សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Nikkei Asia បានរាយការណ៍ថា កំណើនសេដ្ឋកិច្ចរបស់ចិនអាចនឹងនៅកម្រិតទាបក្នុងរយៈពេល ៤ ឆ្នាំ ខាងមុខនេះ។
កាលពីថ្ងៃសុក្រ មូលនិធិរូបិយវត្ថុអន្តរជាតិ (IMF) បានចេញផ្សាយថា កំណើនសេដ្ឋកិច្ចចិនស្របតាមគោលដៅរបស់ប្រទេសប្រហែល ៥ ភាគរយកាលពីឆ្នាំមុន ប៉ុន្តែវាអាចនឹងធ្លាក់ចុះនៅឆ្នាំ២០២៤ ហើយវាអាចនឹងបន្តធ្លាក់ចុះទាបត្រឹម ៣,៤ ភាគរយនៅឆ្នាំ២០២៨។ លើសពីនេះ កំណើនផលិតផលក្នុងស្រុកសរុបរបស់ចិនអាចនឹងថយចុះមកនៅត្រឹម ៤,៦ ភាគរយក្នុងឆ្នាំ២០២៤ បើធៀបនឹងការប៉ាន់ប្រមាណ ៥,៤ ភាគរយកាលពីឆ្នាំមុន។
មិនត្រឹមតែប៉ុណ្ណោះ IMF បាននិយាយថា ការធ្លាក់ចុះនៃអចលនទ្រព្យរបស់ចិន និងការធ្លាក់ចុះតម្រូវការសម្រាប់ការនាំចេញរបស់ខ្លួនអាចនឹងរារាំងកំណើនសេដ្ឋកិច្ចនៅឆ្នាំនេះ ខណៈពេលដែលប្រទេសនេះកំពុងនឹងប្រឈមមុខភាពច្របូកច្របល់ពីផលិតភាពទន់ខ្សោយ និងចំនួនប្រជាជនវ័យចំណាស់ច្រើន។
លោក Sonali Jain-Chandra ប្រធានបេសកកម្មរបស់ IMF នៅប្រទេសចិនបាននិយាយថា វិធានការដើម្បីជួយវិស័យអចលនទ្រព្យរបស់ចិនផ្លាស់ប្តូរប្រកបដោយនិរន្តរភាពជាងមុន និងការបន្ថយហានិភ័យបំណុលរបស់រដ្ឋាភិបាលក្នុងតំបន់ គឺត្រូវការពិភាក្សាគ្នាអំពីធាតុផ្សំនៃគោលនយោបាយ។ វាជាកត្តាចាំបាច់ក្នុងការជំរុញសកម្មភាពរយៈពេលខ្លី ស្តារទំនុកចិត្ត និងកាត់បន្ថយហានិភ័យ។ ទន្ទឹមនឹងនេះ IMF បានសរសេរថា បើគ្មានការឆ្លើយតបពីគោលនយោបាយលើវិស័យអចលនទ្រព្យទេ ការវិនិយោគអចលនទ្រព្យនឹងបន្តធ្លាក់ចុះរហូតដល់ឆ្នាំ២០២៥ ដែលអាចបណ្តាលឱ្យមានកំណើន GDP ធ្លាក់ចុះដល់ ៣ ភាគរយក្នុងឆ្នាំ២០២៤ និងឆ្នាំ២០២៥ ។
កាលពីឆ្នាំ២០២៣ សេដ្ឋកិច្ចរបស់ចិនបានស្ទុះងើបឡើងវិញ ដោយសារជំរុញពីការចំណាយរបស់អ្នកប្រើប្រាស់ រួមជាមួយនឹងគោលនយោបាយរបស់រដ្ឋាភិបាល។ យ៉ាងណាមិញ IMF បានធ្វើបច្ចុប្បន្នភាពការព្យាករណ៍សម្រាប់ប្រទេសចិននៅឆ្នាំ២០២៤ ដោយសារវិបត្តិវិស័យអចលនទ្រព្យដែលកំពុងបន្ត និងភាពតានតឹងផ្នែកសារពើពន្ធក្នុងតំបន់កំពុងប្រឈមនឹងបំណុលកម្រិតខ្ពស់នៅតែជាបញ្ហាប្រឈមចំពោះសេដ្ឋកិច្ច។
IMF កត់សម្គាល់ថា ទស្សនវិស័យសម្រាប់សេដ្ឋកិច្ចចិនមានភាពមិនប្រាកដប្រជា ដោយសារការវិនិយោគលើហេដ្ឋារចនាសម្ព័ន្ធ និងលំនៅឋានហួសកម្រិត។ IMF បានព្រមានថា ការធ្លាក់ចុះកាន់តែធ្ងន់ធ្ងរជាងការរំពឹងទុកនៅក្នុងវិស័យអចលនទ្រព្យអាចប៉ះពាល់លើតម្រូវការឯកជន ទំនុកចិត្តកាន់តែធ្លាក់ចុះ បង្កើនភាពតានតឹងសារពើពន្ធរបស់រដ្ឋាភិបាលក្នុងតំបន់ បង្កើនសម្ពាធអតិផរណា និងស្ថានភាពម៉ាក្រូហិរញ្ញវត្ថុខ្សោយ។ លើសពីនេះ តម្រូវការខាងក្រៅដែលអាក្រក់ជាងការរំពឹងទុក និងភាពតានតឹងភូមិសាស្ត្រនយោបាយ បង្កហានិភ័យដល់សេដ្ឋកិច្ចរបស់ប្រទេសចិន។ IMF បាននិយាយថា សកម្មភាពគោលនយោបាយដែលសម្រេចដោយទីក្រុងប៉េកាំងដូចជា ការរៀបចំរចនាសម្ព័ន្ធឡើងវិញយ៉ាងឆាប់រហ័សនៅក្នុងវិស័យអចលនទ្រព្យអាចបង្កើនទំនុកចិត្តរបស់វិនិយោគិន និងជំរុញការស្ទុះងើបឡើងវិញនៃការវិនិយោគឯកជន៕
Account
Security
Favourite Content