ស្រាព្រីង ខេត្តតាកែវ ផ្អែមឆ្ងាញ់ និងកំពុងទទួលបានការគាំទ្រច្រើន

ព្រឹត្តិការណ៍, អាជីវកម្មថ្មី និងនវានុវត្ត

តាកែវ ៖ ជារបកគំហើញថ្មីក្រោមស្នាដៃអ្នកខេត្តតាកែវ ដែលយកផ្លែព្រីងកែច្នៃ ចម្រាញ់ និងផ្អាប់បន្ទុំទុកផលិតបានជាស្រាព្រីង ក្រោមយីហោ ស្រាព្រីង តាកែវ ដែលមានរសជាតិឈ្ងុយឆ្ងាញ់ជាប់ចិត្ត ជួយដល់សុខភាពអ្នកទទួលទាន និងកំពុងទទួលបានការគាំទ្រយ៉ាងច្រើននៅលើទីផ្សារ។

ស្រាព្រីង តាកែវ (Takeo Jambolan Wine) ជាសិប្បកម្មក្នុងស្រុកមួយ ដែលចម្រាញ់ចេញពីផ្លែព្រីងក្នុងតំបន់ និងត្រូវបានបន្ទុំទុកស្រដៀងនឹងស្រាក្រហមផលិតចេញពីផ្លែទំពាំងបាយជូរ ប្រកបដោយក្លិនឈ្ងុយរសជាតិផ្អែមឆ្ងាញ់ ចត់ប្លែកម្យ៉ាង ជាពិសេសបើបងប្អូនពិសាតិចៗ និងទៀងទាត់អាចមានប្រយោជន៍ដល់សុខភាពថែមទៀតផង។

លោក រស់ ខេត ជាម្ចាស់សិប្បកម្ម ស្រាព្រីង តាកែវ ស្ថិតក្នុងស្រុកអង្គរបូរី ខេត្តតាកែវ បានប្រាប់ AMS ឱ្យដឹងថា ដោយសារតែមើលឃើញពីអត្ថប្រយោជន៍របស់ផ្លែព្រីង និងបានសាកកែច្នៃក្រោយបានហាត់រៀនជំនាញពីសាលាភូមិន្ទកសិកម្មចំការដូង លោកបានកែច្នៃស្រាព្រីងនេះកាលពីឆ្នាំ២០១២ និងបានដាក់លក់នៅលើទីផ្សារលើកដំបូងក្នុងឆ្នាំ២០១៣ ។

លោកមានប្រសាសន៍ថា ៖

“កាលនោះសាលាភូមិន្ទកសិកម្មចំការដូង គេចុះមកបង្រៀនពីរបៀបធ្វើស្រាស្វាយទេ តែខ្ញុំនឹកឃើញថាផ្លែព្រីងមានប្រយោជន៍ច្រើនដូចជាថ្នាំបុរាណដែរ ខ្ញុំក៏យកមកបន្ទុំធ្វើជាស្រា ហើយវាមានរសជាតិឆ្ងាញ់ និងជួយដល់សុខភាពទៀតផង”

បច្ចុប្បន្ន សិប្បកម្ម ស្រាពីរង តាកែវ មានស្រានៅក្នុងស្តុក និងកំពុងស្ថិតក្នុងដំណាក់កាលបន្ទុំប្រមាណ ១៦ ០០០លីត្រ ដែលត្រូវបានចែកចេញជាប្រភេទខុសៗគ្នា ពោលគឺបែងចែកសម្រាប់អាយុកាលបន្ទុំផ្សេងគ្នា ដែលមានអាយុចាប់ពី ៦ខែ រហូតដល់ ៥ឆ្នាំ ដោយសារការផលិតស្រាគឺគេត្រូវបន្ទុំទុកកាន់តែយូរកាន់តែមានរសជាតិ។ សម្រាប់រយៈពេលផ្អាប់ទុកនេះមានត្រឹម ៦ខែ តែបើចង់បានរសជាតិឆ្ងាញ់គឺអាចត្រឹម១ឆ្នាំ ដោយគិតរួមទាំងការច្រកដាក់ដប និងវេចខ្ចប់តាមស្តង់ដារផងដែរ។

