អតិផរណាខ្ពស់ និងការកើនឡើងនៃថ្លៃប្រេង អាចបន្ទុចបង្អាក់នៃការងើបឡើង

ភ្នំពេញ ៖ អត្រានៃអតិផរណាកាន់តែខ្ពស់ ការកើនឡើងនៃថ្លៃប្រេងឥន្ធនៈដែលកំពុងកើតមានអាចបន្ទុចបង្អាក់ដល់ការងើបឡើងវិញនៃសេដ្ឋកិច្ចសកលយ៉ាងប្រាកដ ខណៈដែលថ្នាក់ដឹកនាំនៃប្រទេសនីមួយកំពុងមានការព្រួយបារម្ភជាខ្លាំង។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងជាថ្មីកាលពីពេលថ្មីៗនេះថា សកលលោកទាំងមូល បាន និងកំពុងជួបប្រទះនឹងបញ្ហាប្រឈមដ៏គួរឱ្យព្រួយបារម្ភ ខណៈពេលដែលជំងឺកូវីដ-១៩ បានថមថយឥទ្ធិពលបន្តិច ប៉ុន្តែមិនទាន់បានបញ្ចប់កំសួលនៃការរាតត្បាតនៅឡើយ ដែលអាចបន្ទុចបង្អាក់ដល់សន្ទុះនៃការងើបឡើងវិញនៃសង្គមក៏ដូចជាសេដ្ឋកិច្ចសកល។

សម្ដេចតេជោ ហ៊ុន សែន បានគូសបញ្ចាក់ថា បញ្ហាប្រឈមដ៏គួរឱ្យព្រួយបារម្ភនោះ គឺការកើនឡើងនៃថ្លៃប្រេងឥន្ធនៈ បានបង្កឱ្យមានអតិផរណាខ្ពស់នៅគ្រប់ទីកន្លែង ជាពិសេស សហរដ្ឋអាមេរិក និងសហភាពអឺរ៉ុប ដែលបានជំរុញឱ្យធនាគារកណ្ដាលត្រូវបង្ខំចិត្តដំឡើងអត្រាការប្រាក់ ដើម្បីទប់ស្កាត់ការបន្តឡើងនៃអតិផរណា ដែលការណ៍នេះអាចនឹងធ្វើឱ្យតម្រូវការសកលធ្លាក់ចុះ។

ប្រសិនបើអត្រានៃអតិផរណាកើនឡើងខ្ពស់ នឹងដាក់សម្ពាធកាន់តែខ្លាំងឡើងមកលើជីវភាពរស់នៅប្រចាំថ្ងៃរបស់ប្រជាជន ដែលស្ថិតក្នុងកាលៈទេសៈដ៏លំបាក និងពិបាកប៉ាន់ប្រមាណនេះ គឺត្រូវការជាចាំបាច់នូវកិច្ចសហប្រតិបត្តិការ និងការចេះជួយគ្នាទៅវិញទៅមក ជាងពេលណាៗទាំងអស់។ នេះបើតាមប្រសាសន៍សម្ដេចតេជោ ហ៊ុន សែន ដែលបានលើកឡើង។

ឯកឧត្តម វង្សី វិស្សុត រដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុ ធ្លាប់បានថ្លែងកាលពីពេលថ្មីៗនេះ ចំពោះមុខសភាពការណ៍ដែលកើតមានបញ្ហាអតិផរណានេះ តម្រូវឱ្យកម្ពុជាត្រៀមខ្លួន និងគ្រប់គ្រងសេដ្ឋកិច្ចឱ្យបានល្អ ជាពិសេសការបែងចែកធនធាន ថវិកា ចាប់ពីពេលនេះរហូតដល់ឆ្នាំក្រោយ ព្រោះមិនដឹងថា តើវិបត្តិទី២នេះ នឹងមានទំហំ ឬជម្រៅផលប៉ះពាល់កម្រិតណានោះទេ ខណៈដែលកម្ពុជាទើបតែឆ្លងផុតពីរលកនៃវិបត្តិជំងឺកូវីដ-១៩ ដោយលំបាក ហើយជំងឺកូវីដ-១៩ នេះទៀតសោត ក៏នៅមិនទាន់ចប់ទាំងស្រុងនៅឡើយ។

