សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ សព្វថ្ងៃនេះ បច្ចេកវិទ្យា AI កំពុងមានដំណើរការកាន់តែស៊ីជម្រៅស្ទើរតែគ្រប់វិស័យ និងប្រតិបត្តិលើការងារផ្សេងៗជំនួសមនុស្ស ខណៈដែលល្បឿននៃបច្ចេកវិទ្យាកាន់តែលឿនជាងមុន កំពុងជំរុញដល់ការផ្លាស់ប្តូររបត់បែបបៃតង () និងជួយជំរុញឱ្យការចាប់យកជំនាញបែបបៃតងបន្ថែមនាពេលអនាគត។
យោងតាមរបាយការណ៍ដែលចេញផ្សាយដោយ Weforum បានរកឃើញថា ទីផ្សារការងារនាពេលអនាគតប្រមាណ ១ ភាគ ៤ ឬ ២៣ ភាគរយនៃការងារទាំងអស់នៅទូទាំងពិភពលោកនឹងផ្លាស់ប្តូរក្នុងរយៈពេល៥ឆ្នាំខាងមុខទៀត ខណៈដែលគេរំពឹងថា ការងារថ្មីប្រហែល ៦៩ លានកន្លែងនឹងត្រូវបានបង្កើតឡើង ហើយការងារដែលមានស្រាប់ប្រមាណ ៨៣ លានកន្លែងនឹងត្រូវលុបចោល។ ការវិនិយោគក្នុងការផ្លាស់ប្តូរបែបបៃតង, ការពរង្រឹងជំនាញ និងការបង្កើនការយល់ដឹងរបស់អ្នកប្រើប្រាស់អំពីបញ្ហានិរន្តរភាពនឹងបង្កើតឱកាសថ្មីៗជាច្រើន។
នៅក្នុងពិភពបច្ចេកវិទ្យា ការផ្លាស់ប្តូរបែបបៃតង និងការអភិវឌ្ឍន៍ជំនាញក្នុងតំបន់នឹងមានសារៈសំខាន់ជាងអ្វីៗទាំងអស់។ ការវិនិយោគក្នុងការផ្លាស់ប្តូរបែបៃតងនេះ ក៏ដូចជាការបង្កើនការយល់ដឹងរបស់អ្នកប្រើប្រាស់អំពីបញ្ហានិរន្តរភាពនឹងជំរុញឲ្យមានឱកាសការងារថ្មីៗដូចជា ការងារវិស្វករផ្នែកថាមពលកកើតឡើងវិញ ការងារដំឡើងថាមពលពន្លឺព្រះអាទិត្យ វិស្វករជាប្រព័ន្ធ អ្នកជំនាញផ្នែកនិរន្តរភាព និងអ្នកជំនាញការពារបរិស្ថាន ដែលគេរំពឹងទុកថា ការងារទាំងនេះនឹងមានតម្រូវការខ្ពស់នៅពេលអនាគត។
សម្រាប់ប្រព័ន្ធអប់រំសព្វថ្ងៃនេះវិញ សម្រាប់ជំនាញផ្នែកវិភាគអន្តរបុគ្គល និងធ្វើការជាមួយបច្ចេកវិទ្យាដែលមានសារៈសំខាន់ ដើម្បីត្រៀមខ្លួនសម្រាប់អនាគតដែលផ្លាស់ប្តូរយ៉ាងឆាប់រហ័ស។ សម្រាប់ការបង្កើតគោលនយោបាយ រដ្ឋាភិបាលត្រូវតែមានតុល្យភាពក្នុងការគាំទ្រសម្រាប់ការច្នៃប្រឌិតជាមួយនឹងបទប្បញ្ញត្តិដើម្បីធ្វើឱ្យបច្ចេកវិទ្យាថ្មីមានសុវត្ថិភាព ព្រមទាំងគាំទ្របុគ្គលិកប្រកបដោយសុវត្ថិភាព ប្រព័ន្ធថែទាំ និងមជ្ឈមណ្ឌលការងារ ខណៈពេលដែលការវិនិយោគសំខាន់ៗនៅក្នុងប្រព័ន្ធជំនាញ ភាពជាដៃគូជាមួយវិស័យអប់រំ អាជីវកម្ម ត្រូវបានជំរុញ ដើម្បីមានការផ្លាស់ប្តូរ ជាពិសេស វិស័យកសិកម្ម និងការអប់រំ គឺជាផ្នែករីកចម្រើន និងអាចបង្កើនឱកាសការងារជាច្រើនកន្លែង។
សម្រាប់តែនៅក្នុងវិស័យអប់រំនឹងកើនឡើងប្រមាណ ៣ លានការងារ ហើយវិស័យកសិកម្មអាចនឹងកើនឡើងប្រមាណ ៤ លានការងារ ដែលជំរុញដោយផ្នែកប្រជាសាស្រ្ត និងការប្រើប្រាស់បច្ចេកវិទ្យាថ្មីៗនៅក្នុងវិស័យទាំងនេះ។ មិនត្រឹមតែប៉ុណ្ណោះ ភូមិសាស្ត្រសេដ្ឋកិច្ចថ្មីដែលបង្កើតឡើងដោយការផ្លាស់ប្តូរខ្សែសង្វាក់ផ្គត់ផ្គង់ និងការផ្តោតសំខាន់លើភាពធន់ឱ្យមានប្រសិទ្ធភាពក៏ត្រូវបានរំពឹងថានឹងបង្កើតកំណើនការងារជាច្រើន ជាពិសេសក្នុងតំបន់សេដ្ឋកិច្ចនៅអាស៊ី និងមជ្ឈិមបូព៌ា។ លើសពីនេះទៅទៀត បច្ចេកវិទ្យានឹងអាចធ្វើឲ្យអត្រាបុគ្គលិកបម្រើការងារធ្លាក់ចុះនៅតាមក្រុមហ៊ុនដោយសារការទទួលយកបច្ចេកវិទ្យាថ្មី។ តាមរយៈការប្រើប្រាស់បច្ចេកវិទ្យា និងម៉ាស៊ីន គេរំពឹងថានឹងមានស្វ័យភាពកាន់តែច្រើននាពេលអនាគត ហើយបញ្ញាសិប្បនិមិត្តអាចនឹងត្រូវបានអនុវត្តប្រហែល ៧៥ ភាគរយនៃប្រតិបត្តិការក្រុមហ៊ុន។ ស្របពេលជាមួយគ្នានេះដែរ គេរំពឹងទុកថា ការបាត់បង់ការងារភាគច្រើនទំនងជាប៉ះពាល់ដល់បុគ្គលិកធនាគារ អ្នកគិតលុយ ស្មៀន លេខាធិការ និងគណនេយ្យករជាដើម។ ទោះបីជាយ៉ាងណាក៏ដោយ ការគំរាមកំហែងដ៏ធំបំផុតចំពោះការងារនៅតែត្រូវបានគេមើលឃើញថាមិនមែនមកពីបច្ចេកវិទ្យានោះទេ ប៉ុន្តែមកពីការថយចុះនៃកំណើនសេដ្ឋកិច្ច ការកើនឡើងនៃតម្លៃនាំចូល និងកម្លាំងទិញកាន់តែខ្សោយក្នុងចំណោមអ្នកប្រើប្រាស់៕
Account
Security
Favourite Content