សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ជាការចូលរួមគាំទ្រផលិតផលក្នុងស្រុកក៏ដូចជាពង្រីកវិសាលភាពបន្ថែម ចលនាភូមិមួយផលិតផលមួយ និងទិវាទិញផលិតផលខ្មែរត្រូវបានរៀបចំឡើងដំណាលគ្នានៅខេត្តពោធិសាត់ ដោយមានការចូលរួមពីសំណាក់ម្ចាស់សហគ្រាស ក៏ដូចជាសិប្បកម្មនានាសរុបជាង ១០០ស្តង់ ដោយមានការដាក់តាំងបង្ហាញផលិតផលរបស់ខ្លួន។
សម្រាប់ទិវាទិញផលិតខ្មែរកំពុងប្រព្រឹត្តទៅចាប់ពីថ្ងៃទី០១-០៦ ខែមេសា ២០២៤ នៅតាមដងស្ទឹង ខេត្តពោធិសាត់ ហើយចលនាផ្គូរផ្គងរវាងអ្នកផលិត និងអ្នកទិញ ដែលមានការតាំងបង្ហាញ-លក់ផលិតផលខ្មែរ ភូមិមួយផលិតផលមួយ ក្រោមគម្រោងអភិវឌ្ឍអាជីវកម្មប្រកបដោយសុចរិតភាព និងទទួលបានទីផ្សារក្នុងស្រុក និងក្រៅប្រទេស បានធ្វើឡើងនៅថ្ងៃទី០២ ខែមេសា ឆ្នាំ២០២៤ នៅសាលាខេត្តពោធិសាត់ ចាប់ពីម៉ោង៨ព្រឹក ដល់ម៉ោង ៦ល្ងាច។
ក្នុងឱកាសនេះដែរ ឯកឧត្តម បណ្ឌិត សួង ណយ អនុប្រធានគណៈកម្មាធិការជាតិជំរុញចលនាភូមិមួយផលិតផលមួយ បានមានប្រសាសន៍ថា៖
«សម្រាប់ចលនាទិញផលិតផលខ្មែរ ០៩ មេសាឆ្នាំនេះ យើងរៀបចំឡើងមុនថ្ងៃទី០៩ ដោយសារជិតបុណ្យចូលឆ្នាំពេក ដែលយើងលើកមករៀបចំនៅថ្ងៃទី០១-០៦ ជំនួសវិញ ហើយមានបងប្អូនម្ចាស់សហគ្រាសក្នុងស្រុកជាច្រើនបានយកផលិតផលរបស់ខ្លួនជាច្រើនមុខ ច្រើនប្រភេទនៅតាមបណ្ដាខេត្តផ្សេងៗគ្នា ទៅដាក់តាំងបង្ហាញឱ្យបងប្អូនបានឃើញ បានប៉ះ និងភ្លក្ស ឱ្យដឹងពីគុណភាពផលិតផលខ្មែរយើង»។
ឯកឧត្ដមបន្ថែមថា៖
«មិនត្រឹមតែសម្រាប់បងប្អូនអ្នកប្រើប្រាស់ប៉ុណ្ណោះទេ សម្រាប់ម្ចាស់សហគ្រាសនានា យើងក៏មានរៀបចំវេទិកាផ្គូរផ្គងមួយទៀតកាលនៅថ្ងៃទី០២ ខែមេសា ឆ្នាំ២០២៤ នេះ ដែលជាការដាក់តាំងបង្ហាញ និងលក់ផលិតផលខ្មែរភូមិមួយផលិតផលមួយ ក្រោមគម្រោងអភិវឌ្ឍអាជីវកម្មប្រកបដោយសុចរិតភាព និងទទួលបានទីផ្សារក្នុងស្រុក និងក្រៅប្រទេសផងដែរ»។
គួរបញ្ជាក់ដែរថា សម្រាប់ឱកាសនៃការដាក់តាំងបង្ហាញ និងផលផលិតផលខ្មែរក្នុងស្រុក ឬ ចលនាភូមិមួយផលិតផលមួយក្នុងទិវាទិញផលិតផលខ្មែរ ស្ថិតនៅតាមមាត់ស្ទឹងខេត្តពោធិ៍សាត់ សម្រាប់បងប្អូនប្រជាពលរដ្ឋ ឬអាជីវករ ពាណិជ្ជករ នៅខេត្តពោធិសាត់ ឬនៅតំបន់ជិតៗនោះអាចចូលរួមកម្មវិធីដូចដែលបានរៀបរាប់ខាងលើនេះបាន ដែលរាល់ការគាំទ្ររបស់អ្នកទាំងអស់គ្នា ជាការចូលរួមចំណែកគាំទ្រ និងលើកកម្ពស់សេដ្ឋកិច្ចក្រុមអ្នកផលិតក្នុងស្រុក តាមតំបន់ អ្នកពាក់ព័ន្ធ ក៏ដូចជាសេដ្ឋកិច្ចជាតិទាំងមូលផងដែរ៕
Account
Security
Favourite Content