ឯកឧត្តមបាបញ្ជាក់ថា ៖

“ដោយសារការបើកដំណើរការសេដ្ឋកិច្ចឡើងវិញ ហើយបងប្អូនប្រជាពលរដ្ឋយើងអាចមានការងារធ្វើ អាចប្រកបអាជីវកម្ម និងមានឱកាសរកប្រាក់ចំណូលបានឡើងវិញក្តី តែនៅពេលអតិផរណាកើនឡើង វានឹងជះឥទ្ធិពលទៅលើជីវភាពរស់នៅរបស់ពួកគាត់ ដោយសារប្រាក់ចំណូលពិត (Real income/real wage) ធ្លាក់ចុះ ដែលធ្វើឱ្យកម្លាំងទិញធ្លាក់ចុះ ជាពិសេសអ្នកដែលមានប្រាក់ចំណូលទាប”

លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានលើកឡើងអំពីក្តីព្រួយបារម្ភទៅលើបញ្ហាអតិផរណានេះ ដោយកត់សម្គាល់ថា នៅកម្ពុជាមាន២ករណី «ទំនិញឡើងថ្លៃ លុយចុះថោក» ឬ«ទំនិញចុះថោក លុយឡើងថ្លៃ» ។ ប៉ុន្តែបរិបទនៅកម្ពុជាអត្រាប្តូរប្រាក់រៀល(Exchange rate)មិនប្រែប្រួលខ្លាំងពេកទេ ដោយសារធនាគារជាតិបានរៀបចំវិធាន គោលនយោបាយធ្វើឱ្យមានស្ថិរភាពប្រាក់រៀល។

លោកបណ្ឌិតបានពន្យល់ថា ៖

“ទំនិញឡើងថ្លៃទំនិញទូទៅ វាប៉ះពាល់ដល់អ្នកប្រើប្រាស់ ដោយសារអាជីវករខ្លះគាត់ទិញទំនិញលក់បន្ត ប៉ុន្តែគាត់ក៏ជាអ្នកប្រើប្រាស់ដែរ ដោយសារគាត់មិនមែនលក់ទំនិញគ្រប់មុខនោះទេ ហើយការឡើងថ្លៃ ក៏វាមានប្រភព និងបុព្វហេតុវា ដែលធ្វើឱ្យថ្លៃដើមឡើងថ្លៃខ្ពស់នេះ។”

ដូច្នេះ អ្វីជាការផ្តោតសំខាន់ទៅលើការប្រែប្រួលខ្លាំងនៃប្រព័ន្ធផ្គត់ផ្គង់ និងសង្វាក់ផលិតកម្មចំណីអាហាររបស់សកលលោកនឹងនាំឱ្យមានផលប៉ះពាល់សម្រាប់ប្រជាពលរដ្ឋក្នុងពេលដែលអតិផរណាកើនឡើងខ្ពស់ ព្រោះគាត់ត្រូវការទំនិញប្រើប្រាស់ ហើយប្រៀបធៀបនឹងប្រាក់ចំណូលដែលគាត់នៅថេរ (សម្រាប់អ្នកមានចំណូលថេរ និងអ្នកលក់ដូរតិចតួច)នៅពេលគាត់ទិញទំនិញឡើងថ្លៃ រាប់ទាំងអាជីវករគាត់លក់ដំឡើងថ្លៃទំនិញផង ដោយសារមិនសូវមានអ្នកទិញផង ហើយគាត់ទិញមកថ្លៃដើមថ្លៃស្រាប់ទៅហើយ។ នេះបើតាមលោកបណ្ឌិតបានលើកឡើង។

