សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កិច្ចពិភាក្សាដែលជាផ្នែកមួយនៃកម្មវិធី «វិថីហិរញ្ញវត្ថុរដូវកាលទី២» នឹងប្រារព្ធឡើងជាលើកទី២ នៅថ្ងៃទី១៩ ខែវិច្ឆិកា ឆ្នាំ២០២៤ខាងមុខនេះ នៅទីតាំង ‘The Factory Phnom Penh’ ក្រោមប្រធានបទ «ហេតុអ្វីបានជាយុវជនគួរយល់ដឹងអំពីកម្ចីផ្លូវការ និងកម្ចីក្រៅផ្លូវការ?» ។
គោលបំណងនៃការរៀបចំវេទិកាពិភាក្សានេះ គឺដើម្បីប្រមូលផ្តុំនិស្សិត អ្នកជំនាញផ្នែកហិរញ្ញវត្ថុ និងអ្នកដែលមានបទពិសោធន៍មកជួបជុំគ្នា ចែករំលែកនូវករណីជាក់ស្ដែង ក៏ដូចជាផ្តល់នូវការយល់ ដឹងស៊ីជម្រៅទៅលើពិន្ទុឥណទាន អត្ថប្រយោជន៍នៃកម្ចីផ្លូវការ គុណវិបត្តនៃកម្ចីក្រៅផ្លូវការ និងបញ្ហាប្រឈមដែលអ្នកប្រើប្រាស់ជួបប្រទះ ជាពិសេសការគ្រប់គ្រងផែនការសងបំណុល សំដៅជៀសវាងបំណុលលើសលប់។ បន្ថែមពីនោះ វេទិកានេះក៏ជាឱកាសដ៏មានសារៈសំខាន់មួយក្នុងការលើកកម្ពស់ការប្រើប្រាស់កម្ចីដោយការទទួលខុសត្រូវ ជាពិសេសគឺការជំរុញលើកទឹកចិត្តនូវការសន្ទនាដោយបើកចំហរវាងអតិថិជន និងគ្រឹះស្ថាន ដែលផ្ដល់សេវាហិរញ្ញវត្ថុ។
ជាមួយគ្នានេះ អ្នកចូលរួមដែលជាសិស្ស-និស្សិត នឹងទទួលបានអត្ថប្រយោជន៍ពីការចែករំលែកចំណេះដឹងជាក់ស្តែង មានឱកាសក្នុងការបង្កើតបណ្តាញជាមួយស្ថាប័នហិរញ្ញវត្ថុ និងការណែនាំអំពីការសម្រេចចិត្តក្នុងការគ្រប់គ្រងហិរញ្ញវត្ថុរបស់ពួកគេ។
ស្របទៅតាមគោលនយោបាយរបស់វិស័យ កម្មវិធីនេះក៏នឹងចូលរួមជំរុញយុវជនឱ្យបង្កើតទម្លាប់គ្រប់គ្រងហិរញ្ញវត្ថុប្រកបដោយទំនួលខុសត្រូវ តាមរយៈការពិភាក្សាអំពីហានិភ័យ និងអត្ថប្រយោជន៍នៃប្រាក់កម្ចី។
ទម្រង់នៃការពិភាក្សាជាក្រុមនេះ ក៏នឹងរៀបចំឡើងដើម្បីឱ្យមានលក្ខណៈជាអន្តរកម្មពីភាគីពាក់ព័ន្ធ ដើម្បីការសន្ទនាបើកចំហររវាងអ្នកពិភាក្សា និងទស្សនិកជន។ សិស្ស-និស្សិតនឹងមានឱកាសសួរសំណួរ ចែករំលែកទស្សនៈ ព្រមទាំងចូលរួមក្នុងការពិភាក្សាដែលពាក់ព័ន្ធដោយផ្ទាល់ទៅនឹងជីវិត និងអនាគតរបស់ពួកគេផងដែរ។
គួរបញ្ជាក់ផងដែរថា កិច្ចពិភាក្សាទី២ គឺជាផ្នែកមួយនៃកម្មវិធីវិថីហិរញ្ញវត្ថុរដូវកាលទី២ (Financial Street Season 2) ដែលជាគំនិតផ្តួចផ្តើមដោយ AMS និងសហការផលិតដោយសមាគមធនាគារនៅកម្ពុជា (ABC), សមាគមមីក្រូហិរញ្ញវត្ថុកម្ពុជា (CMA) និងក្រុមហ៊ុន ក្រេឌីត ប្យូរ៉ូ ខេមបូឌា (CBC)៕
Account
Security
Favourite Content