សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មិនត្រឹមតែអាជីវកម្មទេដែលត្រូវមានផែនការសម្រាប់ដើរ ប៉ុន្តែគ្រួសារក៏ត្រូវមានផែនការផងដែរ ហើយផែនការដែលគ្រប់ក្រុមគ្រួសារគួរតែមានគឺ ផែនការហិរញ្ញវត្ថុ។
បើតាមអ្នកជំនាញ ការរៀបចំផែនការហិរញ្ញវត្ថុសម្រាប់គ្រួសារ គឺមានសារៈសំខាន់ណាស់ ដើម្បីកំណត់ឱ្យច្បាស់ពីគោលដៅនីមួយៗក្នុងរយៈពេលខ្លី រយៈពេលមធ្យម ឬក្នុងរយៈពេលវែង។
ម្យ៉ាងទៀត ផែនការហិរញ្ញវត្ថុជួយឱ្យសមាជិកគ្រួសារយល់ដឹងអំពីប្រភពនៃចំណូល ចំណាយរបស់ពួកគេ ដើម្បីអាចរៀបចំផែនការទៅតាមគោលដៅ និងទស្សនៈវិស័យដែលពួកគាត់ចង់បាននាពេលអនាគតសម្រាប់គ្រួសារទាំងមូល។
លោក ញឹម បុរី ប្រធាននាយកដ្ឋានអាជីវកម្មសាខា និងចែកចាយបានរៀបរាប់ថា៖
«ផែនការហិរញ្ញ វត្ថុវាប្រៀបបានទៅនឹងផែនការទូទៅរបស់អង្គភាពដូចគ្នាដែរ ដូច្នេះជារួមគឺយើងចង់សំដៅលើការចាត់ចែងថវិការបស់ក្រុមគ្រួសារមួយ ដើម្បីឱ្យមានប្រសិទ្ធភាពទៅតាមគោលបំណង និងគោលដៅដែលពួកគាត់ចង់បាន»។
ក្នុងន័យនេះ លោកបានពន្យល់ដោយលើកជាឧទាហរណ៍ថា៖
«ក្រុមគ្រួសារមួយគាត់មានចំណូលក្នុងកម្រិតណាមួយ តើគាត់ចង់សម្រេចគោលដៅគាត់ក្នុងរយៈពេលវែង ខ្លី ឬក៏មធ្យម ហើយដើម្បីសម្រេចគោលដៅនោះ តើគាត់ត្រូវធ្វើយ៉ាងម៉េចដើម្បីសម្រេចតាមគោលដៅរបស់ពួកគាត់»។
ជាក់ស្ដែងក្នុងគ្រួសារមួយដែលមានគោលដៅចង់ផ្គត់ផ្គង់ការសិក្សារបស់កូនរហូតចប់សកលវិទ្យាល័យ ប្រសិនបើពួកគេមិនមានការជជែកពិភាក្សាគ្នាដើម្បីធ្វើផែនការហិរញ្ញវត្ថុនោះទេ គោលដៅនេះ ទំនងជាមិនអាចសម្រេចបាននោះទេ។
សម្រាប់បរិបថប្រទេសកម្ពុជាទៀតសោត ប្រជាជនភាគច្រើនដែលរៀបការមានគ្រួសារហើយ តែងតែកំណត់គោលដៅក្នុងការទិញផ្ទះ ទិញឡាន ឬទិញអចលនទ្រព្យផ្សេងទៀត ពោលគឺពួកគេ មានផ្នត់គំនិតចង់តាំងទីលំនៅច្បាស់លាស់ និងមានការងារគោលមួយសម្រាប់ចិញ្ចឹមគ្រួសារជាដើម។
ទាំងអស់នេះអាចធ្វើទៅបានដោយទាមទារយ៉ាងចាំបាច់នូវការរៀបចំផែនការក្នុងការចាយវាយប្រចាំថ្ងៃ ផែនការសន្សំ និងវិនិយោគជាដើម ដើម្បីឈានទៅសម្រេចគោលដៅរួមរបស់គ្រួសារទាំងនោះ៕
Account
Security
Favourite Content