បណ្ឌិត ហុង វណ្ណៈ បានគូសបញ្ជាក់ថា បញ្ហាកូវីដបានធ្វើរាំងស្ទះនៃការផលិតធ្វើឱ្យទំនិញមួយចំនួន ទំនិញសម្រាប់ប្រើប្រាស់របស់ជាពលរដ្ឋ ជួបឧបសគ្គ ទី១ដោយសារសហគ្រាសផលិតមួយចំនួនគាត់ក៏ពិបាកដំណើរការផលិត ទី២ វត្ថុធាតុដើមឡើងថ្លៃ ទី៣ កម្លាំងពលកម្មឡើងថ្លៃ ទី៤ គឺបញ្ហាប្រេងឥន្ទនៈ ដែលបានឡើងថ្លៃ ។ នៅលើសកលលោកកាលណាប្រេងឥន្ធនៈឡើងថ្លៃ គឺនាំឱ្យថ្ងៃដឹកជញ្ជូន ថ្លៃឡូជីស្ទីកភស្តុភាកម្មគកាន់ផ្សេងៗទាំងអស់។ ជារួមថាមពល ឬ ប្រេងឥន្ទនៈឡើងថ្លៃនេះហើយជាចលករសំខាន់ក្នុងការជំរុញឱ្យតម្លៃដើមឡើងថ្លៃ និងនាំឱ្យច្រវ៉ាក់ផ្គត់ផ្គង់ពិភពលោកមានចលនាឡើងថ្លៃ ។ កាលណាប្រភពទាំងអស់កើតមាន នាំឲ្យទំនិញឡើងថ្លៃគឺជះឥទ្ធិពលដល់មនុស្សគ្រប់ស្រទាប់វណ្ណៈ។ សរុបមកអតិផរណាវាជំរុញឱ្យប៉ះពាល់ដល់បញ្ហាសេដ្ឋកិច្ចសេដ្ឋកិច្ចជាតិទាំងមូលព្រោះចរន្តទំនិញឡើងថ្លៃដែលបានមកពីថ្លៃដើមឡើងថ្លៃ ធ្វើឱ្យការប្រើប្រាស់ និងការផលិតមានបញ្ហានាំឱ្យកើតមានការលំបាកតៗគ្នាធ្វើឱ្យសេដ្ឋកិច្ចរបស់សង្គម នឹងមានបញ្ហាជាប់គាំងនៅពេលណាដែលអតិផរណាបានកើតឡើង៕

លោក កែ ផុស | Mr. Ker Phors

ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

ព័ត៌មានទូទៅ

មើលទាំងអស់ ➧

អឺរ៉ុបពិន័យវេទិការលក់អីវ៉ាន់អនឡាញ Temu របស់ចិន ជាប្រាក់ជាង ២៣០ លានដុល្លារ

ព្រឹត្តិការណ៍, អាជីវកម្មថ្មី និងនវានុវត្ត

• 29/05/2026

ហភាពអឺរ៉ុបពិន័យវេទិការលក់អីវ៉ាន់អនឡាញ Temu របស់ចិន ជាប្រាក់ ២០០ លានអឺរ៉ូ (២៣២ លានដុល្លារអាម៉េរិក) ដោយសារបំពាននឹងច្បាប់ហាមឃាត់លក់ផលិតផលខុសច្បាប់

ឯកឧត្តមឧបនាយករដ្ឋមន្ត្រី សាយ សំអាល់ ៖ ការរៀបចំដែនដី ត្រូវប្រែក្លាយដីឱ្យមានគុណតម្លៃ ប្រសើរជាជាងគិតតែពីតម្លៃដី

Top News, ព្រឹត្តិការណ៍, អចលនទ្រព្យ

• 29/05/2026

ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា ការរៀបចំដែនដី ត្រូវប្រែក្លាយដីឱ្យមានគុណតម្លៃ ប្រសើរជាជាងគិតតែពីតម្លៃដី

