ក្រោយខកខាន​២ឆ្នាំពិព័រណ៍ផលិតផលខ្មែរ និងទំនិញនាំចេញនាំចូល​រៀបចំឡើង​វិញ​ដោ​យមា​ន​ក្រុ​​​​​ម​ហ៊ុនជា​ង​​​១៨​០​ចូលរួម

ភ្នំពេញ ៖ ក្នុងឆ្នាំ២០២២​នេះ ដោយសា្ថនភាព​នៃជំងឺកូវីដ​១៩​បាន​ថមថយ​ និងស្រាកស្រានឡើង​វិញ រាជរដ្ឋាភិបាលកម្ពុជា​ក៏បានចាប់ផ្ដើម​ដំណើរការ​ប្រទេស​ពេញលេញឡើងវិញ ដោយផ្ដល់លទ្ធភាព​ឱ្យ​គ្រប់​ភ្នាក់​ងារ​ពាក់ព័ន្ធសេដ្ឋកិច្ច​ទាំងអស់​ចាប់ផ្ដើម​ដំណើរការ​អាជីវកម្ម​ក្នុងការ​ស្ដារ​សេដ្ឋកិច្ច​ឡើងវិញក្រោយ​វិបត្តិ​កូវីដ​១៩​។ ជាមួយគ្នានេះ ពិព័រណ៍ផលិតផលខ្មែរ និង​ទំនិញ​នាំចេញ​នាំចូល​ដែលខក​ខាន២ឆ្នាំមកហើយនោះក៏បានចាប់ផ្ដើម​រៀបចំឡើងវិញដែលជា​ផ្នែកមួយ​នៃ​ការជួយជំរុញ​កំណើនសេដ្ឋកិច្ច​កម្ពុជា​ផងដែរ។​

​ឯកឧត្តម ​កៅ កោសល អគ្គ​នាយក​ជំរុញពាណិជ្ជកម្មនៃក្រសួង​ពាណិជ្ជកម្ម​បានថ្លែង​នៅក្នុងពិធី​បើក​ពិព័រណ៍​កាលពីព្រឹកថ្ងៃទី​១៥ ខែធ្នូ ឆ្នាំ២០២២​នេះឱ្យដឹងថា​ពិព័រណ៍​ផលិតផលខ្មែរ និងទំនិញ​នាំចេញនាំចូល​ឆ្នាំ២០២២​នេះ បានចាប់ផ្ដើម​ដំណើរការ​ជាថ្មីដោយមានស្តង់សរុប​ចំនួន​ ២៦៨​ ស្តង់ ដោយក្នុងនោះមានស្តង់​ស្ថានទូ​តបរទេស​ប្រចាំកម្ពុជា ស្តង់មក​ពី​រាជធានី ខេត្ត សភាពាណិជ្ជកម្មកម្ពុជា សហព័ន្ធស្រូវ​អង្ករ​កម្ពុជា សមាគម​អាជីវកម្ម ក្រុមហ៊ុន សហគ្រាស​ក្នុងស្រុក និងមកពីបរទេស​ដែល​មានក្រុមហ៊ុនសហគ្រាស​ចំនួន​១៨១ក្រុមហ៊ុន។

ឯកឧត្តម​បានមានប្រសាសន៍បន្តថា ភ្ញៀវ​អន្តរជាតិ ​ដែលជាអ្នកតាំង​ពិព័រណ៍​បានមកចូលរួម​មាន​ដូចជា​មកពីប្រទេសចិន សហរដ្ឋអាមេរិក ឥណ្ឌា ជប៉ុន អ៊ីតាលី​ កូរ៉េខាងត្បូង តួគី​ សិង្ហបុរី​ វៀតណាម ឡាវ ឥណ្ឌូ​នេស៊ី ព្រះរាជាណាចក្រថៃឡង់ដ៏ និងមកពីសាធារណរដ្ឋឥស្លាម​ប៉ាគីស្ថាន​ផងដែរ ។ ផលិតផល​ដែល​មានដាក់​តាំង​នៅក្នុងព្រឹត្តិការណ៍​ពិព័រណ៍​នេះរួមមាន ផលិតផល​កសិកម្ម បន្លែ ផ្លែឈើ និងកា​រកែច្នៃ​កសិផល​ផលិតផល​​ម្ហូបអាហារ និងភេសជ្ជៈ យានយន្ត​ គ្រឿង​យន្ត និងឧបករណ៍​បម្រើ​ការ​ងារ​ក្នុង​ឃ្លាំង ផលិតផល​សូត្រ​​និងវត្ថុ​អនុស្សាវរីយ៍  ផលិតផល​សៀវភៅ និងការអាន ផលិតផលគ្រឿងអលង្ការ និងត្បូង​មានតម្លៃ​និ​ង​ផ​លិ​​ត​ផ​​លបន្ទាប់បន្សំផ្សេងៗទៀតដូចជា គ្រឿងសំអាង សម្ភារការិយាល័យ គម្រោងវិនិយោគ ផលិ​ត​ផ​ល​​សិ​ប្ប​ក​ម្ម និងទំនិញប្រើប្រាស់ទូទៅ ។   

