គម្រោងស្រូវក្រៀល ជួយទាំងសត្វក្រៀល និងលើកកម្ពស់ជីវភាពប្រជាជនក្នុងតំបន់

ស្រូវក្រៀល ជាគម្រោងមួយបង្កើតឡើងដើម្បីកាត់បន្ថយផលប៉ះពាល់ទាំងឡាយដែលអាចកើតមានដោយសារសកម្មភាពមនុស្ស និងហានិភ័យផ្សេងៗទៅលើជីវៈចម្រុះ ជាពិសេសសត្វក្រៀល និងជាផ្នែកមមួយជួយលើកម្ពស់ជីវភាពរស់នៅរបស់ប្រជាជនក្នុងតំបន់ដែលបានចូលរួមសហការ។

លោក ប៊ិ ថុនា ជាអ្នកសម្របសម្រួលគម្រោងស្រូវក្រៀលជាមួយអង្គការជីវិតធម្មជាតិនៅកម្ពុជាបានប្រាប់ AMS ឱ្យដឹងថា៖

«គម្រោងស្រូវក្រៀលបានចាប់ផ្ដើមឡើងនៅឆ្នាំ២០២០ ​ដែលមានគោលបំណងធ្វើឱ្យប្រសើរឡើងនូវរបបអាហារសម្រាប់មនុស្ស និងសត្វក្រៀលដែលជាប្រភេទសត្វងាយរងគ្រោះ ធ្វើឱ្យប្រសើរឡើងនូវប្រព័ន្ធអេកូឡូស៊ីក្នុងតំបន់ដីសើមតាមរយៈការកាត់បន្ថយការប្រើប្រាស់ជីគីមីកសិកម្ម ដោយមានការគ្រប់គ្រងដោយចីរភាព និងស្វែងយល់អំពីចរិតលក្ខណៈរបស់សត្វក្រៀល លើប្រភេទស្រូវ ដើម្បីអនុវត្តការអភិរក្សពីសំណាក់ប្រជាជនក្នុងតំបន់»។

លោកបន្តថា គម្រោងស្រូវក្រៀលបានអនុវត្តជាមួយបងប្អូនកសិកររស់នៅជុំវិញតំបន់ការពារទេសភាពអន្លង់ព្រីង ក្នុងនោះមានភូមិអន្លង់ព្រីង ភូមិកោះចំការ ភូមិកោះត្នោត និងភូមិជ្រេស ក្នុងឃុំ បឹងសាលាខាងត្បូង ឃុំព្រែកក្រឹស ស្រុកកំពង់ត្រាច ខេត្តកំពត។ គិតមកដល់ឆ្នាំទីបីនេះ សមាជិកកសិករស្រូវក្រៀលមាន ១២០គ្រួសារហើយ ដែលផ្ទៃដីសរុប១៣២.៥ហិកតាដែលជាតំបន់សុវត្ថិភាពសម្រាប់ផ្ដល់ចំណីដល់សត្វក្រៀល។​

តាមរយៈគម្រោងនេះសហគមន៍មូលដ្ឋានអាចទទួលបានផលប្រយោជន៍តាមរយៈសកម្មភាពរួមមាន សកម្មភាពទី១ យើងបានជួលដីស្រែកសិករ ១៨ហិកតា ហើយធ្វើការដាំដុះស្រូវដោយមិនប្រើប្រាស់ជីគីមី ជាប្រភេទពូជស្រូវក្នុងតំបន់ដែលសត្វក្រៀលចូលចិត្តស៊ីក្រោយពេលប្រមូលផលស្រូវត្រូវរក្សា ៥០ភាគរយក្នុងស្រែទុកជាចំណីដល់សត្វក្រៀល។