សារព័ត៌មានបរទេស ៖ វិបត្តិប្រេងឥន្ធនៈសកល ជំរុញឱ្យកម្ពុជារកដំណោះស្រាយដើម្បីអាចប្រើប្រាស់ធនធានប្រេងនៅបាតសមុទ្រតម្លៃប្រមាណ ៣០០ ពាន់លានដុល្លារ

ព្រឹត្តិការណ៍, សេដ្ឋកិច្ច

• 29/05/2026

សាព័ត៌មាន Business Time ផ្សាយថា វិបត្តិប្រេងពីជម្លោះអ៊ីរ៉ង់ បានបង្កើតភាពបន្ទាន់ឡើងវិញសម្រាប់ប្រទេសកម្ពុជា ដើម្បីដោះស្រាយជម្លោះដែនសមុទ្រជាមួយប្រទេសថៃ និងដោះស្រាយថាមពលក្រោមសមុទ្រ

តម្លៃប្រេងបានធ្លាក់ចុះបន្តិច ខណៈដែលទីផ្សារមានក្តីសង្ឃឹមថា អាម៉េរិក និងអ៊ីរ៉ង់ អាចយល់ព្រមបន្តបទឈប់បាញ់

ព្រឹត្តិការណ៍, សេដ្ឋកិច្ច

• 29/05/2026

នៅថ្ងៃចុងសប្ដាហ៍នេះ តម្លៃប្រេងឆៅ Brent ធ្លាក់ចុះ ១,១% ឬ ៩២,៦៧ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ធ្លាក់ចុះ ១,៤% ឬ ៨៧,៦៤ ដុល្លារក្នុងមួយបារ៉ែល

ក្បាលដីក្នុងភូមិចំនួន២០ នៃស្រុកអង្គរជុំ ខេត្តសៀមរាប ត្រូវបានបិទផ្សាយជាសាធារណៈ ដើម្បីផ្ទៀងផ្ទាត់ទិន្នន័យមុនចេញបណ្ណកម្មសិទ្ធិ

ព្រឹត្តិការណ៍, អចលនទ្រព្យ

• 29/05/2026

ក្បាលដីដែលស្ថិតនៅក្នុងភូមិទាំង២០ ក្នុងឃុំចារឈូក ស្រុកអង្គរជុំ ខេត្តសៀមរាប ត្រូវបានបិទផ្សាយជាសាធារណៈមុននឹងចេញបណ្ណកម្មសិទ្ធិជូនពលរដ្ឋ

លំនៅឋានតម្លៃមធ្យមនៅតែមានតម្រូវការពីសំណាក់ប្រជាពលរដ្ឋ ជាពិសេស អ្នកទើបរៀបការរួចថ្មីថ្មោង

Top News, ព្រឹត្តិការណ៍, អចលនទ្រព្យ

• 29/05/2026

បើទោះបីស្ថានភាពអចលនទ្រព្យនៅក្នុងប្រទេសកម្ពុជា នៅមិនទាន់មានភាពល្អប្រសើរឡើងដូចមុនក៏ពិតមែន តែការអភិវឌ្ឍនៅតែបន្ត ខណៈតម្រូវការទីផ្សារនៅតែមាន ជាក់ស្ដែងលំនៅឋានតម្លៃមធ្យម ( តម្លៃ៥ម៉ឺន ដល់ ៧ម៉ឺនដុល្លារ ) នៅតែមានតម្រូវ

អ្នកជំនាញហិរញ្ញវត្ថុព្រមានពីវិបត្តិសេដ្ឋកិច្ចដ៏ធ្ងន់ធ្ងរ ប៉ុន្តែក៏ជាឱកាសវិនិយោគដើម្បីក្លាយជាអ្នកមានជំនាន់ថ្មី

ព្រឹត្តិការណ៍, អាជីវកម្មថ្មី និងនវានុវត្ត

• 29/05/2026

អ្នកជំនាញសេដ្ឋកិច្ចបានលើកឡើងថា សេដ្ឋកិច្ចពិភពលោកកំពុងឈានចូលដល់ដំណាក់កាលដួលរលំផ្នែកហិរញ្ញវត្ថុ ដែលនឹងមានសភាពកាន់តែធ្ងន់ធ្ងរជាងវិបត្តិសេដ្ឋកិច្ចកាលពីឆ្នាំ១៩២៩ (Great Depression)នោះ ទៅទៀត

ក្រុមហ៊ុនប្រេង PTT របស់ថៃ កំពុងស្វែងរកទីតាំងផ្សេងពីកម្ពុជា ក្រោយរងពហិការ និងខាតបង់ធ្ងន់ធ្ងរ

ព្រឹត្តិការណ៍, សេដ្ឋកិច្ច

• 29/05/2026

តំណាងក្រុមហ៊ុនប្រេង PTT របស់ប្រទេសថៃ បានឲ្យដឹងថា ខ្លួនកំពុងស្វែងរកឱកាសទីផ្សារក្រៅពីប្រទេសកម្ពុជា បន្ទាប់ពីពលរដ្ឋកម្ពុជាធ្វើពហិការប្រេងឥន្ធនៈរបស់ខ្លួនយ៉ាងខ្លាំងក្លា ដែលជំរុញឲ្យស្ថានីយ៍លក់រាយជាច្រើនបិទទ្វារនិងបង្វែទិសដៅទៅរកក្រុមហ៊ុនផ្សេង។

ក្រសួងរំពឹងថា រដូវកាលបៃតងឆ្នំា២០២៦ នឹងទទួលបានភ្ញៀវទេសចរជាង ០៩លាននាក់

ព្រឹត្តិការណ៍, សេដ្ឋកិច្ច

• 28/05/2026

ក្រសួងទេសចរណផ្តើមយុទ្ធនាការរដូវកាលបៃតងឆ្នាំ ២០២៦ ចាប់ពី ខែឧសភា ដល់ ខែតុលា ខាងមុខនេះ ដោយរំពឹងថា នឹមានកំណើនភ្ញៀវទេសចរជាតិ-អន្តរជាតិប្រមាណ ៩លាននាក់

គោលនយោបាយលំនៅឋានតម្លៃសមរម្យ ជួយប្រជាពលរដ្ឋជាកម្មករ មន្ត្រីរាជការមានចំណូលមធ្យម និងទាប អាចមានលទ្ធភាពទិញស្នាក់នៅ

ព្រឹត្តិការណ៍, អចលនទ្រព្យ

• 28/05/2026

ភ្នំពេញ៖ រាជរដ្ឋាភិបាលកម្ពុជា បានចេញគោលនយោបាយអភិវឌ្ឍន៍លំនៅឋានសង្គម និងលំនៅឋានតម្លៃសមរម្យ កាលពីខែកុម្ភៈ ឆ្នាំ២០២៦ ដែលត្រូវបានរៀបចំឡើងតាមរយៈការធ្វើបច្ចុប្បន្នកម្ម និងជំនួសឱ្យគោលនយោបាយស្តីពីការលើកទឹកចិត្ត និងការបង្កើតកម្មវិធីជាតិសម្រាប់ការអភិវឌ្ឍលំនៅឋានតម្លៃសមរម្យ ដើម្បីធានានិរន្តភាពនៃការបន្តដោះស្រាយបញ្ហាប្រឈមក្នុងវិស័យលំនៅឋាននៅកម្ពុជា ក្នុងគោលដៅជំរុញការផ្គត់ផ្គង់លំនៅឋានសង្គម និងលំនៅឋានតម្លៃសមរម្យប្រកបដោយគុណភាព សុវត្ថិភាព និងមានការតភ្ជាប់សេវាជូនប្រជាជនដែលមានចំណូលទាប មធ្យម និងក្រុមជនងាយរងគ្រោះព្រមទាំងជំរុញដល់ការអភិវឌ្ឍន៍នគររូបនីយកម្ម។ លំនៅឋានតម្លៃសមរម្យ ៣ប្រភេទ នឹងទទួលបានការគាំទ្រពីរាជរដ្ឋាភិបាល រួមមាន