សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ស្របពេលដែលប្រជាជនមានត្រឹម ១៦ លាននាក់ ហើយគម្រោងអភិវឌ្ឍន៍ផ្សេងៗក៏មិនទាន់មានច្រើនទៀតនោះ ផ្ទៃដីនៅកម្ពុជានៅសល់ទំនេរច្រើន ជាពិសេសប្រជាពលរដ្ឋដែលរស់នៅតាមបណ្តាខេត្តភាគច្រើនគឺមានដីធំទូលាយច្រើន ដែលអំណោយផលសម្រាប់ការធ្វើកសិកម្មទាំងលក្ខណៈគ្រួសារ ក៏ដូចជាលក្ខណៈកសិដ្ឋាន ប៉ុន្តែអ្វីដែលជាការគួរឱ្យកត់សម្គាល់ រាល់ការប្រើប្រាស់ដីរបស់ពួកគេហាក់នៅមិនទាន់ប្រើអស់លទ្ធភាពនៅឡើយ។
ការទទួលបានចំណេះដឹងពាក់ព័ន្ធទៅនឹងការប្រើប្រាស់ដីឱ្យអស់លទ្ធភាព ក៏ដូចជាការដាំដុះដើម្បីទទួលបានផលជាប្រចាំរបស់ប្រជាពលរដ្ឋនៅតាមបណ្តាខេត្តនានា ក្រៅតែពីកសិកម្មបែបប្រពៃណីនៅតែចោទជាបញ្ហានៅឡើយ។ ប៉ុន្តែសម្រាប់កសិករមួយចំនួនដែលយល់ពីធនធានដែលខ្លួនមានស្រាប់ និងស្វែងរកចំណេះដឹងបន្ថែមទាក់ទងនឹងការដាំដុះ ពួកគេអាចរស់នៅដោយមានជីវភាពធូរធា ឬយ៉ាងហោចណាស់មិនមានអ្វីត្រូវចំណាយច្រើនទៅលើម្ហូបអាហារប្រចាំថ្ងៃនោះឡើយ។
កសិករមួយរូបរស់នៅខេត្តកំពង់ឆ្នាំងបានលើកឡើងពីសកម្មភាពវិលជុំរបស់ខ្លួនទៅលើការថែទាំដំណាំ និងចិញ្ចឹមសត្វនៅជុំវិញផ្ទះ ដែលសកម្មភាពទាំងនេះ ថ្វីត្បិតតែហត់បន្តិច ក៏ប៉ុន្តែបានជួយសម្រាលការចំណាយរបស់ខ្លួនមួយផ្នែកធំ។
អ្នកស្រី ប៊ូ សុភី ដែលមានចំណូលចិត្តខាងដាំដំណាំ ហើយដែលទទួលបានការណែនាំបណ្ដុះបណ្ដាលពីគម្រោង SUCRA បានចាប់ផ្ដើមការដាំដុះរបស់ខ្លួននៅចុងឆ្នាំ២០២០ លើដីទំនេរជុំវិញផ្ទះសរុបប្រហែលកន្លះហិចតា ដោយមានដំណាំចម្រុះគ្រប់មុខ ដូចជា ដំណាំហូបផ្លែ បន្លែ ចិញ្ចឹមត្រី និងចិញ្ចឹមសត្វជាដើម។
អ្នកស្រីបានរៀបរាប់បន្ថែមថា ការដាំដុះរបស់ខ្លួនប្រៀបបីដូចជាចរន្ដមួយដែលបំពេញគ្នាទៅវិញទៅមក ហើយទទួលបានផលពីមួយថ្ងៃទៅមួយថ្ងៃ។ នៅចំពោះមុខ អ្នកស្រីបានជីកស្រះមួយ និងបានដាក់កូនត្រីចូលក្នុងស្រះដើម្បីឱ្យទឹកស្រះមានជីវជាតិ ហើយទឹកស្រះនោះនឹងត្រូវយកទៅស្រោចដំណាំនៅខែប្រាំង រីឯត្រីដែលចិញ្ចឹមនោះក៏អាចហូបបានថែមទៀត។ ដំណាំដែលប្រមូលបានឯណោះវិញ អាចហូបខ្លួនឯងបាន និងអាចបែងចែកមួយផ្នែកឱ្យសត្វស៊ី ដោយឡែក លាមកសត្វវិញ ក៏ត្រូវបានយកទៅលាយជាជីកំប៉ុស្តិ៍សម្រាប់ដាក់គល់ដំណាំហូបផ្លែផងដែរ។
តាមរយៈកសិកម្មវិលជុំនេះ អ្នកស្រីបញ្ជាក់ថា ខ្លួនកម្រនឹងទិញបន្លែ ឬសាច់ពីផ្សារណាស់ ពោលគឺទិញតែគ្រឿងផ្សំរសជាតិ ដូចជា ប៊ីចេង ស្ក អំបិល ដែលអ្នកស្រីមិនអាចផលិតបាន។ ម្យ៉ាងទៀត សុខភាពអ្នកស្រីបានប្រសើរឡើងជាបន្តបន្ទាប់ក្រោយពីអ្នកស្រីហូបតែបន្លែធម្មជាតិដែលខ្លួនដាំ ហើយសម្រាប់សេដ្ឋកិច្ចគ្រួសាររបស់អ្នកស្រីវិញ ក៏អាចមានចំណូលជាប្រចាំតាមរយៈការលក់បន្លែ ផ្លែឈើ និងសត្វចិញ្ចឹម សល់ពីការផ្គត់ផ្គង់ក្នុងគ្រួសារដែលបានយ៉ាងតិច ៦ម៉ឺនរៀលក្នុងមួយថ្ងៃ។
ស្រដៀងគ្នានេះ កសិករមួយរូបទៀត លោក អោម ផាន់ រស់នៅខេត្តពោធិ៍សាត់ឯណោះវិញ មានដីជុំវិញផ្ទះរហូតដល់២ហិចតា រាប់បញ្ចូលទាំងដីធ្វើស្រែ ដីចំការ និងស្រះទឹកផងដែរ។
កសិកររូបនេះបានរៀបរាប់ថា នៅខែវស្សាខ្លួនបានផ្ដោតលើដំណាំស្រូវភាគច្រើន ហើយក្រោយពេលប្រមូលផលទើបរៀបចំដាស់ដីសម្រាប់ដំាំដំណាំវិញម្ដង ហើយដីមួយផ្នែកទៀត លោកបានដាក់ដាំដំណាំហូបផ្លែ ដូចជា ដូង ស្វាយ ត្របែកជាដើម។
លោក អោម ផាន់ ៖
“នៅខែប្រាំង ពេលទឹករីងខ្ញុំអាចចាប់ត្រីក្នុងស្រះដែលនៅជាប់ស្រែសម្រាប់ហូប និងលក់បាន បន្ទាប់មកខ្ញុំត្រូវភ្ជួរដាស់ដីសម្រាប់ដាំត្រសក់ ល្ពៅ ឪឡឹក និងមួយផ្នែកទៀតដាំស្លឹកគ្រៃ រំដេង ម្ទេស ជី និងស្លឹកខ្ទឹមជាដើម”
ក្រៅពីនេះ លោកក៏មានចិញ្ចឹមគោ ចិញ្ចឹមមាន់ ទា ផងដែរ ហើយជានិច្ចជាកាលតែងប្រមូលសត្វចិញ្ចឹមទាំងនេះ បូករួមទិន្នផលជុំវិញផ្ទះលក់បានជាបន្តបន្ទាប់។
លោកបានអះអាងថា យូរៗម្ដងទើបខ្លួនទិញបន្លែ សាច់ពីផ្សារ ប៉ុន្តែភាគច្រើនអ្វីដែលមាននៅជុំវិញផ្ទះ គឺគ្រប់គ្រាន់សម្រាប់ផ្គត់ផ្គង់ការហូបចុករបស់គ្រួសារប្រចាំថ្ងៃទាំងមូល។
តាមរយៈការលើកឡើងរបស់កសិករទាំងពីររូបខាងលើនេះបានបង្ហាញឱ្យឃើញពីសារៈសំខាន់នៃការធ្វើកសិកម្មទៅលើសេដ្ឋកិច្ចពលរដ្ឋខ្លួនឯងផ្ទាល់ និងភាពប៉ិនប្រសប់របស់កសិករក្នុងការប្រើប្រាស់ដីជុំវិញផ្ទះឱ្យអស់លទ្ធភាព ដើម្បីជួយសម្រាលបន្ទុករបស់គ្រួសារ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content