ភ្នំពេញ ៖ ក្នុងឱកាសនៃការចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី៥០ ចាប់ពីថ្ងៃទី១៥​-១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នៅរសៀលថ្ងៃទី១៨ ខែធ្នូ ឆ្នាំ២០២៣ បានជួបពិភាក្សាការងារទ្វេភាគីជាមួយ ឯកឧត្តម គីស៊ីដា ហ្វឹមីអូ (KISHIDA Fumio) នាយករដ្ឋមន្រ្តី នៃប្រទេសជប៉ុន ដែលក្នុងកិច្ចពិភាក្សាអំពីការពង្រឹង និងស៊ីជម្រៅនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា-ជប៉ុន ដើម្បីផលប្រយោជន៍ជាក់ស្តែងសម្រាប់ប្រជាជនទាំងពីរ​។

ថ្នាក់ដឹកនាំទាំងពីរក៏នឹងផ្លាស់ប្តូរទស្សនៈលើបញ្ហាតំបន់ និងអន្តរជាតិដែលមានផលប្រយោជន៍រួម និងកង្វល់ផងដែរ។ លើសពីនេះ នាយករដ្ឋមន្ត្រីទាំងពីរបានធ្វើជាសាក្សីក្នុងការចុះហត្ថលេខាលើការផ្លាស់ប្តូរកំណត់ចំណាំស្តីពីជំនួយឥតសំណងរបស់ជប៉ុនសម្រាប់គម្រោងចំនួនបីទាក់ទងនឹងវារីសាស្ត្រ ការផ្គត់ផ្គង់ទឹក និងរដ្ឋាភិបាលអេឡិចត្រូនិក ព្រមទាំងឯកសារកិច្ចសហប្រតិបត្តិការផ្សេងទៀតក្នុងវិស័យឌីជីថល ធនាគារ និងថាមពល។

ពាណិជ្ជកម្មទ្វេភាគីត្រូវបានរំពឹងថា នឹងមានការជំរុញបន្ថែមទៀតតាមរយៈដំណើររបស់សម្តេចអគ្គមហាសេនាបតី មេដឹកនាំទាំងពីរនឹងពិភាក្សាអំពីការពង្រឹង និងស៊ីជម្រៅនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងជប៉ុន ដើម្បីផលប្រយោជន៍ជាក់ស្តែងសម្រាប់ប្រជាជនទាំងពីរ។ ពួកគេក៏នឹងផ្លាស់ប្តូរទស្សនៈលើបញ្ហាតំបន់ និងអន្តរជាតិដែលមានផលប្រយោជន៍រួម និងកង្វល់ផងដែរ។ លើសពីនេះ នាយករដ្ឋមន្ត្រីទាំងពីរនឹងធ្វើជាសាក្សីក្នុងពិធីចុះហត្ថលេខាលើការផ្លាស់ប្តូរកំណត់ចំណាំស្តីពីជំនួយឥតសំណងរបស់ជប៉ុនសម្រាប់គម្រោងចំនួនបីទាក់ទងនឹងវារីសាស្ត្រ ការផ្គត់ផ្គង់ទឹក និងរដ្ឋាភិបាលអេឡិចត្រូនិក ព្រមទាំងឯកសារកិច្ចសហប្រតិបត្តិការផ្សេងទៀតក្នុងវិស័យឌីជីថល ធនាគារ និងថាមពល។

សូមជម្រាបថា ជប៉ុន​ជា​ដៃគូ​ពាណិជ្ជកម្ម​ធំ​ទី​៥​របស់​កម្ពុជា បន្ទាប់​ពី​ប្រទេស​ចិន សហរដ្ឋអាមេរិក វៀតណាម និង​ថៃ​។ ​ជប៉ុន​បាន​គាំទ្រ​​ការ​អភិវឌ្ឍ​តំបន់​អា​ស៊ាន​តាមរយៈ​កិច្ច​សហប្រតិបត្តិការ​អភិវឌ្ឍ​ក្នុង​វិ​ស័​យ​ផ្សេងៗ​។​ ​លើស​​ពី​នេះ​ទៀត​ ​ជប៉ុន​ ​និង​អា​ស៊ាន​ ​គឺជា​ដៃគូ​ពាណិជ្ជកម្ម​ដ៏​សំខាន់​របស់​គ្នា​ទៅ​វិញ​ទៅ​មក​ ​ហើយ​ទំហំ​ពាណិជ្ជកម្ម​ជាមួយ​កម្ពុជា​បាន​កើន​ឡើង​១០​ដង​ ​ពី​ចំនួន​សរុប​ប្រមាណ​ ​២​២​០​លាន​ដុល្លារ​ក្នុង​ឆ្នាំ​២​០​០​៥​ ​ដល់​ប្រមាណ​២​.​២​ប៊ី​លាន​ដុល្លារ​ក្នុង​ឆ្នាំ​២០២២។​ ​

ទំនាក់ទំនង​រវាង​ជប៉ុន​ ​និង​អា​ស៊ាន​ ​រួម​ទាំង​កម្ពុជា​ ​មិនមែន​មាន​ត្រឹមតែ​ធុរកិច្ច​ប៉ុណ្ណោះ​ទេ​។​ ​មូលដ្ឋាន​គ្រឹះ​នៃ​ទំនាក់ទំនង​រវាង​ជប៉ុន​ ​និង​អា​ស៊ាន​ក្នុងនាម​ជា​មិត្ត​ពិត​ ​គឺជា​ទំនាក់ទំនង​នៃ​ការ​ជឿ​ទុកចិត្ត​គ្នា​ទៅវិញ​ទៅមក​ដោយ​ផ្អែក​លើ​ទំនាក់ទំនង​ពី​បេះដូង​ ​និង​បេះដូង​។​ ​ទំនាក់ទំនង​នេះ​ត្រូវ​បាន​ពូន​ជ្រុំ​អស់​រយៈពេល​ជាច្រើន​ឆ្នាំ​តាមរយៈ​ការផ្លាស់ប្តូរ​ទំនាក់ទំនង​រវាង​ប្រជាជន​ ​និង​ប្រជាជន​ក្នុង​វិ​ស័​យ​ដ៏​ទូលំទូលាយ​។​ ​

គូរបញ្ជាក់ផងដែរថា ឆ្នាំ២០២៣នេះគឺជាខួបទី ៧០នៃទំនាក់ទំនងការទូតរវាងកម្ពុជា-ជប៉ុន ហើយក៏ជាឆ្នាំដែលប្រទេសទាំងពីរបានបង្កើនកម្រិតនៃទំនាក់ទំនងការទូតទៅជា «ភាពជាដៃគូរយុទ្ធសាស្រ្តគ្រប់ជ្រុងជ្រោយ» ដែលជាកម្រិតល្អប្រសើរបំផុតក្នុងប្រវត្តិទំនាក់ទំនងកម្ពុជា-ជប៉ុន។​

សម្តេចធិបតី ក៏បានលើកឡើងនូវទិសដៅកិច្ចសហប្រតិបត្តិការ​​មួយចំនួន សំដៅពង្រឹងបន្ថែមទៀតនូវទំនាក់ទំនងរវាងប្រទេសទាំងពីរនៅក្នុងវិស័យការពារជាតិ និងសន្តិសុខ ពាណិជ្ជកម្ម និងវិនិយោគ, ហេដ្ឋារចនាសម្ព័ន្ធតភ្ជាប់ និងការបើកឡើងវិញនូវជើងហោះហើរត្រង់រវាងកម្ពុជា និងជប៉ុន ជាដើម ។

ឯកឧត្តមនាយករដ្ឋមន្ត្រីជប៉ុន បានថ្លែងអំណរគុណប្រទេសកម្ពុជាចំពោះចំណងមិត្តភាពជិតស្និទ្ធ និងកិច្ចសហប្រតិបត្តិការប្រកបដោយផ្លែផ្កា ក្នុងរយៈកាលកន្លងមក ព្រមទាំងបានបញ្ជាក់ថា ជប៉ុន នឹងបន្តធ្វើការជាមួយ សម្តេចធិបតី បន្ថែមទៀត សំដៅធ្វើយ៉ាងណាសម្រេចឱ្យបាននូវជោគជ័យថ្មីៗ ជាផលប្រយោជន៍រួមសម្រាប់ប្រទេស និងប្រជាជនទាំងពីរកម្ពុជា-ជប៉ុន ។

ជាចុងក្រោយ កិច្ចប្រជុំរវាងសម្តេចធិបតី និងបណ្តាប្រទេសព្រមទាំងក្រុមហ៊ុនជាច្រើន ក្នុងរយៈពេល៣ថ្ងៃនេះសម្រេចបានផ្លែផ្លាគួរឱ្យកត់សម្គាល់។ រាជរដ្ឋាភិបាលបានបើកភ្លើងខៀវស្វាគមន៍អ្នកវិនិយោគថ្មីមកកម្ពុជា ដោយធានាបាននូវនិរន្តរភាពនៃបរិយាកាសអំណោយផលសម្រាប់ធុរកិច្ច។  មួយវិញទៀត ថែមទាំងពង្រឹងកិច្ចសហប្រតិបត្តិការជាមួយក្រុមហ៊ុនជាដៃគូ ដើម្បីលើកកម្ពស់សេដ្ឋកិច្ចជាតិ បង្កើតការងារកាន់តែច្រើនសម្រាប់ប្រជាពលរដ្ឋ បង្កើនលទ្ធភាពកម្លាំងពលកម្មជំនាញ និងកាត់បន្ថយភាពក្រីក្រ។

សូមបញ្ជាក់ថា របាយការណ៍របស់អគ្គនាយកដ្ឋានគយ និងរដ្ឋាករបានបង្ហាញថា ចាប់ពីខែមករា ដល់ខែវិច្ឆិកា ឆ្នាំ២០២៣ កម្ពុជាបាននាំចេញទំនិញសរុបចំនួន ១,០៦ ពាន់លានដុល្លារទៅកាន់ប្រទេសជប៉ុន ធ្លាក់ចុះ ០,៣ ភាគរយធៀបនឹងឆ្នាំ២០២២កន្លងទៅ។ របាយ​ការណ៍​បាន​​បង្ហាញ​ទៀតថា ទន្ទឹម​នឹង​នេះ ការ​នាំ​ចូល​របស់​កម្ពុជា​ពី​ប្រទេស​ជប៉ុន​បាន​ធ្លាក់​ចុះ ១៩,៣ ភាគរយ​មក​នៅ​ត្រឹម​ប្រមាណ ៥៧៣ លាន​ដុល្លារ​អាមេរិក។

ការនាំចេញសំខាន់ៗរបស់កម្ពុជាទៅកាន់ប្រទេសជប៉ុនរួមមាន សម្លៀកបំពាក់ កាបូប ស្បែក​ជើង គ្រឿងសង្ហារឹម ក្រដាស និងផលិតផលស្បែក ខណៈដែលការនាំចូលរបស់វារួមមាន គ្រឿងម៉ាស៊ីន រថយន្ត គ្រឿងអេឡិចត្រូនិច គ្រឿងសង្ហារឹម ក្រណាត់ និងប្លាស្ទិក។​

ទំហំ​ពាណិជ្ជកម្ម​ទ្វេភាគី​រវាង​កម្ពុជា និង​ជប៉ុនក្នុង​រយៈពេល ១១ ខែ​ឆ្នាំ២០២៣ ​សម្រេច​បាន​ទឹកប្រាក់​សរុប ១,៦៣ ពាន់​លាន​ដុល្លារ​ ធ្លាក់ចុះ​ប្រមាណ ៧,៩ ភាគរយ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន​៕