សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប្រធានសហគមន៍កសិករសំបូរមានជ័យបានអះអាងថា សម្រាប់ទិន្នផលស្លឹកគ្រៃដែលសហគមន៍បានផលិតក្នុងរយៈពេលប៉ុន្មានឆ្នាំចុងក្រោយនេះទទួលបានផលល្អប្រសើរ និងស្របទៅតាមគោលដៅដែលសហគមន៍បានគ្រោងទុក បើទោះបីជាការនាំចេញស្លឹកគ្រៃរបស់សហគមន៍ទៅកាន់ទីផ្សារក្រៅស្រុកនៅមិនទាន់លេចចេញជារូបរាងក៏ដោយ។
លោក អេង ថុង ប្រធានសហគមន៍កសិករសំបូរមានជ័យ បានមានប្រសាសន៍ប្រាប់ AMS តាមរយៈទូរសព្ទថា ៖
“បច្ចុប្បន្ននេះ មិនមែនកសិករមិនចង់បានទីផ្សារនាំចេញកសិផលដែលផលិតបាននៅក្នុងសហគមន៍នោះទេ ប៉ុន្តែខាងក្រុមហ៊ុននាំចេញនៅមិនទាន់មានការឆ្លើយតបច្បាស់លាស់មកសហគមន៍នៅឡើយ ម្យ៉ាងទៀតបើមិនបាននាំចេញ យ៉ាងហោចណាស់ក៏អាចផ្គត់ផ្គង់ទីផ្សារក្នុងស្រុកបានគ្រប់គ្រាន់ និងទទួលបានតម្លៃសមរម្យ។”
ប្រធានសហគមន៍រូបនេះបានបញ្ជាក់ថា ៖
“ទីផ្សារក្រៅប្រទេសដែលបានបញ្ជាទិញស្លឹកគ្រៃ គេចង់បានស្លឹកគ្រៃដែលមានទំហំប៉ុនមេដៃ ប្រវែង២តឹក និងឱ្យតម្លៃ ១ ៥០០រៀល ក្នុង១គីឡូក្រាម ។ តម្លៃនេះខ្ពស់ជាងទីផ្សារយើងលក់បោះដុំទាំងស្លឹកទាំងដើម ឬកាត់ស្លឹកចេញមានតម្លៃតែ ១ ០០០ – ១ ២០០រៀលប៉ុណ្ណោះ មានន័យថា យើងត្រូវប្រមូលផលស្លឹកគ្រៃដែលដាំដុះបាន ហើយជ្រើសយកក្នុងគុម្ពនីមួយៗ យកតែទំហំដែលគេត្រូវការរៀបចំឱ្យគេ។ ស្លឹកគ្រៃ១គុម្ព មានទំហំមិនប៉ុនគ្នាទាំងអស់ទេ ខ្ញុំសាកយកស្លឹកគ្រៃដែលលក់នៅទីផ្សារក្នុងស្រុក១ថង់ (១០គីឡូ ប្រវែង៤តឹក) មកជ្រើសរៀបចំសម្រាប់ទីផ្សារក្រៅស្រុកបញ្ជាទិញ យើងបង់ខាតអស់ ៤០%”
លោកបានអះអាងថា ៖
“បើគិតតាមហេតុផលសេដ្ឋកិច្ច យើងខាតបង់ដល់ទៅ៤០% ដែលពិបាកនឹងគិតដែរ ដែលយើងត្រូវការសិក្សា និងត្រូវពិភាក្សាជាមួយអ្នកបញ្ជាទិញបន្ថែម ប៉ុន្តែបច្ចុប្បន្នយើងនៅរង់ចាំការឆ្លើយតបពីអ្នកនាំចេញ”
ជាសកម្មភាពនាពេលបច្ចុប្បន្ន សហគមន៍បានប្រមូលទិញស្លឹកគ្រៃពីកសិករដើម្បីនាំចេញទៅប្រទេសថៃ ដោយសម្រាប់ស្លឹកគ្រៃស្ងួត មានតម្លៃ១ ៤០០រៀល ក្នុងមួយគីឡូក្រាម។ ចំណែកស្លឹកគ្រៃសើម មានតម្លៃ ២៥០រៀល ក្នុងមួយគីឡូក្រាម។ ដោយឡែកសម្រាប់ទីផ្សារកាណាដាវិញ (គល់ស្លឹកគ្រៃភ្លុកដំរី) មានតម្លៃ ១ ៩០០រៀល ក្នុងគីឡូក្រាម។