ឯកឧត្តម ​ឈួន ដារ៉ា រដ្ឋលេខាធិកា​រក្រសួង​ពាណិជ្ជកម្មបានថ្លែង​ក្នុងពិធីឱ្យដឹងផងដែរថា ពិព័រណ៍​ផលិតផល​ខ្មែរ និងទំនិញនាំចេញនាំចូល លើកទី​១៥​ឆ្នាំនេះ រៀបចំឡើង​ក្រោមប្រធាន​បទការវិល​ត្រលប់មកធ្វើធុរកិច្ច​ឡើង​វិញ​ជា​ព្រឹត្តិការណ៍​ពាណិជ្ជកម្មកម្រិត​អន្តរជាតិ​ដ៏សំខាន់​របស់ប្រទេស​កម្ពុជា បានចាប់ផ្ដើម​ដំណើរការ​ឡើងវិញក្រោយ​វិបត្តិ​ជំងឺកូវីដ​១៩ ។

ឯកឧត្តម​បន្តថា ព្រឹត្តិការណ៍​នេះ​នឹងជួយ​ជំរុញ​សកម្មភាព​ពាណិជ្ជកម្ម​ បង្កើ​តឱកាស​ការងារ​ តភ្ជាប់​ទំនា​ក់​ទំ​នង​សេដ្ឋកិច្ច និងវិនិយោគ​កាន់តែ​ល្អប្រសើរ​រវាង​កម្ពុជា និងអន្តរជាតិ ព្រមទាំង​បង្ហាញស្មារតី​នៃការ​ភ្ជា​ប់​ទំ​នា​ក់​ទំនង​លើគ្រប់វិស័យ​ឡើងវិញ។ ដូច្នេះ​បេសកកម្ម​របស់យើង​នៅពេលនេះ គឺត្រូវ​ខិតខំ​រួមគ្នា​កសាង​និងស្ដារ​ស​ហ​គមន៍នេះឡើងវិញ​ក្រោយ​វិបត្តិ​នៃជំងឺ​កូវីដ១៩​ តាមរយៈការពង្រឹង​កិច្ចសហប្រតិបត្តិការ​លើ​វិស័យ​សេដ្ឋ​កិច្ច។

លោក​ លាង ឡេង​ អនុប្រធានសមាគម​អ្នកផលិត​ចំណីអាហារ​កម្ពុជា និងជាម្ចាស់សហគ្រាស​ លា​ង ឡេង​ ដែ​ល​​បានចូលរួមក្នុងពិព័រណ៍នោះដែរ​បានឱ្យដឹងថា ព្រឹត្តិការណ៍​នេះ​នឹងជួយឱ្យផលិតផលក្នុងស្រុក​អាច​មាន​ទីផ្សារ​ល្អប្រសើរ​ឡើងវិញក្រោយពីពួកគេ​បានជួបប្រទះនឹង​បញ្ហា​ដោយសារតែវិបត្តិកូវីដ១៩​។

លោកបន្តថា ៖ ​

“នៅ​ពេ​ល​មា​នទីផ្សារ​ល្អប្រសើរ​ ពួកយើង​នឹ​ងបង្កើត​ការផលិត​បន្ថែម​ដើម្បីបំពេញ​តម្រូវការ​នៅក្នុងស្រុក​និង​ឈា​ន​ដ​ល់​កា​រនាំចេញទៅកាន់ទីផ្សារអន្តរជាតិ។ តាមពិតទៅ ទោះបីជា​ស្ថិតនៅក្នុងវិបត្តិ​យ៉ាងណាក្ដី ​ពួកយើងដែលជា​អ្នកផលិតក្នុងស្រុកនៅតែ​បន្ត​ពង្រឹង​គុណភាព​ទំនិញ​និងផលិតផល​ដើម្បីផ្គត់ផ្គង់ដល់ពលរដ្ឋ​ ហើយទំនិញ​ក្នុងស្រុក​របស់​យើង​មួយចំនួនក៏ទទួលបានការគាំទ្រ​ពីពលរដ្ឋ​ក្នុង និងអតិថិជននៅខាងក្រៅប្រទេស​ផងដែរ៕”


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