Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ក្រុមហ៊ុន ម៉េងលី ជេ. គួច អេឌ្យូខេសិន (MJQE) ដែលមានដូចជាមជ្ឈមណ្ឌលភាសា អេ អាយ អាយ (Aii) សាលារៀន អន្តរទ្វីប អាមេរិកាំង (AIS) និងសូហ្គូ (SOGO) បានរៀបចំកម្មវិធី «មាគ៌ាឆ្ពោះទៅកាន់ពិភពលោក» ឬ «Window to the World» ដោយផ្ដល់ឱកាសដល់សិស្សឆ្នើមចំនួន២០នាក់ មកពីវិទ្យាល័យព្រៃទប់ ស្ថិតក្នុងខេត្តតាកែវ មកធ្វើទស្សនកិច្ចសិក្សាអប់រំនៅរាជធានីភ្នំពេញរយៈពេល៤ថ្ងៃ គឺចាប់ពីថ្ងៃទី១២ ដល់ថ្ងៃទី១៥ ខែមិថុនា ឆ្នាំ២០២៤។

អ្នកឧកញ៉ាវេជ្ជបណ្ឌិត គួច ម៉េងលី អគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន មានប្រសាសន៍ថា កម្មវិធី «មាគ៌ាឆ្ពោះទៅកាន់ពិភពលោក» ឬ «Window to the World» រៀបចំឡើងដើម្បីផ្តល់ឱកាសដល់សិស្សានុសិស្សដែលមានជីវភាពលំបាកនៅតាមជនបទក្នុងប្រទេសកម្ពុជាមកទស្សនកិច្ចសិក្សានៅរាជធានីភ្នំពេញ។ អ្នកឧកញ៉ាបន្តថា ការជ្រើសរើសយកសិស្សមកពីវិទ្យាល័យព្រៃទប់ ខេត្តតាកែវ ចាប់ពីថ្នាក់ទី១០ និងទី១១ មកចូលរួមទស្សនកិច្ចអប់រំនេះ គឺតាមរយៈការចុះវាយតម្លៃរបស់គណៈកម្មការរៀបចំកម្មវិធី ឃើញថា វិទ្យាល័យនេះស្ថិតក្នុងតំបន់ដាច់ស្រយាល និងមានសិស្សជួបការលំបាក។

កាលខ្ញុំរៀននៅពីក្មេងគេតែងរៀបចំកម្មវិធីនាំសិស្សតំបន់ក្រីក្រ តំបន់ដាច់ស្រយាល នាំមកទីក្រុងដើម្បីឱ្យស្គាល់អំពីទីក្រុង ការរស់នៅ ទិដ្ឋភាពទូទៅដើម្បីបំភ្លឺចំណេះដឹងរបស់សិស្ស ដូច្នេះហើយទើបខ្ញុំផ្ដួចផ្ដើមគំនិតបង្កើតកម្មវិធីនេះឡើង មានឈ្មោះថា កម្មវិធី «មាគ៌ាឆ្ពោះទៅកាន់ពិភពលោក» ឬ «Window to the World»អ្នកឧកញ៉ាវេជ្ជបណ្ឌិត គួច ម៉េងលី អគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន

អគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន បញ្ជាក់បន្ថែមថា កម្មវិធី «មាគ៌ាឆ្ពោះទៅកាន់ពិភពលោក» នេះ មានគោលបំណងបង្ហាញសិស្សានុសិស្សដែលមកចូលរួមឱ្យស្គាល់ពីសាលារៀននៅរាជធានីភ្នំពេញ សាកលវិទ្យាល័យ ព្រះបរមរាជវាំង សារមន្ទីរជាតិ និងទីកន្លែងជាច្រើនទៀត។ លើសពីនេះ នាំពួកគេទៅភ្លក់រស់ជាតិម្ហូបអាហារដែលមិនធ្លាប់មាននៅជនបទ ដែលកម្មវិធីនឹងធ្វើឱ្យសិស្សមានភាពសប្បាយរីករាយ ផ្សារភ្ជាប់ទំនាក់ទំនងជាមួយសិស្សនៅទីក្រុង និងសិស្សនៅជនបទ ព្រមទាំងជាការផ្លាស់ប្ដូរបទពិសោធន៍ និងរៀនពីគ្នាទៅវិញទៅមក។

អ្នកឧកញ៉ា វេជ្ជបណ្ឌិត គួច ម៉េងលី រំពឹទុកថា កម្មវិធីមាគ៌ាឆ្ពោះទៅកាន់ពិភពលោកនេះ នឹងបន្តធ្វើទៅថ្ងៃមុខបន្តទៀត ព្រមទាំងមានសាលាផ្សេងៗមកចូលរួមជាមួយគ្នា ដើម្បីជួយចែករំលែកការលំបាករបស់សិស្សនៅតាមជនបទ។ ជាមួយគ្នានេះអ្នកឧកញ៉ា ក៏ជឿជាក់ថា សិស្សានុសិស្សដែលចូលរួមទាំង២០នាក់នេះ នឹងពាំនាំយកចំណេះដឹងទាំងនេះទៅចែករំលែកនូវភាពក្លាហាន និងចំណេះដឹងដែលគាត់មានទៅកាន់មិត្តភក្ដិដទៃទៀតផងដែរ។

