ការបិទព្រំដែនគោកដោយឯកតោភាគីថៃ បានជំរុញឱ្យកម្ពុជាបង្កើនទីផ្សារបានកាន់តែច្រើនជាងមុន

ភ្នំពេញ ៖ ការនាំចេញអង្កររបស់កម្ពុជា បានបង្ហាញពីភាពធន់ និងការផ្លាស់ប្តូរយុទ្ធសាស្ត្រទីផ្សារយ៉ាងឆាប់រហ័ស ដោយបង្វែរទិសដៅនាំចេញទៅកាន់បណ្តាប្រទេសផ្សេងៗនៅលើពិភពលោក បន្ទាប់ពីភាគីថៃបានសម្រេចបិទព្រំដែនជាឯកតោភាគីដែលបង្កផលប៉ះពាល់ដល់ច្រកផ្លូវពាណិជ្ជកម្មរវាងប្រទេសទាំងពីរ។

កាលពីពេលកន្លងទៅ ប្រទេសថៃ គឺជាទីផ្សារដ៏សំខាន់មួយដែលបាននាំចូលអង្ករពីកម្ពុជាក្នុងបរិមាណយ៉ាងច្រើនសន្ធឹកសន្ធាប់រហូតដល់ជាង ១០ ម៉ឺនតោនក្នុងមួយឆ្នាំ។ ទោះជាយ៉ាងណា ការរាំងស្ទះនៅតាមព្រំដែនដោយសារវិធានការបិទច្រកទ្វារពីភាគីថៃ បានបង្ខំឱ្យអ្នកនាំចេញ និងអាជ្ញាធរពាក់ព័ន្ធរបស់កម្ពុជា ជំរុញផែនការចរចា និងស្វែងរកទីផ្សារថ្មីៗជំនួសវិញ ជាមួយលទ្ធផលផ្លែផ្កាវិជ្ជមាន។

ឧកញ៉ាបណ្ឌិត ឡាយ ឈុនហួ ប្រធានសហព័ន្ធស្រូវអង្ករកម្ពុជា បានប្រាប់បណ្តាញសារព័ត៌មាន AMS នាថ្ងៃទី១៨ ខែសីហា ឆ្នាំ២០២៦ ថា ពីមុនតួលេខនាំចេញអង្ករទៅថៃស្ថិតនៅខ្ទង់ជាង១០ ម៉ឺនតោន ក្នុងមួយឆ្នាំ។ ប៉ុន្តែក្រោយពីជម្លោះឈានទៅដល់ការបិទព្រំដែនគោកជាឯកតោភាគីរបស់ថៃ  កម្ពុជាបានបង្វែរចូលទៅទីផ្សារផ្សេងៗជំនួស ដូចជា ទីផ្សារអឺរ៉ុប ទីផ្សារចិន ទីផ្សារម៉ាឡេស៊ី ។

ប្រធានសហព័ន្ធស្រូវអង្ករកម្ពុជា បានបញ្ជាក់ថា៖

«ក្រោយពីសង្គ្រាមជាមួយប្រទេសថៃ មួយរយៈចុងក្រោយនេះ ការនាំចេញអង្ករកម្ពុជាភាគច្រើននៅលើទីផ្សារទាំងបី(អឺរ៉ុប ចិន ម៉ាឡេស៊ី) ដែលជាទីផ្សារសំខាន់ បានកើនឡើងជាង២០%។ ក្រៅពីនេះ យើងបានពង្រីកទីផ្សារផ្សេងៗទៀត ដូចជា ទីផ្សារសហរដ្ឋអាមេរិក អូស្ត្រាលី ញូវហ្សេឡែន ក៏មានការកើនឡើងដែរ។ជាការកត់សម្គាល់ បច្ចុប្បន្ននេះ កម្ពុជាមានទីផ្សារថ្មីមួយទៀត គឺប្រទេសហ្វីលីពីន ដែលកំពុងតែកើនឡើងខ្លាំង ដោយក្នុងរយៈពេល៧ខែដំបូងឆ្នាំ២០២៦នេះកម្ពុជានាំចេញទៅបាន ៩៥,០០០ តោន»។

