ជនជាតិបារាំងពីរនាក់ប្រមូលប្លាស្ទិក កែច្នៃជាផលិតផលស្អាតៗគួរឱ្យទាក់ទាញអារម្មណ៍ពីមហាជន

ភ្នំពេញ ៖ សំរាម នៅតែជាបញ្ហាចម្បងមួយដែលអ្នកពាក់ព័ន្ធ និងអ្នកស្រឡាញ់បរិស្ថានព្យាយាមរកដំណោះស្រាយ ដើម្បីកាត់បន្ថយ។ ក្នុងនោះ ការយកសំរាមដែលប្រើប្រាស់រួចទៅកែច្នៃឡើងវិញ គឺជាជម្រើសដ៏ល្អមួយដែលមានទទួលបានការលើកទឹកចិត្តច្រើនជាងគេ។

ពីសំរាមដែលនៅរាយប៉ាយតាមផ្លូវ និងនៅលើផ្ទៃទឹក ពេលនេះត្រូវបានម្ចាស់សិប្បកម្មសញ្ជាតិបារាំងចំនួន​ ២រូប​ នាំគ្នាប្រមូលយកមកកែច្នៃឱ្យចេញជាផលិតផលផ្សេងៗ ដែលមានរូបរាង និងពណ៍យ៉ាង​ស្រស់ស្អាតគួរជាទីទាក់ទាញ ។

ឆ្លងកាត់នូវបទពិសោធន៍ការងារស្ម័គ្រចិត្តក្នុងប្រទេសកម្ពុជាក្នុងអំឡុងឆ្នាំ២០១០ ជនជាតិបារាំងទាំង​ពីរនាក់បានទៅស្រាវជ្រាវបន្ថែមពីការកែច្នៃនៅប្រទេសបារាំងមួយរយៈ ហើយបានត្រឡប់មកកម្ពុជាវិញ ​ដើម្បីចាប់ផ្ដើមធ្វើការកែច្នៃ​សំរាម និងប្លាស្ទិកនៅក្នុង​ឆ្នាំ២០១៦។

ក្នុងដំណើរការកែច្នៃនាពេលនោះ ពួកគេបានសហការ​ជាមួយអង្គការនានាដែលធ្វើការពាក់ព័ន្ធ​នឹងបរិស្ថាននៅតាមបណ្ដាខេត្តនានា ប៉ុន្តែក្រោយមកក៏បានសម្រេចប្ដូរទីតាំងមករាជធានីភ្នំពេញវិញនៅឆ្នាំ២០២២។

អ្នកនាង Alix Langlois ដែលជាស្ថាបនិកសិប្បកម្ម Trash is Nice បានឱ្យដឹងថា ខ្លួននឹងក្រុម​ការងារ បានប្រមូលប្លាស្ទីកជាច្រើនប្រភេទដូចជា ដបគ្រប់ប្រភេទ កែវជ័រ កំប៉ុងជ័រ គម្របដប និងថង់​ប្លាស្ទីកជាដើម  ដើម្បីកែច្នៃចេញជាផលិតផលថ្មី ដូចជា ដបទឹកបរិស្ថាន ចានទម្រ ថូផ្កា ក្រាស់សិតសក់ កាបូប និងបន្តោងសោរជាដើម។

ទាក់ទិននឹងដំណើរការកែច្នៃ អ្នកនាង Elora Wagner ដែលជាសហស្ថាបនិកបានឱ្យ ដឹងថា ជារៀង​រាល់ខែ ក្រុមការងាររបស់សិប្បកម្ម Trash is Nice តែងដើរប្រមូលសំរាមប្លាស្ទីកពីទីតាំងជុំវិញតំបន់​កោះពេជ្រ ពោលគឺក្បែរៗទីតាំងសិប្បកម្មរបស់ខ្លួន។

បើតាមអ្នកនាង Elora Wagner ក្នុងមួយខែ ខ្លួន និងក្រុមការងារអាចប្រមូលសំរាមប្លាស្ទីកបានប្រមាណ ១០០គីឡូ។ សំរាមប្លាស្ទីកទាំងនោះ នឹងត្រូវយកទៅលាងសម្អាត កិន និងកាត់ជាគ្រាប់ ហើយចុងក្រោយគឺយកទៅចាក់ពុម្ពចេញជារបស់ប្រើប្រាស់ផ្សេងៗ។

តាមរយៈការរចនាម៉ូតស្អាតៗ ផលិតផលទាំងនោះទទួលបានការចាប់អារម្មណ៍យ៉ាងខ្លាំងពីសំណាក់អតិថិជន​ ជាពិសេសក្រុមអតិថិជនគោលដៅដែលមានបំណងចូលរួមកាត់បន្ថយការប្រើប្រាស់​ផ្លាស្ទីកតែម្ដង។ មិនត្រឹមតែប៉ុណ្ណោះ ជារៀងរាល់ខែ សិប្បកម្មខាងលើក៏ចូលរួមជាមួយដៃគូដើម្បីបង្កើតជាវគ្គបណ្ដុះបណ្ដាល និងសិក្ខាសាលា ក្នុងគោលបំណងអប់រំយុវជនអំពីផលប៉ះពាល់នៃសំរាមប្លាស្ទីក ក៏ដូចជាបង្កើនចំណេះដឹងអំពីកែច្នៃប្លាស្ទីក និងការប្រើប្រាស់ប្លាស្ទីកឡើងវិញជាដើម។

គួរបញ្ជាក់ថា ការចោលសំណល់រឹងនៅទីលានចាក់សំរាម មានការកើនឡើង ៥ដង ចាប់ពី ៣១៨ ០០០ តោននៅឆ្នាំ២០០៤ ដល់ ១.៧ លានតោនក្នុងមួយឆ្នាំនៅឆ្នាំ២០១៨។ នេះបើយោង​តាមរបាយការណ៍របស់ក្រសួងបរិស្ថាន។

ទីលានចាក់សំរាមទំាងអស់ក្នុងប្រទេសកម្ពុជានឹងមិនអាចបន្តផ្ទុកសំណល់រឹងបានទេ ប្រសិនជា​សំណល់រឹងបន្តកើនឡើងក្នុងល្បឿនដូចសព្វថ្ងៃ ជាពិសេសនៅទីក្រុងធំៗមួយចំនួនដូចជា ក្រុងភ្នំពេញ ​ដែលផលិតសំរាមជាមធ្យម ២ ២១៦តោនជារៀងរាល់ថ្ងៃ។

គួរបញ្ជាក់ដែរថា សំរាមជាច្រើនគឺអាចកែច្នៃដើម្បីប្រើប្រាស់ឡើងវិញបាន ប៉ុន្តែតាមការសង្កេតគេឃើញមានតែសំរាមជាង ២០% ប៉ុណ្ណោះ ដែលត្រូវ​បានកែច្នៃឡើងវិញ ខណៈដែលសំរាមក្នុងក្រុងប្រមាណជាង ៩០% ត្រូវបានរកឃើញថា មានផ្ទុក​សម្ភារៈដែលអាចកែច្នៃបាន ដូចជាកាកសំណល់សេរីរាង្គ (៥៥%) ប្លាស្ទិក (២១%) និងសំណល់​ផ្សេងៗទៀត៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន