សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បន្ទាយមានជ័យ ៖ តម្បាញសរសៃសូត្រខ្មែរ ជាអាជីវកម្មមួយប្រភេទដែលមានភាពល្បីល្បាញយ៉ាងទូលាយដោយមានការទទួលស្គាល់ពីអន្តរជាតិ ជាពិសេសជនជាតិជប៉ុន ដោយសារតែសូត្រខ្មែរមានភាពស្រស់ស្អាត មានគុណភាពខ្ពស់ និងមានតម្លៃថ្លៃនៅលើទីផ្សារ។
អ្នកស្រី ម៉ន សារឿត ហៅ ស្រីប៉ុញ ជាម្ចាស់សិប្បកម្មសូត្រមាសខ្មែរ (Khmer golden silk) ដែលមានដល់ទៅពីរទីតាំង ស្ថិតនៅស្រុកភ្នំស្រុក ខេត្តបន្ទាយមានជ័យ និងមួយទីតាំងទៀតស្ថិតនៅក្រុងសៀមរាប បានលើកឡើងថា សិប្បកម្មតម្បាញសរសៃសូត្រខ្មែរនេពេលបច្ចុប្បន្ននេះ បាន និងកំពុងចូលរួមចំណែកក្នុងការកាត់បន្ថយភាពក្រីក្រ និងលើកកម្ពស់សេដ្ឋកិច្ចនៅក្នុងសហគមន៍តាមរយៈការផ្តល់ឱកាសការងារដល់ស្ត្រីដែលមានជំនាញផ្នែកតម្បាញសរុបប្រមាណ១០០គ្រួសារ។
អ្នកស្រីបានមានប្រសាសន៍ឱ្យដឹងថា ៖
“មូលហេតុដែលខ្ញុំចាប់ផ្ដើមអាជីវកម្មនេះ ដោយសារខ្ញុំមើលឃើញពីភាពប្រឈមនឹងការបាត់បង់ការងារផ្នែកតម្បាញ ក៏ដូចជាការចិញ្ចឹមនាង ហើយខ្ញុំចង់រក្សាប្រពៃណីតម្បាញ និងការចិញ្ចឹមនាងកុំឱ្យបាត់បង់ ហើយក៏ចង់ចូលរួមជាមួយរាជរដ្ឋាភិបាលក្នុងការកាត់បន្ថយភាពក្រីក្រ ការចំណាកស្រុកខុសច្បាប់ តាមរយៈការផ្ដល់ការងារជូនស្ត្រីនៅក្នុងសហគមន៍ក្រៅពីធ្វើស្រែ និងការងារផ្ទះ”
អ្នកស្រីបន្ថែមថា ៖
“នៅក្នុងសិប្បកម្មរបស់យើងខ្ញុំមានសមាជិកប្រមាណ ១០០គ្រួសារ ដែលកំពុងធ្វើការដោយទទួលបានទាំងការបណ្ដុះបណ្ដាល និងចំណូលបន្ថែមសម្រាប់ជីវភាពគ្រួសារ។ សម្រាប់បងប្អូនក្នុងសហគមន៍យើងទទួលបានផលប្រយោជន៍ច្រើន ដោយបងប្អូនដែលជាអ្នកត្បាញទទួលបានការបង្រៀនបន្ថែមពីការច្នៃម៉ូដថ្មីៗ មានទំនួលខុសត្រូវក្នុងការងារ ព្រមទាំងទទួលបានកម្រៃពេញលេញផងដែរ”
សម្រាប់សិប្បកម្មសូត្រមាសខ្មែរ មានផលិតសូត្រខ្មែរចំនួន៣ គឺសូត្រលេខ១ លេខ២ និងលេខ៣ ហើយតម្លៃគឺអាស្រ័យលើប្រភេទសូត្រដែលមានចាប់ពី ២៥ដុល្លារឡើងទៅ ហើយក្រៅពីនេះក៏មានផលិតផលធ្វើពីអំបោះឆៅដែលមានតម្លៃបោះដុំចាប់ពី១-៣៥ដុល្លារផងដែរ ដោយអតិថិជនភាគច្រើនជាបងប្អូននៅខេត្តសៀមរាប ភ្នំពេញ និងខ្លះទៀតនាំចេញទៅក្រៅប្រទេសផងដែរ។
គួរបញ្ជាក់ដែរថា អ្នកស្រី ម៉ន សារឿត បានចាប់ផ្ដើមអាជីវកម្មតម្បាញសរសៃសូត្រមាសតាំងពីឆ្នាំ២០១៦ ដោយប្រើដើមទុនតិចតួចប៉ុណ្ណោះ ដោយសារតែអ្នកស្រីចេះជំនាញត្បាញតពីគ្រួសារដែលជាអ្នកត្បាញតត្រកូល។ ដោយឡែកចំពោះការផលិត ឬត្បាញសរសៃសូត្រនេះក៏មានផលលំបាកខ្លះដែរ ដូចជា ពិបាក្នុងការបណ្ដុះបណ្ដាលដល់បងប្អូនក្នុងសហគមន៍ឱ្យទទួលយកផ្នត់គំនិតថ្មី ម្យ៉ាងទៀតពិបាករកទីផ្សារសូត្រ ជាពិសេសកំឡុងពេលការរីករាលដាលនៃជំងឺកូវីដ១៩ ដែលការកម្ម៉ង់ត្រូវបានផ្អាកទាំងស្រុង ហើយទើបតែមានការបញ្ជាទិញបន្តបន្ទាប់ឡើងវិញចាប់តាំងពីរាជរដ្ឋាភិបាលបើកសេដ្ឋកិច្ចឡើងវិញកាលពីដើមឆ្នាំ២០២២នេះតែប៉ុណ្ណោះ។
សម្រាប់គោលបំណងនៅថ្ងៃអនាគត អ្នកស្រី ម៉ន សារឿត ចង់ធ្វើយ៉ាងណាអាចថែរក្សាប្រពៃណីតម្បាញសូត្រខ្មែរ ក៏ដូចជាចង់ឱ្យប្រជាជនក្នុងតំបន់មានការងារ អាចរកចំណូលបាន និងជួយអភិវឌ្ឍវិស័យនេះឱ្យកាន់តែល្អប្រសើរឡើង៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
Account
Security
Favourite Content