សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តាសក់ចាវ ជាអាហារកែច្នៃមួយប្រភេទដែលបងប្អូនប្រជាជនខ្មែរនិយមទទួលទាន ដោយសារតែវាមានរសជាតិឆ្ងាញ់ និងអាចរក្សាទុកបានយូរ។ ចំណែកការផលិតអាហារកែច្នៃដ៏មានប្រជាប្រិយភាពមួយនេះក៏មិនពិបាកនោះដែរ ហើយថែមទាំងមានទីផ្សារល្អមិនថាក្នុងស្រុក និងបរទេសនោះទេ។
អ្នកស្រី ស៊ុយ ស្រីទូច ជាអាជីវករម្នាក់នៅផ្សារបឹងកុក ក្រុងកំពង់ចាម ដែលមានលក់តាសក់ចាវឆ្ងាញ់ និងអនាម័យបានមានប្រសាសន៍ប្រាប់ឱ្យដឹងថា ការផលិតតាសក់ចាវគឺមិនពិបាកអ្វីនោះទេ ហើយទីផ្សារក៏អាចលក់បានថ្លៃគួរសមដែរ។
អ្នកស្រីបញ្ជាក់ថា៖
«ខ្ញុំធ្វើតាសក់ចាវនៅផ្ទះ នៅខាងស្រុកកំពង់សៀម ហើយដឹកយកមកលក់បន្តនៅផ្សារបឹងកុក ក្រុងកំពង់ចាមជាប្រចាំថ្ងៃ ហើយតាសក់ចាវមួយគីឡូក្រាមអាចលក់បានក្នុងតម្លៃ ១ម៉ឺនរៀល ដែលមានរសជាតិប្រៃផ្អែមខ្លាំង និងប្រៃផ្អែមល្មម ដែលតម្រូវតាមចំណង់ចំណូលចិត្តរបស់អតិថិជន»។
អ្នកស្រីបន្ថែមថា ការធ្វើតាសក់ចាវនេះគេត្រូវចំណាយពេលយូរបន្តិច ដោយដំបូងឡើយយើងត្រូវលាងសម្អាត ចិតក្បាលតាសក់ចេញ ហើយដាក់ត្រាំទឹកអំបិលប្រមាណពីរយប់។ បន្ទាប់មកយកតាសក់ដែលត្រាំហើយទៅហាលថ្ងៃរយៈពេលបីថ្ងៃ រហូតត្រសក់ឡើងសម្បុរសរួចយកវាមកចាវស្ករសម្រាប់រសជាតិផ្អែម ឬក៏ទឹកផ្អកសម្រាប់រសជាតិប្រៃ រយៈពេលពីរយប់បន្ថែមទៀត ទើបអាចយកតាសក់ចាវនេះទៅលក់បាន។
ចំពោះតាសក់ស្រស់ដែលជាវត្ថុធាតុដើមនៃតាសក់ចាវត្រូវបានអាជីវកររូបនេះប្រាប់ឱ្យដឹងថា គាត់បានទិញតាសក់ស្រូវពីកសិករ ដែលយកមកលក់បោះដុំនៅផ្សាររៀងរាល់ព្រឹកដោយរើសយកតាសក់ណាដែលល្អៗ ខ្លូតៗប៉ុណ្ណោះ។ ចំណែកឯតម្លៃតាសក់ស្រស់វិញ មានចន្លោះពី១៥០០-២៥០០រៀលក្នុងមួយគីឡូក្រាម អាស្រ័យទៅតាមរដូវកាលតាសក់។ បើផាត់ថ្លៃគ្រឿងដូចជាស្ករ អំបិល និងគ្រឿងផ្សំផ្សេងទៀត រួមជាមួយកម្លាំងពលកម្មចេញទៅ អាជីវម្មនេះហាក់ទទួលបានផលចំណេញគួរសមដែរ។
គួរបញ្ជាក់ថា តាសក់ចាវ គឺជាអាហារដែលប្រជាជនខ្មែរនិយមចូលចិត្តទទួលទាន ដោយអាចទទួលទានជាមួយបាយ បបរ ឬច្នៃចម្អិនធ្វើជាសម្លរបានជាច្រើនមុខផ្សេងទៀតតាមចិត្តចង់ ដូចជាយកទៅចិញ្ច្រាំចៀនជាមួយពងទា យកទៅស្លរជាមួយសាច់ជ្រូក សាច់មាន់ ឬត្រីក៏បាន។ បើគិតទៅតាសក់ចាវអាចរក្សាទុកបានយូរ ចំណាយលុយតិច មានរសជាតិឆ្ងាញ់ និងចម្អិនបានលឿន៕
Account
Security
Favourite Content