សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្លឹកតើយ ឬតយ ជាប្រភេទដំណាំដែលមានគុណប្រយោជន៍ច្រើន ជាពិសេសសម្រាប់គ្រឿងផ្សំធ្វើបង្អែម ព្រោះតែគេអាចយកមកសម្រាប់បន្ថែមក្លិនក៏បាន ពណ៌ក៏បាន ថែមទាំងល្អសម្រាប់ផ្នែកសុខភាពថែមទៀតផង ទើបបងប្អូនប្រជាជនទូទៅនិយមចូលចិត្តយកមកប្រើប្រាស់។
ស្លឹកតើយ ត្រូវបានគេយកមកប្រើប្រាស់ជាគ្រឿងផ្សំសម្រាប់ធ្វើជាបង្អែមដូចជានំបាញ់ឌុក នំច័ក្កច័ន លត ទឹកសណ្តែក ពណ៌ខៀវ ហើយក៏អាចយកវាមកដាក់ក្នុងបាយដែលកំពុងផ្ងំ ដើម្បីឱ្យមានក្លិនក្រអូបប្រហើរ ឬប្រើប្រាស់តាមតម្រូវការផ្សេងៗទៀតតាមដែលអាចធ្វើបាន។ បន្ថែមពីនេះទៀត គេក៏អាចយកស្លឹកតើយមកធ្វើជាតែ សម្រាប់បរិភោគថែមទៀតផង។
ក្រៅពីស្លឹករបស់វា គេក៏អាចយកឫសរបស់តើយមកដាំទឹកពិសា ជួយបញ្ចុះជាតិស្ករសម្រាប់អ្នកទឹកនោមផ្អែម បំបាត់រោគទាស់នោម ព្យាបាលរលាកក្រលៀន រលាកថ្លើម ការពារជំងឺបេះដូង ព្យាបាលគ្រុនផ្តាសាយ និងបំប៉នកម្លាំង ហើយអាចជួយកម្ចាត់សារធាតុគីមីដែលតែងតែយកមកដាក់ក្នុងបង្អែម ចំណីអាហារកំប៉ុង ឬភេសជ្ជៈផ្សេងៗ។
គួរបញ្ជាក់ថា ស្លឹកតើយ ឬតយ គឺជាឈ្មោះប្រទាលមួយប្រភេទ ស្ថិតក្នុងពពួករំចេករុក្ខជាតិ ដែលមានពណ៌បៃតងស្រស់ មានក្លិនក្រអូបប្រហើរ ហើយប្រជាពលរដ្ឋនិយមដំានៅក្បែរអណ្តូងទឹក ឬតាមប្រឡាយក្បែរផ្ទះ ព្រោះរុក្ខជាតិប្រភេទនេះត្រូវការទឹកខ្លាំង។ ដោយសារតែមានប្រយោជន៍ច្រើនបែបនេះហើយទើបងប្អូនប្រជាជននៅតាមតំបន់មួយចំនួន ជាពិសេសតំបន់ក្រៅក្រុង និយមដាំ ហើយចំពោះអ្នកដែលរស់នៅក្នុងទីក្រុងដែលមិនមានដីទូលាយសម្រាប់ដាំដុះ ក៏អាចសាកល្បងដាំបាននៅក្នុងផើង ឬប្រអប់កែច្នៃដាក់ដីសម្រាប់ការដាំដុះទុកគ្រាន់ប្រើប្រាស់ជាលក្ខណ់ៈគ្រួសារ៕
Account
Security
Favourite Content