សូមបញ្ជាក់ថា សហគមន៍កសិករសំបូរមានជ័យ ដែលមានគោលដៅយុទ្ធសាស្ត្រដាំស្លឹកគ្រៃរាប់រយហិកតានោះបានចែកចាយកសិផលស្លឹកគ្រៃ ដែលសហគមន៍ប្រមូលបានដាក់ចូល និងផ្គត់ផ្គង់នៅតាមទីផ្សារលក់រាយនានានៅក្នុងរាជធានីភ្នំពេញ និងនៅតាមបណ្តាខេត្តមួយចំនួននៅទូទាំងប្រទេស។ ជាមួយគ្នានេះ អ្វីដែលជាការគួរឱ្យកត់សម្គាល់នោះ ពេលនេះប្រជាកសិករក្នុងសហគមន៍បាននាំគ្នាងាកមកដាំស្លឹកគ្រៃកាន់តែច្រើន ខណៈដែលការទទួលបានចំណូលពីការដាំស្លឹកគ្រៃអាចជួយផ្គត់ផ្គង់កម្រិតជីវភាពគ្រួសារបានយ៉ាងប្រសើរ។ បន្ថែមពីនេះ សហគមន៍ក៏បានរៀបចំឱ្យស្របទៅតាមគម្រោងផែនការដោយការពង្រីកផ្ទៃដីដាំដុះរហូតដល់ទៅ៨០ហិកតា ដែលអាចទទួលបានបរិមាណគ្រប់ចំនួន ២ ៤00តោន ។ ដោយឡែក ចំពោះការផលិតស្លឹកគ្រៃ សហគមន៍សំបូរមានជ័យមានផែនការផលិតស្លឹកគ្រៃឱ្យបានប្រមាណ ២ 000តោន ក្នុងឆ្នាំ២០២២ នេះ ខណៈដែលផ្ទៃដីទំហំ ១ហិចតា អាចទទួលបានផលពី ២៥ ទៅ៣០តោន ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សម្ដេចធិបតី ហ៊ុន ម៉ាណែត ៖ កម្ពុជា មិនអនុញ្ញាតឱ្យមានរោងចក្រផលិតបារីអេឡិចត្រូនិកឡើយ បើទោះបីក្នុងគោលដៅនាំចេញក៏ដោយ
Top News, ព្រឹត្តិការណ៍, សេដ្ឋកិច្ច
• 07/10/2026
កម្ពុជា មិនអនុញ្ញាតឱ្យមានរោងចក្រផលិតបារីអេឡិកត្រូនិកឡើយ
អបអរសាទរ សាខាទាំង ១៦ អតីតសាខារបស់ គ្រឹះស្ថានមីក្រូហិរញ្ញវត្ថុ ហ្វូណន ទទួលបានការអនុម័តពីធនាគារជាតិ នៃកម្ពុជា បំប្លែងទៅជាសាខារបស់ ធនាគារ ប្រៃសណីយ៍កម្ពុជា ក.អ
ព្រឹត្តិការណ៍, អត្ថបទពាណិជ្ជកម្ម
• 07/10/2026
អបអរសាទរ សាខាទាំង ១៦ អតីតជាសាខារបស់គ្រឹះស្ថានមីក្រូហិរញ្ញវត្ថុ ហ្វូណន ដែលទទួលបានការអនុម័តពីធនាគារជាតិនៃកម្ពុជា បំប្លែងទៅជាសាខារបស់ធនាគារ ប្រៃសណីយ៍កម្ពុជា ក.អ ដែលត្រូវបានសម្ពោធដាក់ឱ្យដំណើរការជាផ្លូវការព្រមគ្នាក្នុងថ្ងៃតែមួយ នាថ្ងៃទី០៥ ខែតុលា ឆ្នាំ២០២៦។ បច្ចុប្បន្ននេះ សាខារបស់ធនាគារ ប្រៃសណីយ៍កម្ពុជា សរុបកើនឡើងទៅចំនួន ៨០ សាខាទូទាំងប្រទេស។ សាខាថ្មីទាំង
ការលើកកម្ពស់ស្តង់ដារសុវត្ថិភាពអគ្គិភ័យសម្រាប់អគារនៅកម្ពុជា ជាមួយគណៈស្ថាបត្យករកម្ពុជា និង Jotun
ព្រឹត្តិការណ៍, អត្ថបទពាណិជ្ជកម្ម
• 07/10/2026
ភ្នំពេញ ៖ Jotun Cambodia កាលពីពេលថ្មីៗនេះ បានរៀបចំកម្មវិធី Fire Protection Insight Series 2026 ដោយបានប្រមូលផ្តុំសមាជិកនៃ Board of Architects Cambodia (គណៈស្ថាបត្យករកម្ពុជា) សមាគមស្ថាបត្យករខ្មែរ Architects Association
ស្នើសេវារំលស់ម៉ូតូ អិលអូអិលស៊ី គ្រប់ម៉ាក គ្រប់ស៊េរី! សេវារដ្ឋបាល ចាប់ពី 0%ឡើងទៅ! ផ្តល់ជូនពិសេស សម្រាប់ឱកាសបុណ្យភ្ជុំបិណ្ឌនេះប៉ុណ្ណោះ!
ព្រឹត្តិការណ៍, អត្ថបទពាណិជ្ជកម្ម
• 07/10/2026
ភ្នំពេញ ៖ ក្នុងឱកាសបុណ្យភ្ជុំបិណ្ឌ ដែលជាពេលវេលាដ៏មានអត្ថន័យសម្រាប់ការជួបជុំក្រុមគ្រួសារ និងការធ្វើដំណើរទៅស្រុកកំណើត អិលអូអិលស៊ី សូមផ្តល់ជូនប្រូម៉ូសិនពិសេសលើសេវារំលស់ម៉ូតូ ដើម្បីជួយឱ្យអតិថិជនកាន់តែងាយស្រួលក្នុងការក្លាយជាម្ចាស់ម៉ូតូសម្រាប់ការប្រើប្រាស់ប្រចាំថ្ងៃ និងការធ្វើដំណើរប្រកបដោយផាសុកភាព។ តាមរយៈប្រូម៉ូសិននេះ អតិថិជនអាចស្នើសេវារំលស់លើម៉ូតូសាំង និងម៉ូតូអគ្គិសនីគ្រប់ម៉ាក គ្រប់ស៊េរី ទាំងម៉ូតូថ្មី និងម៉ូតូមួយទឹកមានស្លាកលេខ ដោយទទួលបានអត្ថប្រយោជន៍ជាមួយ ប្រាក់ចូលរួមមុន និងសេវារដ្ឋបាលចាប់ពី 0% ឡើងទៅ
អាម៉េរិក និងក្រុមហ៊ុន Anduril រួមគ្នាវិនិយោគ ៦,៦ ពាន់លានដុល្លារ ពង្រីកសមត្ថភាពផលិតនាវាមុជទឹក
ព្រឹត្តិការណ៍, អាជីវកម្មថ្មី និងនវានុវត្ត
• 07/10/2026
ដ្ឋាភិបាលសហរដ្ឋអាម៉េរិក និងក្រុមហ៊ុនបច្ចេកវិទ្យាយោធា Anduril គ្រោងវិនិយោគរួមគ្នាប្រមាណ ៦,៦ ពាន់លានដុល្លារ ដើម្បីពង្រីកសមត្ថភាពផលិតនាវាមុជទឹក និងគ្រឿងបន្លាស់គាំទ្រសម្រាប់កងទ័ពជើងទឹកអាម៉េរិក
សម្ព័ន្ធមិត្ត ៣ ប្រទេស ពង្រាយយន្តហោះចម្បាំង ១០០គ្រឿង វាយប្រហារក្រុមហ៊ូទីនៅយេមែន
ព្រឹត្តិការណ៍, អាជីវកម្មថ្មី និងនវានុវត្ត
• 07/10/2026
យន្តហោះចម្បាំងសរុបប្រមាណ ១០០គ្រឿង របស់កងកម្លាំងយោធាមកពីប្រទេសអារ៉ាប៊ីសាអូឌីត តួគី និងប៉ាគីស្ថាន បានចូលរួមក្នុងការវាយប្រហារតាមអាកាសទ្រង់ទ្រាយធំប្រឆាំងនឹងក្រុមហ៊ូទី (Houthi) នៅប្រទេសយេមែន ក្រោមប្រតិបត្តិការដែលមានឈ្មោះថា «Operation Dawn of Yemen»
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content