លោកបន្តថា កាលមិនទាន់មានបញ្ហាកូវីដ ១៩ លោកអាចលក់បានច្រើនតាមរយៈការលក់នៅទីតាំងផ្ទាល់ លក់តាមការតាំងពីព័រណ៌នៅតាមបណ្ដាខេត្តផ្សេងៗ ក៏ដូចជានៅតាមទីផ្សារទូទៅ រាប់ទាំងផ្សារទំនើបផងដែរ ដែលយ៉ាងហោចណាស់លក់បានប្រមាណ ៥០០-៦០០លីត្រក្នុងមួយខែ ប៉ុន្តែបច្ចុប្បន្ននេះ ដោយសារតែបញ្ហាជំងឺឆ្លងលោកអាចលក់បានតែតាមអនឡាញប្រមាណ ៣០០ដបក្នុងមួយខែប៉ុណ្ណោះ ដែលមានតម្លៃចាប់ពី៦ដុល្លារឡើងទៅក្នុងមួយដបអាស្រ័យតាមអាយុកាលនៃការបន្ទុំ។

លោកបានបញ្ជាក់ថា ទាក់ទងទៅនឹងអតិថិជនដែលនិយមគាំទ្រស្រាព្រីង តាកែវ ភាគច្រើនជាអ្នករស់នៅតាមបណ្តាខេត្តក្រុងស្ទើរទូទាំង និងមានវ័យចាប់ពី ២០ឆ្នាំឡើងទៅ ពោលគឺអ្នកដែលនិយមទទួលទានស្រាតិចៗដើម្បីសុខភាព មិនថាជាស្រ្តី ឬបុរសនោះទេ។

លោកបន្ថែមថា ៖

“ស្រាព្រីង មានរសជាតិឆ្ងាញ់ និងមានអត្ថប្រយោជន៍ច្រើនដល់សុខភាព បណ្ដេញជាតិពុល អ្នកមានជំងឺទឹកនោមក៏អាចពិសាបាន ពិសាអត់ឈឺក្បាល ជួយសម្រួលសរសៃឈាម និងបេះដូង និងមានអត្ថប្រយោជន៍ផ្សេងៗទៀត”

ចំពោះការផលិតវិញត្រូវបានម្ចាស់សិប្បកម្មរូបនេះរៀបរាប់ថា ៖

“យើងសម្រុកផលិតនៅរដូវព្រីងផ្លែដែលមានរយៈពេលប្រមាណ ២ខែគិតចាប់ពីខែឧសភា ដល់ខែកក្កដា ហើយយើងទិញប្រមាណ ៤-៥ តោនក្នុងមួយរដូវ។ ក្នុងការផលិតប្រមាណពីរខែនេះ ត្រូវជួលកម្មករប្រមាណ ១០នាក់ ដើម្បីរូតរះផលិតឱ្យទាន់រដូវ តែក្រៅពីនេះសមាជិកនៅក្នុងគ្រួសារជាអ្នកកាន់កាប់ដោយផ្ទាល់”

គួរបញ្ជាក់ដែរថា កាលពីដំបូងឡើយ លោកបានសាកផលិតក្នុងទំហំតូចដោយប្រើដើមទុនប្រមាណ ១០០ ដុល្លារប៉ុណ្ណោះ ដែលចំណាយលើវត្ថុធាតុដើមដូចជាផ្លែព្រីង ស្ករ មេ និងធុងសម្រាប់បន្ទុំជាដើម។ ទំហំផលិតនេះ គឺជាចំណុចសាកល្បងដើម្បីចែកបងប្អូនជិតខាងភ្លក្សរសជាតិស្រាប្រភេទថ្មីនេះមុននឹងធ្វើការពង្រីកទំហំផលិត។ លុះក្រោយពេលទទួលបានការគាំទ្រទៅលើរសជាតិ លោកក៏សម្រេចចិត្តពង្រីកអាជីវកម្ម និងបើកជាសិប្បកម្មកែច្នៃផលិតស្រាព្រីងតែម្ដង។

ដោយឡែក ពាក់ព័ន្ធទៅនឹងបញ្ហាប្រឈម ត្រូវបានលោកបញ្ជាក់ថា បញ្ហាដើមទុនគឺជាកត្តាសំខាន់ដែលត្រូវការចំណាយច្រើនទៅលើវត្ថុធាតុដើមក៏ដូចជាសម្ភារក្នុងការផលិត ហើយក្រៅពីនេះក៏មានកត្តាទីតាំងដែលគេត្រូវការកន្លែងស្តុកទុកស្រាដែលត្រូវបានបន្ទុំជាបន្តបន្ទាប់ និងចំណាយពេលយូរផងដែរ។ ជាមួយគ្នានេះ ការវេចខ្ចប់ក៏នៅមានចំណុចខ្វះខាតនៅឡើយ ដោយសារត្រូវទិញដបពីខាងសិប្បកម្មដទៃ ដែលនាំចូលពីប្រទេសជិតខាងមកមានតម្លៃថ្លៃ។

សម្រាប់ថ្ងៃអនាគត សិប្បករ រស់ ខេត ចង់ពង្រីកសិប្បកម្មមួយនេះឱ្យកាន់តែធំ និងទុករបកគំហើញមួយនេះឱ្យកូនចៅជំនាន់ក្រោយដែលជាការកែច្នៃធនធនក្នុងស្រុកឱ្យក្លាយជាផលិតផលថ្មី ប្លែក និងមានតម្លៃ។ ក្រៅពីនេះ លោកក៏មានគម្រោងផ្សព្វផ្សាយអំពីផលិតផលស្រាព្រីងឱ្យមានទីផ្សារកាន់តែទូលំទូលាយ និងឈានដល់ការនាំចេញទៅបរទេសផងដែរ។ ចុងក្រោយ លោកក៏សូមអំពាវនាវឱ្យបងប្អូនខ្មែរ គាំទ្រផលិតផលកែច្នៃក្នុងស្រុកឱ្យបានកាន់តែច្រើនបន្ថែមទៀត ដែលជាផ្នែកមួយជួយបង្កើតការងារជូនដល់ប្រជាជនក្នុងស្រុក ហើយក៏ជាការចូលរួមគាំទ្រជំរុញកំណើនសេដ្ឋកិច្ចផងដែរ៕


របាយការណ៍ថ្មីៗ

មើលទាំងអស់ ➧

បុគ្គល​ ៤​ ​អាច​ជំនួស​តំណែង​លោក ​​Zelensky ក្រោយ​លោក​ Trump ​ជំរុញ​ការ​ផ្លាស់ប្តូរ​នយោបាយ​អ៊ុយក្រែន

បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 13/10/2026

កាណាដា​-​អេមីរ៉ាត​អារ៉ាប់ រួមគ្នា​ជំរុញ​ផែនការ​វិនិយោគ ៥០ ​ពាន់​លាន​ដុល្លារ​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi​ សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ព័ត៌មានទូទៅ

មើលទាំងអស់ ➧

លោក​ Trump ​ទំនង​ពិចារណា​បណ្ដេញ​រដ្ឋមន្ត្រី​សង្គ្រាម ​ដើម្បី​គេច​ពី​ការ​ទទួលខុសត្រូវ​លើ​សង្គ្រាម​អ៊ីរ៉ង់​

ព្រឹត្តិការណ៍, អាជីវកម្មថ្មី និងនវានុវត្ត

• 16/10/2026

​ប្រធានាធិបតី​អាម៉េរិក​ ​លោក​ Donald ​Trump ​ទំនង​ជា​កំពុង​ពិចារណា​លើ​លទ្ធភាព​បណ្តេញ​រដ្ឋមន្ត្រី​ក្រសួង​សង្គ្រាម​ ​លោក​ Pete ​Hegseth ​ចេញ​ពី​តំណែង​ ​បន្ទាប់ពី​ការ​បោះឆ្នោត​សភា​ពាក់​កណ្តាល​អាណត្តិ​ខាង​មុខ​នេះ​ ​ដើម្បី​ជួយ​ដក​ខ្លួន​ចេញ​ពី​ការ​ទទួលខុសត្រូវ​ចំពោះ​សង្គ្រាម​ជាមួយ​ប្រទេស​អ៊ីរ៉ង់

តំបន់​ជុំវិញព្រលានយន្តហោះតេជោ កំពុង​មានសន្ទុះអភិវឌ្ឍន៍ខ្លាំង​ជាពិសេស វិស័យលំនៅឋាន

ព្រឹត្តិការណ៍, អចលនទ្រព្យ

• 14/10/2026

តំបន់​ជុំវិញព្រលានយន្តហោះអន្តរជាតិ​តេជោ កំពុង​មានសន្ទុះអភិវឌ្ឍន៍ខ្លាំង​ជាពិសេសលើ​លំនៅឋាន

អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 14/10/2026

ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន

ក្រសួងការងារ និងសហភាពអឺរ៉ុប រួមគ្នាពង្រឹង និងលើកកម្ពស់ការអភិវឌ្ឍជំនាញបច្ចេកទេស ដើម្បីឆ្លើយតបតម្រូវការការងារឧស្សាហកម្ម