​លោក​បណ្ឌិត​ ​ហុង ​វណ្ណៈ​ ​អ្នកជំនាញ​សេដ្ឋកិច្ច​នៃ​រាជ​បណ្ឌិត្យ​សភា​កម្ពុជា​ បានឱ្យដឹងថា៖ ការបង្វែរទិសដៅទីផ្សារទាន់ពេលវេលានេះ មិនត្រឹមតែជួយកាត់បន្ថយផលប៉ះពាល់អវិជ្ជមានពីការបិទព្រំដែនរបស់ថៃប៉ុណ្ណោះ​ទេ ប៉ុន្តែថែមទាំងជួយឱ្យកម្ពុជាកាត់បន្ថយការពឹងផ្អែកលើទីផ្សារតែមួយ និងពង្រឹងឯករាជ្យភាពនៃខ្សែច្រវាក់ផ្គត់ផ្គង់កសិផលរបស់ខ្លួននៅលើឆាកអន្តរជាតិផងដែរ។

លោកបានបញ្ជាក់ថា៖

«វិបត្តិព្រំដែននេះបានក្លាយជាកាលានុវត្តភាពសម្រាប់កម្ពុជាក្នុងការលើកកម្ពស់គុណភាពកែច្នៃ និងការវេចខ្ចប់ឱ្យស្របតាមស្តង់ដារអន្តរជាតិ ដើម្បីនាំចេញដោយផ្ទាល់ទៅកាន់ទីផ្សារចុងក្រោយ ដោយមិនបាច់ឆ្លងកាត់ប្រទេសជិតខាងដូចមុនទៀតឡើយ»។

យោងតាមរបាយការណ៍សហព័ន្ធស្រូវអង្ករកម្ពុជា ក្នុងរយៈពេល ៧ខែកន្លងមកនេះ បរិមាណអង្ករកម្ពុជាចំនួន ៧០៧ ៤៧១តោន ត្រូវបាននាំចេញទៅកាន់ទីផ្សារអន្តរជាតិ ដោយទទួលបានទឹកប្រាក់ជាង ៤១៥,១២លានដុល្លារ ក្នុងនោះប្រភេទអង្ករដែលបាននាំចេញ មាន អង្ករក្រអូបចំនួន ៥៩.២៣ភាគរយ ប្រភេទអង្ករសគ្រាប់វែង ២៣.៦៦ភាគរយ អង្ករចំហុយ ១.៩៣ភាគរយ អង្ករសរីរាង្គចំនួន ១.២៨ភាគរយ អង្ករបាក់គ្រប់ប្រភេទ ១៣.៧០ភាគរយ និងអង្ករផ្សេងៗចំនួន ០.២ភាគរយ។

ដោយឡែក អង្ករដែលកម្ពុជាបាននាំចេញសរុបជាង ៧០ម៉ឺនតោននោះ គឺធ្វើឡើងតាមរយៈក្រុមហ៊ុននាំចេញចំនួន ៦១ក្រុមហ៊ុន ទៅកាន់គោលដៅចំនួន ៦៦ ក្នុងនោះនាំចេញទៅកាន់​បណ្តាប្រទេសនៅ​តំបន់អឺរ៉ុបចំនួន ៣៣  ក្នុងបរិមាណ ២០៧ ១៥៧តោន ឬស្មើនឹង ១៥៦.៤៥ លានដុល្លារ និងទៅកាន់ប្រទេសក្នុងអាស៊ាន ចំនួន៥ ក្នុងចំនួន ២៦៦ ៣០០តោន គិតជាទឹកប្រាក់ ១០២.៨៤ លានដុល្លារ។

ប្រទេសចិន និងហុងកុងក៏ជាគោលដៅនាំចេញអង្ករដ៏សំខាន់របស់កម្ពុជា ដោយរយៈពេល ៧ខែមកនេះ ចិន និងហុងកុង បានទិញអង្ករពីកម្ពុជា ចំនួន ១៧៤ ៩៣០ តោន គិតជាទឹកប្រាក់ចំនួន ១០៣.៣១ លានដុល្លារ ខណៈការនាំចេញទៅសហរដ្ឋអាមេរិក និងទៅកាន់គោលដៅ ២៥ ប្រទេសផ្សេងទៀតមាន អាហ្វ្រិក មជ្ឈឹម បូព៌ា អាមេរិក កាណាដា អូស្ត្រាលី នូវែសេឡង់ជាដើម មានទំហំ ៥៩ ០៨៤ តោន ឬស្មើនឹង ៥២.៥២ លានដុល្លារអាម៉េរិក។

យោងតាមសហព័ន្ធស្រូវអង្ករកម្ពុជាបានឱ្យដឹងដែរថា ក្នុងរយៈពេល៧ខែកន្លងទៅនេះ កម្ពុជាក៏បាននាំចេញស្រូវសើមចំនួន ៣ ០០៦ ១២២ តោន ទៅ​កាន់ប្រទេសវៀតណាម ដែលគិតជាទឹកប្រាក់ប៉ាន់​ស្មាន​ពីការនាំចេញស្រូវសើមជាង៣លានតោននេះ មានចំនួនប្រមាណ ៦៦៥.៧០ លានដុល្លារអាម៉េរិក៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

លទ្ធផលសំខាន់ៗពីកិច្ចប្រជុំកំពូលចិន-អាស៊ាន លើកទី ២៩ ដែលប្រព្រឹត្តទៅនៅទីក្រុងម៉ានីល ប្រទេសហ្វីលីពីន

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

នាយករដ្ឋមន្ត្រីចិន លោក Li Qiang ជំរុញឱ្យប្រទេសចិន និងអាស៊ានរួមគ្នាការពារ និងអភិវឌ្ឍសហគមន៍រួម ដើម្បីផ្តល់នូវស្ថិរភាព និងភាពប្រាកដប្រជាកាន់តែខ្លាំងដល់ការអភិវឌ្ឍ និងវិបុលភាពរបស់ពិភពលោក

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ អញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុនៅខេត្តសៀមរាប ចំនួន ១៧៥ ៣៦៤ បណ្ណ

Top News, ព្រឹត្តិការណ៍, អចលនទ្រព្យ

• 17/11/2026

សៀមរាប ៖ សម្ដេចពិជ័យសេនា នាយឧត្តមសេនីយ៍ផុតលេខផ្កាយមាស៥ ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងជាតំណាងរាស្ត្រមណ្ឌលសៀមរាប នាថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញប្រគល់វិញ្ញាបនបត្រសម្គាល់ម្ចាស់អចលនវត្ថុជានិមិត្តរូបជូនម្ចាស់កម្មសិទ្ធិករក្នុងខេត្តសៀមរាប សរុបចំនួន ១៧៥ ៣៦៤ បណ្ណ ស្មើនឹង ៨ស្រុកស្មើនឹង ២៣ឃុំ ដែលក្នុងនោះ៖

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

សហគ្រិនខ្មែរ, Canadia Impact Fund, La French Tech Phnom Penh, Krya Global និង មជ្ឈមណ្ឌលបច្ចេកវិទ្យា AUPP ពង្រឹងប្រព័ន្ធអេកូឡូស៊ីធុរកិច្ចថ្មី និងនវានុវត្តន៍នៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរ (Khmer Enterprise) ដែលជាបរធនបាលកិច្ចរបស់រាជរដ្ឋាភិបាល បង្កើតឡើងក្នុងគោលបំណង ជំរុញការអភិវឌ្ឍប្រព័ន្ធអេកូឡូស៊ីសហគ្រិនភាព តាមរយៈការពង្រឹងធុរកិច្ចថ្មី និងសហគ្រាសធុនតូច និងមធ្យម (SMEs) នៅកម្ពុជា កំពុងបង្កើនកិច្ចសហការយុទ្ធសាស្ត្រជាមួយដៃគូក្នុងស្រុក និងអន្តរជាតិ ដើម្បីពង្រីកឱកាសសម្រាប់សហគ្រិន និងធុរកិច្ចថ្មី។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់សហគ្រិនខ្មែរ ក្នុងការកសាងប្រព័ន្ធអេកូឡូស៊ីសហគ្រិនភាពមួយដែល

រដ្ឋមន្ត្រី កសិកម្ម អញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ក្នុងព្រឹត្តិការណ៍អម «ហ្វ្រង់កូតិច-FrancoTech»

ព្រឹត្តិការណ៍, សេដ្ឋកិច្ច

• 16/11/2026

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ស្តីពី «AgriTech and Food Security» ក្នុងព្រឹត្តិការណ៍អម «ហ្វ្រង់កូតិច-FrancoTech» នៃកិច្ចប្រជុំហ្វ្រង់កូហ្វូនី លើកទី២០ ឆ្នាំ២០២៦។

ប្រមុខ UN ជំរុញឱ្យបង្កើនការវិនិយោគលើសន្តិភាពក្នុងកិច្ចប្រជុំកំពូលហ្វ្រង់កូហ្វូនីនៅ កម្ពុជា

ព្រឹត្តិការណ៍, អាជីវកម្មថ្មី និងនវានុវត្ត

• 16/11/2026

ភ្នំពេញ ៖ ការបង្កើនការវិនិយោគលើសន្តិភាព ពិសេសគោរពតាមច្បាប់អន្តរជាតិ និងប្រព័ន្ធអន្តរជាតិ នឹងធ្វើឱ្យប្លុកហ្វ្រង់កូហ្វូនី ក្លាយជាកន្លែងរស់នៅកាន់តែប្រសើរឡើង នេះបើតាមការអះអាងរបស់អគ្គលេខាធិការអង្គការសហប្រជាជាតិ លោក António Guterres កាលពីថ្ងៃ អាទិត្យ ក្នុងពិធីបើកកិច្ចប្រជុំកំពូលហ្រ្វង់កូហ្វូនីលើកទី២០ នៅកម្ពុជា ។ ក្នុងនាមជាអគ្គលេខាធិការយូអិន មុនពេលចាកចេញពីតំណែង តាមរយៈសារជាវីដេអូទៅកាន់មេដឹកនាំហ្វ្រង់កូហ្វូនី លោក

