មុនពេលសម្រេចចិត្តប្រើប្រាស់កម្ចី អ្នកគួររៀបចំខ្លួន និងសិក្សា ៤ចំណុចឱ្យបានច្បាស់

ភ្នំពេញ ៖ ការប្រើប្រាស់កម្ចី (ឥណទាន) មិនមែនសុទ្ធតែអាក្រក់នោះទេ លុះត្រាតែអ្នកប្រើប្រាស់កម្ចីមិនមានគោលបំណងច្បាស់លាស់ និងផែនការប្រើប្រាស់កម្ចីបានត្រឹមត្រូវ តែផ្ទុយទៅវិញ អ្នកបើប្រាស់កម្ចីត្រូវមានគោលបំណង និងផែនការច្បាស់លាស់ក្នុងការប្រើប្រាស់កម្ចីឱ្យមានប្រសិទ្ធភាព ជាពិសេសត្រូវមើលលទ្ធភាពរបស់ខ្លួនដើម្បីសងត្រឡប់ទៅស្ថាប័នដែលខ្លួនប្រើប្រាស់។

អ្នកប្រើប្រាស់កម្ចីត្រូវសិក្សាចំណុចសំខាន់មួយក្នុងចំណោមចំណុចសំខាន់ៗដទៃទៀតមុ​នសម្រេចប្រើប្រាស់កម្ចី នោះគឺមើលលទ្ធភាពសងរបស់ខ្លួនឱ្យបានច្បាស់លាស់ ដើម្បីបញ្ចៀសនូវបញ្ហាសងត្រឡប់អំឡុងពេលប្រើប្រាស់កម្ចី។ ដូច្នេះ មានសំណួរលើកឡើងថា  តើអ្នកប្រើប្រាស់កម្ចីគួររៀបចំខ្លួនបែបណាដើម្បីធានាលទ្ធភាពសងត្រឡប់បានល្អ? ជាចម្លើយ អ្នកប្រើប្រាស់គួរសិក្សា ៤​ ចំណុចដូចខាងក្រោមនេះ ដើម្បីធានាលទ្ធភាពសងត្រឡប់បានល្អ ៖

១.  គោលបំណង៖ តើការប្រើប្រាស់ប្រាក់កម្ចីពិតជាជួយបង្កើនប្រាក់ចំណូល ឬកាត់បន្ថយការចំណាយដែរ ឬទេ? ប្រសិនបើប្រាក់កម្ចី គ្រាន់តែបន្ថែមការចំណាយ ឬសំពាធហិរញ្ញវត្ថុ អ្នកមិនគួរខ្ចីនោះទេ។

២.  លទ្ធភាពនៃការសង ឬលំហូសាច់ប្រាក់៖ តើអ្នកពិតជាមានលទ្ធភាពសងវិញទៀងទាត់ដែរ ឬទេ? ត្រូវវិភាគចំណូល និងចំណាយរបស់ខ្លួន រួមទាំងចំណាយចាំបាច់ និងមិនចាំបាច់។ ការអនុវត្តល្អ គឺមិនត្រូវឱ្យការបង់សងកម្ចីប្រចាំខែ លើសពី ៥០% នៃចំណូលក្រោយកាត់ចំណាយចាំបាច់រួច។ ឧទាហរណ៍៖ អ្នកមានចំណូល ៧០០ដុល្លារក្នុងមួយខែ ឯចំណាយចាំបាច់គឺ ៣០០ ដុល្លារក្នុងមួយខែ ដូចនេះ ចំណូលនៅសល់ក្រោយចំណាយចាំបាច់គឺ ៤០០ ដុល្លារ។ ដូច្នេះ ការបង់សងត្រលប់របស់អ្នកមិនគួរលើស ២០០ដុល្លារក្នុងមួយខែឡើយ។ ការធ្វើបែបនេះដើម្បីធានាបាននូវសុខមាលភាពផ្លូវចិត្ត និងកាត់បន្ថយសំពាធហិរញ្ញវត្ថុ។

៣.  ប្រៀបធៀបផលិតផល ៖ តើគ្រឹះស្ថាន ឬផលិតផលណាដែលត្រូវតាមតំរូវការជាក់ស្តែងរបស់អ្នក? ត្រូវចេះប្រៀបធៀបតម្លៃ លក្ខខណ្ឌកម្ចី និងថ្លៃសេវាផ្សេងៗឱ្យបានច្បាស់ ដើម្បីទទួលបានផលិតផលល្អបំផុតសម្រាប់អ្នក។ ជាធម្មតាឥណទានដែលមានអត្រាការប្រាក់ទាប ភាគច្រើន គឺមានលក្ខខណ្ឌតឹងរឹង និងមិនសូវបត់បែនបាន ហើយត្រូវប្រាកដថា គ្រឹះស្ថានដែលអ្នកជ្រើសរើស គឺជាគ្រឹះស្ថានស្របច្បាប់ ដើម្បីទទួលបានការការពារអតិថិជន។ បើមិនច្បាស់ថា គ្រឹះស្ថាននោះមានអាជ្ញាប័ណ ឬអត់ សូមទៅរកគ្រឹះស្ថានផ្សេងដែលអ្នកស្គាល់ច្បាស់។

៤.  ភាពស្មោះត្រង់ និងទំនាក់ទំនង ៖ សូមរក្សាទំនាក់ទំនងល្អជាមួយមន្ត្រីឥណទាន និងផ្តល់ព័ត៌មានជាប្រចាំដល់ពួកគាត់ប្រកបដោយភាពស្មោះត្រង់ ដើម្បីរក្សាបាននូវទំនុកចិត្តសម្រាប់ពេលអនាគត។ ត្រូវសួរនាំនៅពេលមានចម្ងល់ និងជជែកពិភាក្សានៅពេលអ្នកអាចនឹងជួបប្រទះបញ្ហាហិរញ្ញវត្ថុណាមួយ។ អាជីវកម្មមីក្រូហិរញ្ញវត្ថុ ឬធនាគារអាចរីកចម្រើនបាននៅពេលដែលអតិថិជនរបស់ខ្លួនទទួលបានជោគជ័យ ដូចនេះការរក្សាបាននូវទំនុកចិត្ត គឺជាគន្លឹះសំខាន់នៅពេលជួបប្រទះបញ្ហា ក៏ដូចជានៅពេលមានតំរូវការប្រាក់កម្ចីនាពេលអនាគតផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម