សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី The Guardian បានរាយការណ៍ថា ប្រធានាធិបតីសហរដ្ឋអាម៉េរិក លោក Donald Trump បានពន្យារពេលលើការយកពន្ធគយជាបណ្តោះអាសន្នលើមុខទំនិញនាំចូលពីប្រទេសកាណាដា និងម៉ិកស៊ិកជាលើកទីពីរក្នុងរយៈពេលមួយខែទៀត។
ថ្មីៗនេះ ប្រធានាធិបតីសហរដ្ឋអាម៉េរិក Donald Trump បានប្រកាសថា ពន្ធលើផលិតផលជាច្រើនពីប្រទេសកាណាដា និងម៉ិកស៊ិក នឹងត្រូវពន្យារពេលថែមមួយខែទៀត ដោយចាប់ផ្តើមអនុវត្តនៅខែមេសាវិញ។ ទន្ទឹមនឹងនេះ Trump បានបន្ធូរបន្ថយការរឹតបន្តឹងលើប្រទេសកាណាដា និងម៉ិកស៊ិករួចហើយ ដោយលើកលែងពន្ធដល់ក្រុមហ៊ុនផលិតរថយន្តរយៈពេលមួយខែបន្ទាប់ពីពួកគេបានព្រមានអំពីការរំខានយ៉ាងទូលំទូលាយ។ បន្ទាប់ពីការសន្ទនាតាមទូរស័ព្ទជាមួយប្រធានាធិបតីម៉ិកស៊ិក លោក Claudia Sheinbaum រួចហើយនោះ លោក Trump បានប្រកាសថា ម៉ិកស៊ិកនឹងមិនតម្រូវឱ្យបង់ពន្ធលើអ្វីទាំងអស់ ដែលស្ថិតនៅក្រោមកិច្ចព្រមព្រៀងពាណិជ្ជកម្មដែលមានស្រាប់រវាងសហរដ្ឋអាមេរិកម៉ិកស៊ិក ឬ កិច្ចព្រមព្រៀង USMCA ។ ប៉ុន្មានម៉ោងក្រោយមក Trump បានចុះហត្ថលេខាលើវិសោធនកម្មមួយដែលបានពន្យារពេលការយកពន្ធដូចគ្នាសម្រាប់កាណាដារហូតដល់ថ្ងៃទី២ ខែមេសា។ យ៉ាងណាមិញ Trump គាត់បានវាយប្រហារចំៗទៅកាន់នាយករដ្ឋមន្ត្រី Justin Trudeau ថាកំពុងយកលេសបញ្ហាពន្ធ ដើម្បីបន្តកាន់តំណែង។
ក្នុងអំឡុងពេលសុន្ទរកថារបស់ប្រធានាធិបតីទៅកាន់សភាកាលពីល្ងាចថ្ងៃអង្គារ Trump បានទទួលស្គាល់ថា ពន្ធគយនឹងបង្កឱ្យមានការរំខាន ប៉ុន្តែការរំខាន់នេះមានតែបន្តិចបន្តួចប៉ុណ្ណោះ ដែលមិនប៉ះពាល់ធ្ងន់ធ្ងរដល់អាម៉េរិកនោះទេ។ Trump បានសន្យាថា លោកនឹងកំណត់គោលដៅលើប្រទេសកាណាដា និងម៉ិកស៊ិក។
យ៉ាងណាមិញ បន្ទាប់ពីដាក់ពន្ធលើប្រទេសទាំងបី (ចិន ម៉ិកស៊ិក កាណាដា) បានពីរថ្ងៃ Trump បានផ្លាស់ប្តូរចិត្តដោយពន្យារពេលការយកពន្ធពីកាណាដា និងម៉ិកស៊ិកថែមមួយខែទៀត។ ទោះបីជា Trump និងសម្ព័ន្ធមិត្តយល់ឃើញថា ពន្ធគយខ្ពស់របស់អាម៉េរិកលើការនាំចូលនឹងជួយធ្វើឱ្យមហាអំណាចនេះអស្ចារ្យម្តងទៀត ប៉ុន្តែអាជីវកម្មទាំងអស់នៅក្នុងសហរដ្ឋអាមេរិក និងនៅទូទាំងពិភពលោកបានព្រមានពីការខូចខាតយ៉ាងសំខាន់ចំពោះក្រុមហ៊ុន និងអ្នកប្រើប្រាស់ ប្រសិនបើរដ្ឋបាល Trump នៅតែបន្តអនុវត្តយុទ្ធសាស្ត្រនេះ៕
Account
Security
Favourite Content