វេទិកាបច្ចេកវិទ្យាហិរញ្ញវត្ថុ Black swan កម្ពុជា ២០២៦ បង្ហាញ​ចក្ខុវិស័យចំនួន ៤

ព្រឹត្តិការណ៍, ហិរញ្ញវត្ថុ

• 16/11/2026

ភ្នំពេញ៖ វេទិកាបច្ចេកវិទ្យាហិរញ្ញវត្ថុប្លែកស្វន (Black swan) កម្ពុជា ២០២៦ បាន​ឈាន​ចូល​ដល់ថ្ងៃ​ទី២ហើយ នៅ​ថ្ងៃ​ទី១៦ ខែ​វិច្ឆិកា នេះ ដោយ​បាន​ពិភាក្សា​ស៊ីជម្រៅ​លើ​ចក្ខុវិស័យ​ចំនួន ៤ ក្នុង​ប្រព័ន្ធ​ហិរញ្ញវត្ថុ​​ ជាមួយ​នឹង​បច្ចេកវិទ្យាទំនើប កាន់​តែងាយស្រួល និងមាន​សុវត្ថិភាព។ យោង​តាម​សភាពាណិជ្ជកម្មកម្ពុជា បានឱ្យដឹង​ថា កិច្ច​ពិភាក្សា​ចំណុច​ទី១ បានផ្ដោត​លើប្រធាន​បទ

ធនាគារ​ជាតិ​នៃ​កម្ពុជា ​ចាប់​ដៃ Visa ​និង​ Mastercard ​ពង្រីក​ការ​ទូទាត់​ KHQ​R ​សម្រាប់​ភ្ញៀវ​អន្តរជាតិ​

ព្រឹត្តិការណ៍, ហិរញ្ញវត្ថុ

• 16/11/2026

​ ធនាគារ​ជាតិ​នៃ​កម្ពុជា​ ​បាន​ចុះ​អនុស្សរណៈ​យោគ​យល់​ចំនួន​ពីរ​ដាច់ដោយឡែក​ពី​គ្នា​ជាមួយ​ក្រុមហ៊ុន​បណ្ដាញ​បណ្ណ​ទូទាត់​អន្តរជាតិ​ Visa ​និង​ Mastercard ​ដើម្បី​សហការ​អភិវឌ្ឍ​មុខងារ​ ​QR ​Connector ​ក្នុង​គោលដៅ​ពង្រីក​លទ្ធភាព​ទូទាត់​តាម​ K​HQR ​និង​សម្រួល​ដល់​ការ​ទូទាត់​ឆ្លង​ប្រទេស​

​CSX​ ​ទទួល​បាន​សញ្ញា​បណ្ណ​ហេដ្ឋារចនាសម្ព័ន្ធ​បៃតង​ថ្មី​​ កៀរ​គរ​ទុន​រយៈពេល​វែង​ជិត​ ​១០០ ​លាន​ដុល្លារ​

ព្រឹត្តិការណ៍, សេដ្ឋកិច្ច

• 16/11/2026

ផ្សារ​មូលបត្រ​កម្ពុជា​ ​(​CSX​)​ ​បាន​ទទួល​ក្រុមហ៊ុន​ SchneiTec ​Jupiter ​Co​.​,​ Ltd​. ​ចុះ​បញ្ជី​លក់​សញ្ញា​បណ្ណ​ហេដ្ឋារចនាសម្ព័ន្ធ​បៃតង ​ដោយ​អាច​កៀរ​គរ​ទុន​រយៈពេល​វែង​បាន​ប្រមាណ​ ​១០០​ លាន​ដុល្លារ​អាម៉េរិក​ ​ដែល​នឹង​រួមចំណែក​គាំទ្រ​ដល់​ការ​វិនិយោគ​លើ​ហេដ្ឋារចនាសម្ព័ន្ធ​ថាមពល​ស្អាត ​និង​ការ​អភិវឌ្ឍ​សេដ្ឋកិច្ច​បៃតង​នៅ​កម្ពុជា


Leave a Reply

Your email address will not be published.Required fields are marked *