ជនជាតិជប៉ុនម្នាក់បានបង្កើត​​​​ក្រុមហ៊ុនដឹកជញ្ជូន ជួយដល់អាជីវកម្មក្រៅប្រព័ន្ធនៅតាមជនបទ

នៅតាមតំបន់ដាច់ស្រយាល ឬទីជនបទ អាជីវកម្មក្រៅប្រព័ន្ធដែលគេឧស្សាហ៍ឃើញមានច្រើនជាងគេ គឺអាជីវកម្មលក់ចាប់ហួយ។ អាជីវកម្មប្រភេទនេះ មានលក់នូវផលិតផលចម្រុះ ដែលប្រជាជនក្នុងតំបន់ នោះអាចរកទិញស្ទើរតែគ្រប់មុខទំនិញតែម្ដង។ ប៉ុន្តែអាជីវកម្មប្រភេទនេះក៏ប្រឈមនឹងការលំបាកច្រើនផងដែរ ដោយជាធម្មតាអ្នកលក់តែងតែមមាញឹក ក្នុងការគ្រប់គ្រងទំនិញចេញ-ចូល​ ខណៈដែលប្រាក់ចំណេញមិនសូវជាច្រើនប៉ុន្មាននោះទេ។

ក្នុងមុខទំនិញនីមួយៗ អាជីវករអាចចំណេញបានបន្តិចបន្តួចប៉ុណ្ណោះ ដូច្នេះប្រសិនបើអាជីវករមិនមានការគ្រប់គ្រងហិរញ្ញវត្ថុឱ្យបានត្រឹមត្រូវទេ មុខរបរនេះច្រើនតែខាតបាត់ដើមទុន បាត់ប្រាក់ចំណេញជាដើម។

ដោយមើលឃើញពីបញ្ហានេះ ជនជាតិជប៉ុនម្នាក់បានបង្កើតជាកម្មវិធីទូរស័ព្ទដៃមួយ ដែលអនុញ្ញាត​ឱ្យអាជីវករក្រៅប្រព័ន្ធទាំងនោះ អាចប្រើប្រាស់ដើម្បីគ្រប់គ្រងហិរញ្ញវត្ថុបានប្រសើរជាងមុន និងអាច​បញ្ជាទិញ ទំនិញជាច្រើនប្រភេទដែលខ្លួនត្រូវការបានទៀតផង។

បើតាមលោក Ryo Nakano ដែលជាស្ថាបនិកក្រុមហ៊ុន Atelier Asia Co.,Ltd បានឱ្យដឹងថា ក្រុមហ៊ុននេះបានបង្កើតឡើងនៅឆ្នាំ២០២១ ដោយមានទីស្នាក់ការនៅខេត្តបាត់ដំបង។

ការជ្រើសរើសយកខេត្តបាត់ដំបងនេះ ក៏ដោយសារលោកមើលឃើញថា ខេត្តនេះធំ មានប្រជាជនច្រើន និងនៅឆ្ងាយពីទីក្រុងភ្នំពេញ ដូច្នេះការហូរចូលនៃទំនិញពីទីក្រុងទៅគឺត្រូវចំណាយលើការដឹកជញ្ជូនច្រើន។

ស្ថាបនិកក្រុមហ៊ុនរូបនេះបានបន្តឱ្យដឹងទៀតថា៖

«អាជីវករដែលលក់ចាប់ហួយ នឹងលែងចំណាយពេលវេលា ច្រើនក្នុងការដើរទិញទំនិញដោយខ្លួនឯង ជាពិសេសអាចដោះស្រាយបានចំពោះទំនិញឆ្លងកាត់ឈ្មួញ​កណ្ដាលច្រើន ដែលមានតម្លៃថ្លៃ»។

ដោយមានសហការជាមួយហាងទំនិញបោះដុំធំៗ លោកអាចដឹកជញ្ជូនទំនិញដែលអាជីវករបានបញ្ជាទិញតាមកម្មវិធីទូរស័ព្ទ ហើយថែមទាំងមានសេវាកម្មដឹកជញ្ជូនដល់ទីតាំងទៀតផង។ មិនត្រឹមតែប៉ុណ្ណោះ ក្រុមហ៊ុនលោកក៏បានផ្ដល់ជូននូវសេវារៀបចំហិរញ្ញវត្ថុ សំដៅលើកកម្ពស់អាជីវកម្មក្រៅប្រព័ន្ធឱ្យមានការគ្រប់គ្រងមួយដែលប្រសើរជាងមុន។

លោក Ryo Nakano បានបន្តគូសបញ្ជាក់ទៀតផងដែរថា៖

«អ្វីដែលពួកយើងកំពុងធ្វើនេះជាការកែលម្អតម្លៃនៃសង្វាក់ផលិតកម្មទំនិញ ហើយវានឹងជះផលល្អទៅលើអាជីវករ ដែលភាគច្រើនជាស្ត្រី។ កាលណា​ស្ត្រីអាចគ្រប់គ្រងអាជីវកម្មបានល្អជាងមុន កូនៗនៅក្នុងបន្ទុកក៏មានឱកាសច្រើនក្នុងការទទួលបានការ​អប់រំពេញលេញផងដែរ»។

គួរបញ្ជាក់ថា អាជីវកម្មក្រៅប្រព័ន្ធនេះបានរួមចំណែកច្រើននៅក្នុងសេដ្ឋកិច្ចជាតិរបស់កម្ពុជា ហើយប្រជាពលរដ្ឋដែលកំពុងបម្រើការក្នុងវិស័យសេដ្ឋកិច្ចក្រៅប្រព័ន្ធនេះ មានរហូតទៅដល់ជាង​៦លាននាក់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...