យីហោប្រេងខ្យល់និងប្រេងកូឡាក្នុងស្រុកទាំងមានគុណភាព និងថែមទាំងជួយដល់សេដ្ឋកិច្ចមូលដ្ឋាន

ប្រេងខ្យល់ និងប្រេងកូឡា ជាឱសថសង្គ្រោះបឋម ដែលគេនិយមប្រើ មិនថាលើបញ្ហាចុក រោយ ថ្លោះ គ្រិច ឈឺក្បាល គឺតែងតែនឹកឃើញឱសថទាំងនេះមុនគេបង្អស់។ ដោយមើលឃើញពីភាពពេញនិយមនេះហើយ បានជាសហគ្រាសប្រេងកូឡាមួយបានពង្រីកការផលិត ដើម្បីផ្គត់ផ្គង់តម្រូវការក្នុងស្រុក និងជាផ្នែកមួយជួយដល់ជីវភាពសហគមន៍។

អ្នកស្រី អូន សុគន្ធា ស្ថាបនិកសិប្បកម្មផលិតប្រេងខ្យល់ ប្រេងកូឡា រូបនាគព្រួសភ្លើងបានមានប្រសាសន៍ឱ្យដឹងថា ៖

“យីហោយើងជាផលិតផលតាំងពីដូនតា គឺផលិតតជំនាន់មកហើយ ហើយដោយសារមើលឃើញពីតម្រូវការផលិតផល ដែលអាចជួយសង្គ្រោះបឋមជាចាំបាច់ ដែលគាត់ចំណាយតិច ទទួលបានប្រសិទ្ធភាពខ្ពស់ ទើបយើងផលិត និងពង្រីកអាជីវកម្មនេះឱ្យកាន់តែធំ”

អ្នកស្រីបានបន្តថា អាជីវកម្មនេះក៏មានចំណែកចូលរួមជួយសហគមន៍ផងដែរ ដូចជាការដាំប្រទាលនៅក្រោម ឬចន្លោះដំណាំហូបផ្លែធំៗដើម្បីអាស្រ័យផលបន្ថែម ហើយកសិករអាចយកលក់ឱ្យសិប្បកម្មខាងលើបាន។ មួយវិញទៀត ស្ត្រីក្នុងសហគមន៍ក៏បានទទួលប្រយោជន៍ពីអាជីវកម្មនេះផងដែរ ដូចជាឱកាសរកចំណូលបន្ថែមបានពីការងារក្នុងសហគ្រាសផ្ទាល់តែម្ដង។

ស្ថាបនិកខាងលើបន្ថែមថា អ្នកស្រីផ្ទាល់ជាជំនាន់ទី ៣ នៃគ្រួសារដែលផលិត និងកំពុងពង្រីកការផលិត ប្រេងខ្យល់ និងប្រេងកូឡា ដែលមានប្រសិទ្ធភាពខ្ពស់ទាក់ទងនឹងបញ្ហាឈឺ ចុក រោយ លើរាងកាយ មិនក្ដៅ រោល ឬរមាស់លើស្បែកនោះទេ ដែលគេអាចប្រើសម្រាប់លាបរឹត ឬម៉ាស្សាក៏បាន ពោលគឺប្រើដោយពុំចាំបាច់បារម្ភខ្លាចមានបញ្ហា ដោយសារវាផ្សំពីប្រេងធម្មជាតិពិតៗ។

សម្រាប់តម្លៃផលិតផលរបស់សហគ្រាសនេះ ចំពោះប្រេងកូឡា ៥០ ក្រាមតម្លៃ ១៨០០០រៀល ឯ ១៥ ក្រាមតម្លៃ ៦០០០រៀល ចំពោះប្រេងខ្យល់វិញ ចំណុះ ២៥ មីលីលីត្រតម្លៃ ១៨០០០ រៀល ចំណុះ ២២ មីលីលីត្រតម្លៃ ១៥០០០ រៀល ចំណុះ១០ មីលីលីត្រតម្លៃ ១២០០០ រៀល និងចំណុះ ៥ មីលីលីត្រលក់តម្លៃ ៦០០០ រៀល។

