទេ ដោយសារការបំផ្លាញរបស់មាន់ តែសម្រាប់ការចិញ្ចឹមមានការហ៊ុមព័ទ្ធរបងបានត្រឹមត្រូវ នឹងអាចរកចំណូលបន្ថែមបាន។ ចំណែកការដាំបន្លែជាចំណូលប្រចាំថ្ងៃ លុះក្រោយពេលប្រមូលផលហើយសល់ជាកាកសំណល់ គឺអាចយកមកធ្វើជាចំណីចិញ្ចឹមមាន់សម្រាប់លក់ទៅកាន់ទីផ្សារដើម្បីទទួលបានចំណូលបន្ថែមប្រចាំខែ។

អ្នកស្រីបានបន្តថា ៖

«ចំពោះចំណីមាន់ សម្រាប់កូនមាន់ពី ១-៤៥ ថ្ងៃ យើងឱ្យជាចំណីសុទ្ធ តែមាន់រាងធំ យើងអាចច្នៃជាចំណីលាយឱ្យបានដូជា កាកសំណល់បន្លែ កន្ទក់ ចុងអង្ករ និងម្សៅសំបកខ្ចៅខ្យងដើម្បីបន្ថែមជាតិកាល់ស្យូមជំនួយដល់ការលូតលាស់ផងដែរ។ យ៉ាងណាមិន ការធំធាត់របស់មាន់ដោយឱ្យស៊ីចំណីកែច្នៃអាចយូរជាងការឱ្យចំណីស្រាប់ តែយើងអាចកាត់បន្ថយចំណាយទៅលើចំណីបានច្រើនជាង។ នេះជាអ្វីដែលកសិករខាងលើបានលើកឡើង»។  

ដោយឡែកការផ្គត់ផ្គង់មាន់វិញ ដើម្បីអាចផ្គត់ផ្គង់មាន់បានប្រចាំខែ អ្នកស្រីបានបញ្ជាក់ថា អ្នកចិញ្ចឹមត្រូវផ្ដោត និងរៀបចំលើចំណុច៤ សំខាន់ៗរួមមាន រៀបចំដើមទុន ការធ្វើទ្រុង កូនមាន់ និង ចំណី ហើយអ្វីដែលគេត្រូវធ្វើមុនគេគឺការរៀបចំទ្រុង ដោយចែកជា ៤ប្រឡោះ ឬ៨ប្រឡោះតាមធនធាន ដោយមួយប្រឡោះអាចដាក់មាន់បានពី ៧០-១០០ក្បាល ឯកូនមាន់ត្រូវដឹងពីប្រភព និងពូជឱ្យបានច្បាស់លាស់ ហើយចំណីមាន់ត្រូវដឹងពីបច្ចេកទេស និងតម្រូវការរបស់កូនមាន់ទើបអាចចិញ្ចឹមបានល្អ។

​ពាក់ព័ន្ឌនឹងការចិញ្ចឹមនេះដែរ ដើម្បីអាចប្រមូលផលបានរាល់ខែ អ្នកចិញ្ចឹមត្រូវដាក់មាន់នៅក្នុងទ្រុងទី១ នៅខែទី ១ ទ្រុងទី២ នៅខែទី២ ជាបន្តបន្ទាប់ លុះដាក់ដល់ទ្រុងទី៤ គេក៏អាចចាប់មាន់ទ្រុងទី១លក់បានហើយ រួចបោសម្អាត និងសម្លាប់មេរោគរយៈពេល ១-២សប្ដាហ៍សិន ទើបអាចដាក់កូនមាន់ចិញ្ចឹមបន្តទៀតបាន។

ចុងក្រោយ អ្នកស្រី ចាន់រ៉េត ក៏មានមតិដែរថា បងប្អូនកសិករគួរអនុវត្តការចិញ្ចឹមមាន់នេះ ជាពិសេសការចិញ្ចឹមក្នុងបរិវេណដែលបានកំណត់ ព្រោះប្រៀបធៀបរវាងការចិញ្ចឹមក្នុងបរិវេណដោយមានទ្រុង និងការប្រលែងហាលវាល ការចិញ្ចឹមដោយលែងក្នុងបរិវេណបែបនេះអាចបានផលច្រើនជាង ព្រោះគេអាចមើលថែ និងគ្រប់គ្រងសុខភាពរបស់មាន់បានដិតដល់ មិនមានជាការឆ្លងជំងឺផ្សេងៗនោះទេ៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