សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
តៃវ៉ាន់ ៖ បន្ទាប់ពីការមកដល់នៃដំណើរទស្សនកិច្ចក្រោមភាពចម្រូងចម្រាស់របស់លោកស្រី Pelosi ប្រធានសភាសហរដ្ឋអាមេរិក និងការចាកចេញទាំងគ្មានសម្លេងគាំទ្រពីបណ្តាប្រទេសជាមិត្តនោះ រដ្ឋាភិបាលចិនបានសម្រេចដាក់ទណ្ឌកម្មសេដ្ឋកិច្ចដល់កោះតៃវ៉ាន់ ជាមួយការហាមឃាត់ និងបិទកានាំចូលទំនិញ និងផលិតផលផ្នែកចំណីអាហារសរុបប្រមាណ២០០០មុខ រួមនឹងការព្រមានដាក់ទណ្ឌកម្មផ្សេងៗទៀត។
ជាលទ្ធផលចំពោះមុខ រហូតមកដល់ថ្ងៃព្រហស្បត្តិ៍ សប្ដាហ៍នេះ តម្លៃលុយតៃវ៉ាន់បានធ្លាក់ចុះដល់កម្រិតទាបមិនធ្លាប់មានក្នុងរយៈពេលពីរឆ្នាំចុងក្រោយ ដោយ ៣០ ដុល្លារតៃវ៉ាន់ ស្មើរនឹង ១ ដុល្លារអាមេរិកតែប៉ុណ្ណោះ ជាហេតុធ្វើឲរូបិយប័ណ្ណតៃវ៉ាន់ដើរយឺតជាងរូបិយប័ណ្ណអាស៊ីផ្សេងទៀតក្នុងរយៈពេលប៉ុន្មានថ្ងៃនេះធៀបនឹងប្រាក់ដុល្លារអាមេរិក រហូតធ្វើឱ្យបណ្តាពាណិជ្ជករ ឬពួកអ្នកវិនិយោគគ្រោងនឹងដក ឬលក់ភាគហ៊ុនរបស់ពួកគេដែលមានជាប់រូបិយបណ្ណតៃវ៉ាន់។ នេះបើយោងតាមការលើកឡើងរបស់លោក Frances Cheung ដែលជាអ្នកវិភាគអត្រាការប្រាក់នៅ Oversea-Chinese Banking Corp. ។
ស្របពេលជាមួយគ្នានេះ តម្លៃភាគហ៊ុនតៃវ៉ាន់ក៏ស្ថិតនៅក្រោមសម្ពាធផងដែរ ដោយសន្ទស្សន៍មូលធននីយកម្មទម្ងន់ស្រាលរបស់តៃវ៉ាន់ បានធ្លាក់ចុះ ១.៦% កាលពីថ្ងៃអង្គារ និង ១៩.៣% សម្រាប់ឆ្នាំនេះ។ ភាគហ៊ុននៅក្នុងក្រុមហ៊ុនធំៗមួយចំនួនរបស់តៃវ៉ាន់ ដែលភាគច្រើនមានការវិនិយោគនៅចិនដីគោក និងប្រតិបត្តិការទូទាំងពិភពលោកបានធ្លាក់ចុះផងដែរ។ ជាក់ស្តែង ភាគហ៊ុនរបស់ក្រុមហ៊ុន Taiwan Semiconductor Manufacturing Co. (TSMC) ដែលជាក្រុមហ៊ុនផលិតបន្ទះឈីបទំនើបឈានមុខគេរបស់ពិភពលោកបានធ្លាក់ចុះ ២.៤% កាលពីថ្ងៃអង្គារ ចំណែកក្រុមហ៊ុន Foxconn ផលិត iPhone និងដំណើរការរោងចក្រជាច្រើននៅចិនដីគោកក៏បានធ្លាក់ចុះ ២.៤% ផងដែរ។
ជាថ្មីម្ដងទៀត ផ្អែកតាមការរាយការណ៍ចុងក្រោយបានបង្ហាញថា ចិនបានប្រកាសហាមឃាត់ពីការនាំចូលទំនិញជាង ១០០ ក្រុមហ៊ុន ដែលភាគច្រើនជាផលិតផលផ្នែកអាហារពីតៃវ៉ាន់។ នាពេលកន្លងមក ប្រទេសចិនក៏បានហាមឃាត់ការនាំចូលផ្លែឈើ និងអាហារសមុទ្ររបស់តៃវ៉ាន់ផងដែរ ក្រោមលេសថាមានការព្រួយបារម្ភអំពីបរិស្ថាន។ រីឯនៅខាងហុងកុង លោក Paul Chan លេខាធិការហិរញ្ញវត្ថុរបស់ហុងកុងបានព្រមានថា ទីក្រុងហុងកុងចាំបាច់ត្រូវត្រៀមខ្លួនសម្រាប់ស្ថានការណ៍ដែលអាក្រក់បំផុត ស្របពេលដែលទីក្រុងឥឡូវនេះស្ថិតនៅក្នុងវិបត្តិសេដ្ឋកិច្ចបន្ទាប់ពីសេដ្ឋកិច្ចរបស់ខ្លួនបានធ្លាក់ចុះ ១.៤% នៅក្នុងត្រីមាសទីពីរនៃឆ្នាំ២០២២៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content