ចំពោះវត្ថុធាតុដើមវិញ គ្រឿងផ្សំចម្បងគឺប្រជាប្រភេទប្រទាលពុទ្ធមន្ត ១០៨ មុខ ដែលជាឈ្មោះតំណាងឱ្យប្រទាលច្រើនមុខ បញ្ចូលគ្នាមានទាំងដើម ស្លឹក មើម យកមកចម្រាញ់ធ្វើជាប្រេង ហើយការចម្រាញ់នេះទៀតសោត អាចធ្វើបានចន្លោះខែប្រាំងពីខែមករា ដល់ខែមីនាប៉ុណ្ណោះ ដែលជារដូវកាលមើមប្រទាលចាស់ល្អ ស្អួតជាតិទឹក ងាយស្រួលចម្រាញ់ ចំណែកវត្ថុធាតុដើមខ្លះទៀតក៏ជាទំនិញនាំចូលផងដែរ។

ទាក់ទងនឹងដំណាក់កាលផលិត ដើម្បីទទួលបានផលិតផលសម្រេច គឺត្រូវចំណាយពេលច្រើនក្នុងការចម្រាញ់ប្រេង និងយកមកលាយធ្វើជាប្រេងកូឡា ឯប្រេងខ្យល់ពេលផលិតបានគេត្រូវផ្ងំទុក ៣-៥ ខែសិន ដើម្បីឱ្យប្រេងថ្លាល្អទើបអាចវេចខ្ចប់បាន។

គួរបញ្ជាក់ដែរថា អ្នកស្រីចាប់ផ្ដើមអាជីវកម្មនេះតាំងពីឆ្នាំ ២០១០ តែនៅប្រមាណ ៧ ឆ្នាំដំបូង ផលិតផលនេះមិនទាន់មានការផ្សព្វផ្សាយនៅឡើយទេ តែមានអ្នកស្គាល់តាមរយៈប្រសិទ្ធភាព ហើយមានការណែនាំពីមាត់មួយទៅមាត់មួយ ទើបគេស្គាល់ និងរកទិញជាបន្តបន្ទាប់។ ចំណែកដើមទុននៃការចាប់ផ្ដើមគឺ ២០-៣០ លាន ដែលចំណាយលើសម្ភារផលិតដូចជា ឆ្នាំងសម្រាប់កូរ ឬស្លរឱ្យចេញជាផលិតផល ចង្ក្រាន ក្រៅពីនេះ ក៏មានសម្ភារសម្រាប់វេចខ្ចប់ផលិតផលដូចជាដប ប្រអប់ ប្លាស្ទិក ផងដែរ។

ទន្ទឹមគ្នានេះដែរ អ្នកស្រីក៏បានរៀបរាប់ពីបញ្ហាប្រឈមដែរថា ភាគច្រើនទាក់ទងនឹងដើមទុនផលិត ដែលគេត្រូវចំណាយច្រើនចំពោះការពង្រីកអាជីវកម្ម ហើយស្ថាបនិករូបនេះក៏មានបំណងចង់ពង្រីក និងផ្សព្វផ្សាយពីយីហោនេះបន្ថែមទៀត ដើម្បីក្លាយជាផលិតផលប្រេងខ្យល់ និងប្រេងកូឡាឈានមុខក្នុងប្រទេសផងដែរ។ ចុងក្រោយ អ្នកស្រី សុគន្ធា ក៏សូមអំពាវនាវឱ្យបងប្អូនប្រជាជនយើងជួយគាំទ្រផលិតផលក្នុងស្រុក ដែលមានគុណភាព និងជាផ្នែកមួយជួយដល់សេដ្ឋកិច្ចជាតិផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