យុវតី ទុយ សុជាត្តា ជាសិស្សថ្នាក់ទី១១ «ខ» នៃវិទ្យាល័យព្រៃទប់ ខេត្តតាកែវ និយាយថា រូបគេពិតជារំភើបដែលមានឱកាសបានចូលរួមនៅក្នុងកម្មវិធី Window to the World នេះ ព្រោះរូបគេមិននឹងស្មានថា អាចមានឱកាសល្អបែបនេះ ក្នុងការចូលរួមដំណើរទស្សនកិច្ចសិក្សាមករាជធានីភ្នំពេញ។ សុជាត្តា បន្តថា កម្មវិធីនេះ បានផ្ដល់ចំណេះដឹង បទពិសោធន៍ល្អៗ និងមានឱកាសស្គាល់ពីទីតាំងវប្បធម៌ និងប្រវត្តិសាស្រ្តមួយចំនួននៅរាជធានីភ្នំពេញដែលមិនធ្លាប់ស្គាល់ពីមុនមក។

យុវតី ឡុង អ៊ារ៉ូដែត ជាសិស្សថ្នាក់ទី១១ នៃវិទ្យាល័យព្រៃទប់ ខេត្តតាកែវ ក៏បានលើកឡើងដែរថា កម្មវិធី Window to the World ពិតជាល្អ និងផ្ដល់ឱកាសឱ្យរូបគេបានជួបផ្ទាល់ជាមួយ អ្នកឧកញ៉ា វេជ្ជបណ្ឌិត គួច ម៉េងលី ដែលជានិមិត្តរូបក្នុងចិត្ត និងតែងតែគាំទ្រកន្លងមក។ យុវតី ឡុង អ៊ារ៉ូដែត បន្តថា រូបគេនឹងនាំយកចំណេះដឹង ក៏ដូចជាបទពិសោធន៍ថ្មីៗ ទស្សនៈល្អៗដែលរៀនបានពីកម្មវិធីនេះ ទៅចែករំលែកដល់មិត្តភក្ដិរួមថ្នាក់នៅខេត្តឱ្យបានដឹងអំពីភាពស៊ីវីល័យរបស់រាជធានីភ្នំពេញ ការសិក្សាអប់រំនៅសាលា AII និង AIS ទៅដល់សិស្សដែលមិនបានមកចូលរួមឱ្យបានដឹង។

អ៊ារ៉ូដែត ក៏បានអរគុណដល់ អ្នកឧកញ៉ា វេជ្ជបណ្ឌិត គួច ម៉េងលី ដែលបានរៀបចំកម្មវិធីដ៏មានសារៈនេះឡើង ដើម្បីជួយដល់មកពីខេត្តបានស្គាល់អំពីបរិបទរស់នៅក្នុងទីក្រុង សកម្មភាពទីក្រុង និងស្គាល់ពីភាពរីកចម្រើនការអប់រំ។

គួរជំរាបជូនថា កម្មវិធី «មាគ៌ាឆ្ពោះទៅកាន់ពិភពលោក» បានរៀបចំលើកទី១ នៅឆ្នាំ២០១៩ ដោយផ្ដល់ឱកាសដល់សិស្សឆ្នើមចំនួន២០នាក់ មកពីវិទ្យាល័យចំនួន៣ ក្នុងស្រុកកងមាស ខេត្តកំពង់ចាម រួមមាន វិទ្យាល័យហ៊ុន សែនកងតាណឹង, វិទ្យាល័យ ហ៊ុន សែនខ្ចៅ និងវិទ្យាល័យ សម្ដេច ហ៊ុនសែន ពាមជីកង។ បន្ទាប់ពីខកខានរៀបចំកម្មវិធីនេះ ដោយសារវិបត្តិកូវីដ-១៩ ទើបនៅឆ្នាំ២០២៤នេះ កម្មវិធី «មាគ៌ាឆ្ពោះទៅកាន់ពិភពលោក» រៀបចំជាលើកទី២ ផ្ដល់ឱកាសដល់សិស្សឆ្នើមចំនួន២០នាក់ មកពីវិទ្យាល័យវិទ្យាល័យព្រៃទប់ ខេត្តតាកែវ។ ក្នុងដំណើរទស្សនកិច្ចសិក្សានៅរាជធានីភ្នំពេញ សិស្សឆ្នើមទាំង២០នាក់ បានស្វែងយល់អំពីប្រវត្តិសាស្រ្តដ៏សម្បូរបែបរបស់ប្រទេសកម្ពុជា តាមរយៈការទៅទស្សនាទីតាំងល្បីៗដូចជា ព្រះបរមរាជវាំង សារមន្ទីរជាតិ សារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន(ស.ស.រ) វិមានឈ្នះឈ្នះ សាកលវិទ្យាល័យ និងការជួបពិភាក្សាជាមួយអ្នកឧកញ៉ា វេជ្ជបណ្ឌិត គួច ម៉េងលី៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល