សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សហគ្រាសលក់ផលិតផលខ្មែរចំនួន ៤៥ នឹងដាក់តាំងលក់ផលិតផលខ្មែរនាព្រឹត្តិការណ៍ស៊ីហ្គេមចាប់ពីថ្ងៃទី៥ ខែឧសភា ឆ្នាំ២០២៣នេះតទៅ ហើយក្នុងមួយសហគ្រាសនឹងមានផលិតផលយ៉ាងតិច៣។ នេះបើតាមការឲ្យដឹងរបស់លោកបណ្ឌិត សួង ណយ អគ្គលេខាធិការរងចលនាភូមិមួយផលិតផលមួយនៃទីស្តីការគណៈរដ្ឋមន្ត្រី នារសៀលថ្ងៃទី៤ ខែឧសភា ឆ្នាំ២០២៣។
នៅថ្ងៃទី៥ ខែឧសភា ឆ្នាំ២០២៣ ដែលជាថ្ងៃបើកជាផ្លូវការនូវព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នឹងក្លាយជាថ្ងៃបើកតាំងលក់ផលិតផលខ្មែរជាច្រើនប្រភេទផងដែរ។ ផលិតផលទាំងនោះផងដែរ ជាផលិតផលរបស់សហគ្រាស សហគមន៍ សិប្បកម្ម និងដែលមានអាជីវករជាសមាជិកនៃចលនាភូមិមួយផលិតផលមួយ។
បើតាមលោកបណ្ឌិត សួង ណយ គិតមកដល់ត្រឹមល្ងាចថ្ងៃទី០៤ ខែឧសភា ឆ្នាំ២០២៣ ក្រុមការងារ ក៏ដូចជាម្ចាស់ផលិតផលកំពុងតែស្វះស្វែងរៀបចំស្តង់ និងផលិតផលដើម្បីដាក់តាំង និងលក់នៅក្នុងព្រឹត្តិការណ៍ដែលមនុស្សរាប់ម៉ឺននាក់ចូលរួម។
លោកបណ្ឌិត សួង ណយ បានមានប្រសាសន៍ថា ៖
“ខ្ញុំរំពឹងថានឹងលក់ដាច់ ព្រោះនេះជាមុខមាត់ប្រទេសជាតិ ដោយយើងកំពុងមានភ្ញៀវចូលមកផង ប្រជាជនក្នុងស្រុកយើងផង ជាពិសេសថ្នាក់ដឹកនាំជាតិ និងអន្តរជាតិដែលតែងតែទន្ទឹងរង់ចាំស្វែងយល់ពីផលិតផលខ្មែរ។”
លោកបណ្ឌិតបន្តថា៖
“យើងនឹងដាក់តាំងជួរមុខគេ ដោយថ្នាក់ដឹកនាំអនុញ្ញាតឲ្យដាក់ ២០ស្តង់តែម្ដង ហើយក្នុង២០ស្តង់នេះ គឺមាន ៤៥សហគ្រាស សហគមន៍ និងសិប្បកម្ម។”
បើតាមអ្នកជំនាញរូបនេះដដែលបានឱ្យដឹងថា គណៈកម្មការកំពុងតែខិតខំធ្វើយ៉ាងណាលើកមុខមាត់កម្ពុជាតាមរយៈផលិតផលក្នុងស្រុក ដែលសុទ្ធសឹងតែកើតចេញពីវត្ថុធាតុដើមក្នុងស្រុក ដែលមានស្តង់ដារគ្រប់គ្រាន់ ស័ក្កិសមនឹងមានការទទួលស្គាល់ពីសំណាក់ភ្ញៀវជាតិ និងអន្តរជាតិ៕
Account
Security
Favourite Content