សកម្មភាពទី២ យើងមានគម្រោងបង្កើតសហគមន៍ស្រូវក្រៀល ដោយមានការចូលរួមដោយស្ម័គ្រចិត្ត យើងមានវគ្គបណ្តុះបណ្តាលបច្ចេកទេសកសិកម្ម ជួយគាំទ្រឧបត្ថម្ភស្រូវពូជ និងជីធម្មជាតិដល់ពួកគាត់ដោយឥតគិតថ្លៃ។ ប៉ុន្តែគម្រោងនេះក៏ត្រូវការស្នើសុំឱ្យសមាជិកកាត់បន្ថយការប្រើប្រាស់ជីគីមី ថ្នំាពុលកសិកម្មជាដើម និងឱ្យសមាជិកទុកស្រូវ ៥ភាគរយក្នុងស្រែដើម្បីជាចំណីបន្ថែមដល់សត្វក្រៀលនិងសត្វស្លាបដទៃទៀត ចំពោះស្រូវ ៥ភាគរយនេះខាងគម្រោងនឹងទូទាត់សងវិញតាមតម្លៃទីផ្សារជាក់ស្តែង ដោយឡែកគម្រោងនឹងជួយទិញស្រូវ ក៏ដូចជារកទីផ្សារជូនពួកគាត់ព្រមទាំងឱ្យតម្លៃខ្ពស់ជាងទីផ្សារផងដែរ។

ចំពោះទិន្នផលស្រូវវិញ ក្នុងឆ្នាំទីមួយគម្រោងផលិតស្រូវបាន ៨០តោន​ដែលមានកសិករជាសមាជិក ៤១គ្រួសារ ឆ្នាំទីពីរផលិតស្រូវបាន ១៦០ តោនដែលមានកសិករជាសមាជិក១០០គ្រួសារ ដោយឡែកក្នុងឆ្នាំទីបីនេះគម្រោងបង្កើនសមាជិកដល់ ១២០គ្រួសារទិន្នផលរបស់ពួកគាត់ប្រមាណ ២០០តោនក្នុងឆ្នាំនេះ។

សម្រាប់ទីផ្សារស្រូវក្រៀលមួយផ្នែកគឺយើងសហការជាមួយឈ្មួញក្នុងស្រុកដែលទទួលទិញស្រូវកសិករជាសមាជិកដែលព្រមទិញស្រូវក្នុងតម្លៃថ្លៃជាងទីផ្សារ លើសពីនេះគម្រោងបានបន្ថែម ៥-៧.៥ភាគរយ ខ្ពស់ជាងទីផ្សារដើម្បីលើកទឹកចិត្ដកសិករផ្ទាល់តែម្ដង។ ដោយឡែកទិន្នផលស្រូវដែលគម្រោងជួលដីពីកសិករ ១៨ហិចតា យើងកិនលក់ក្នុងទីផ្សារជាអង្ករស្រូវក្រៀល ដោយលក់តាមផ្សារកសិករនិងដៃគូសហការរបស់យើងមានខាង Nham24ជាដើម។

ទន្ទឹមគ្នានេះដែរ លោក ថុនា ក៏បានលើកឡើងពីផលលំបាករបស់គម្រោងមួយចំនួនដូចជា បញ្ហាដីដែលមានជាតិជូ(ជាតិអាស៊ីត) ធ្វើឱ្យកសិករផលិតស្រូវបានផលទាប ហេតុនេះជំរុញឱ្យពួកគាត់បន្ដប្រើជីគីមី​ដែលមានថ្លៃដើមខ្ពស់ ម្យ៉ាងទៀតកសិករងាកទៅដាំដុះស្រូវអ៊ីអ៊ែ(IR) ដែលធ្វើការដាំដុះបានពីដងក្នុងមួយរដូវជាហេតុនេះធ្វើអោយមានការរំខានខ្ពស់ដល់សត្វក្រៀលកំឡុងពេលមានវត្ដមាននៅតំបន់កាពារទេសភាពអន្លង់ព្រីងចាប់ពីដើមខែមករាដល់ខែឧសភា។​

យ៉ាងណាមិញសម្រាប់ថ្ងៃអនាគត គម្រោងស្រូវក្រៀលនឹងពង្រីកការសហការជាមួយដៃគូបន្ថែមទៀត ដើម្បីទទួលទិញស្រូវកសិករដែលផលិតបានបានឱ្យបានកាន់តែច្រើន ធ្វើយ៉ាងណាធានាឱ្យបាននូវទីផ្សារមួយដែលកសិករអាចលក់ស្រូវក្នុងតម្លៃសមរម្យ និងបន្ដជាមួយគម្រោងប្រកបដោយចីរភាព៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...