ស្វែងយល់ពីចំណុចគន្លឹះទាំង ៥ ដើម្បីគ្រប់គ្រងលុយឱ្យបានល្អ

ភ្នំពេញ ៖ ដើម្បីគ្រប់គ្រងលុយឱ្យបានល្អ ពេលខ្លះ​មិនចាំបាច់តែមាន​​ប្រាក់​ខែ​ខ្ពស់និងចំណូលខ្ពស់ ​ឬ​សុំយោបល់ពីអ្នកជំនាញ​ដើម្បី​គ្រប់គ្រងហិរញ្ញវត្ថុ​ផ្ទាល់ខ្លួន​របស់​អ្នកឱ្យបានល្អនោះ​ទេ អ្នកគ្រាន់តែត្រូវមានភាពច្បាស់លាស់លើចំណាយចំណូល នោះអ្នកអាចឈានដល់ការគ្រប់គ្រងលុយត្រឹមត្រូវ។

សម្រាប់មនុស្សជាច្រើនគិតថា ការគ្រប់គ្រងលុយឱ្យកាន់តែប្រសើរឡើង គឺត្រូវការចាំបាច់កាត់បន្ថយការចំណាយរបស់ពួកគេ។ ទោះជាយ៉ាងនេះក្តី AMS សុំណែនាំចំណុចគន្លឹះចំនួន ៥ ដើម្បីគ្រប់គ្រងលុយឱ្យបានល្អប្រសើរ៖

១.តាមដានការចំណាយរបស់អ្នកជាប្រចាំ

ប្រសិនបើអ្នកមិនដឹងថា តើអ្នកចំណាយលើអ្វី និងកន្លែងណាជារៀងរាល់ខែនោះ ដូច្នេះអ្នកគួរចាប់ផ្តើមតាមដាន កត់ត្រាលើចំណាយចំណូល រួចហើយរៀបចំផែនការហិរញ្ញវត្ថុផ្ទាល់ខ្លួន សម្រាប់អនាគត។

ការ​គ្រប់​គ្រង​លុយ​កាន់​តែ​ល្អ​ចាប់​ផ្ដើម​ដោយ​ការ​យល់​ដឹង​អំពី​ការ​ចំណាយ ដោយអ្នកអាចប្រើវិធីសាស្ត្រតាមដានការចំណាយ។ មួយវិញទៀត ដើម្បីចៀសវាងចំណាយលើសខ្ទង់ អ្នកគួរតាមដានការចំណាយលើផ្សេងៗ ឬពិនិត្យលើការចំណាយទៅលើកិច្ចការមិនចាំបាច់ ដូចជាការទទួលទានអាហារនៅខាងក្រៅ ការកម្សាន្ត និងកាហ្វេប្រ៊េនៗប្រចាំថ្ងៃនោះ។ នៅពេលដែលអ្នកបានអប់រំខ្លួនឯងអំពីទម្លាប់ទាំងនេះហើយ អ្នកអាចរៀបចំផែនការកែលម្អគ្រប់គ្រងលុយបានហើយ។

២.បង្កើតផែនការចំណាយប្រចាំខែ

ចូរបង្កើតទម្លាប់ចំណាយប្រចាំខែ ដើម្បីកំណត់ថា តើអ្នកចំណាយប៉ុន្មានប្រចាំខែ ហើយអ្នកអាចបង្កើតផែនការចំណាយប្រចាំខែ ដើម្បីចៀសវាងការចំណាយលើសចំណូល។ អ្នកគួរតែចាត់ទុកថាការរៀបចំផែនការហិរញ្ញវត្ថុរបស់អ្នកជាមធ្យោបាយមួយ ដើម្បីជួយជំរុញឱ្យមានទម្លាប់ចំណាយល្អប្រសើរជាងមុន នោះអ្នកនឹងដឹងកាន់តែច្បាស់ពីខ្ទង់ចំណាយចំណូលរបស់អ្នក។

៣.បង្កើតទម្លាប់សន្សំ

បង្កើតកញ្ចប់សន្សំសម្រាប់គ្រាអាសន្នណាមួយ ព្រោះយើងមិនអាចមើលថា ហានិភ័យណាមួយកើតឡើងទុកជាមុននោះទេ។ ទោះបីជាការសន្សំរបស់អ្នកមានចំនួនតិចតួចក៏ដោយ ការសន្សំនេះអាចជួយសង្គ្រោះអ្នកពីស្ថានភាពក្នុងគ្រាលំបាក ដែលអ្នកត្រូវការលុយដើម្បីដោះស្រាយ។

អ្នកក៏គួរតែធ្វើការសន្សំមួយផ្សេតទៀត ដើម្បីពង្រឹងសុវត្ថិភាពហិរញ្ញវត្ថុរបស់អ្នក ក្នុងករណីបាត់បង់ការងារ ឬបាត់បង់ប្រភពចំណូល។ ដូច្នេះ អ្នកគួរបង្កើតទម្លាប់សន្សំ ទោះតិចក្តី ច្រើនក្តី វាអាចជួយអ្នកបង្កើតទម្លាប់សន្សំ ដើម្បីសម្រេចគោលដៅហិរញ្ញវត្ថុនាពេលអនាគត។

៤.សន្សំដើម្បីរបស់របរក្នុងក្តីស្រមៃ

ជាការពិត ការប្រើប្រាស់កម្ចីអាចជួយបានច្រើន នៅពេលអ្នកមានចំណងចង់ផ្ទះ ឬរថយន្តក្នុងក្តីស្រមៃរបស់អ្នក។ ប៉ុន្តែការទិញរបស់របរដោយប្រើប្រាស់កម្ចី អាចបន្ថែមការចំណាយរបស់អ្នក ដោយសារកម្ចីទាំងនោះគឺមានអត្រាការប្រាក់។

ដូច្នេះបើអ្នកប្រើប្រាស់លុយពីការសន្សំរប​ស់អ្នកទៅទិញរបស់របរក្នុងក្តីស្រមៃ នោះវានឹងមិនបង្កើនការចំណាយរបស់អ្នក ដោយសារការប្រាក់នោះទេ។ មួយវិញមួយទៀត នៅពេលអ្នកសន្សំលុយក្នុងធនាគារ ឬគ្រឹះស្ថានហិរញ្ញវត្ថុទទួលប្រាក់បញ្ញើ អ្នកនឹងទទួលបានការប្រាក់មកវិញផងដែរ។ ទោះជាក៏យ៉ាងក៏ដោយ អ្នកមានជម្រើសជាច្រើនទៀត ដើម្បីទិញរបស់របរក្នុងក្តីស្រមៃរបស់អ្នក មិនមែនមានតែពិធីសន្សំលុយទុកទិញទេ អាស្រ័យលើការរៀបចំផែនការហិរញ្ញវត្ថុរបស់អ្នក។

៥.ចាប់ផ្តើមយុទ្ធសាស្រ្តវិនិយោគដើម្បីបង្កើនចំណូលបន្ថែម

ទោះបីជាសមត្ថភាពវិនិយោគរបស់អ្នកមានកម្រិតក៏ដោយ ការរួមចំណែកតិចតួចលើការវិនិយោគណាមួយ ដែលមានហានិភ័យទាប អាចជួយអ្នកបង្កើតប្រាក់ចំណូលបន្ថែម។ ប៉ុន្តែ អ្នកត្រូវប្រាកដថា ការវិនិយោគអ្នកគឺស្ថិតក្នុងកម្រិតហានិភ័យទាប ដូចជាការវិនិយោគលើអចលនទ្រព្យមានច្បាប់ច្បាស់លាស់ ទិញមូលបត្របំណុលរបស់ធនាគារ ដែលបោះផ្សាយពីផ្សារមូលបត្រ ឬសន្សំប្រាក់នៅធនាគារដើម្បីទទួលបានការប្រាក់ ព្រោះវាអាចជួយបង្កើតចំណូលផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