ព្រឹត្តិការណ៍, សេដ្ឋកិច្ច

• 14/10/2026

ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ រួមជាមួយសហភាពអឺរ៉ុប (EU) ប្រចាំកម្ពុជា បានសហការគ្នាពង្រឹងកិច្ចសហប្រតិបត្តិការរវាងគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ (NTTI) និងវិស័យឯកជន ក្នុងការលើកកម្ពស់ការអភិវឌ្ឍជំនាញបច្ចេកទេស ការសិក្សាផ្អែកលើការងារ និងជំនាញទន់ ដើម្បីឆ្លើយតបតម្រូវការឧស្សាហកម្ម ព្រមទាំងផ្តល់ជាវេទិកាដល់តំណាងរាជរដ្ឋាភិបាល និយោជក គ្រឹះស្ថាន TVET និងនិស្សិត

ពីពលករចំណាកស្រុកទៅជាកម្លាំងសេដ្ឋកិច្ចក្នុងស្រុក៖ ឱកាសថ្មីសម្រាប់កម្ពុជា

ព្រឹត្តិការណ៍, សេដ្ឋកិច្ច

• 14/10/2026

ការវិលត្រឡប់របស់ពលករកម្ពុជាពីប្រទេសថៃក្នុងចំនួនដ៏ច្រើនបានបង្កើតសម្ពាធលើទីផ្សារការងារក្នុងស្រុក ប៉ុន្តែក៏កំពុងបើកឱកាសសម្រាប់កម្ពុជាក្នុងការបង្កើនធនធានមនុស្ស ពង្រឹងផលិតភាព និងជំរុញការផ្លាស់ប្តូររចនាសម្ព័ន្ធសេដ្ឋកិច្ចទៅរកការងារដែលត្រូវការជំនាញនិងមានតម្លៃបន្ថែមខ្ពស់

រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 14/10/2026

ប​រទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT

លោក​ ​ត្រាំ​៖​ តៃវ៉ាន់​ព្រមទិញ​ឧស្ម័ន​LN​G ៣០​%​ ពី​គម្រោង​ Alaska ​និង​វិនិយោគ​ ៤​,​៤ ពាន់​លាន​ដុល្លារ

ព្រឹត្តិការណ៍, សេដ្ឋកិច្ច

• 14/10/2026

​ប្រធានាធិបតី​អាម៉េរិក​ ​លោក​ ​ដូណាល់ ​ត្រាំ ​បាន​ប្រកាស​ថា​ ​កោះ​តៃវ៉ាន់​យល់ព្រមទិញ​ឧស្ម័ន​ធម្មជាតិ​រាវ ​(​LN​G​)​ ​ចំនួន​ ៣០​ ​ភាគរយ​ពី​គម្រោង​ Alaska LN​G ​និង​ត្រៀម​វិនិយោគ​ទឹក​ប្រាក់​ ​៤​,​៤ ពាន់​លាន​ដុល្លារ​អាម៉េរិក​ ​ដើម្បី​គាំទ្រ​ដល់​ការ​អភិវឌ្ឍ​គម្រោង​នេះ​

ទុន​ត្រឹម​ពី​ ​១០​-​១០០​ដុល្លារ​៖ ​តើ​អ្នក​វិនិយោគ​ថ្មី​អាច​ចាប់ផ្តើម​រក​ចំណូល​ពី​ផ្សារ​ហ៊ុន​កម្ពុជា​ដោយ​របៀប​ណា​?​

ព្រឹត្តិការណ៍, ហិរញ្ញវត្ថុ

• 14/10/2026

​សម្រាប់​មនុស្ស​មួយចំនួន​ តែង​គិត​ថា​ ​ការ​វិនិយោគ​លើ​ផ្សារ​ហ៊ុន​អាច​ត្រូវការ​ដើមទុន​ធំ ​និង​ចំណេះដឹង​ជ្រៅ​ជ្រះ ​ប៉ុន្តែ​អ្នក​ជំនាញ​ក្នុង​វិស័យ​មូលបត្រ​កម្ពុជា​យល់​ថា​ ​អ្នក​ចាប់ផ្តើម​ថ្មី​មិន​ចាំបាច់​មាន​ប្រាក់​ច្រើន​ទេ​ ​ដោយ​អាច​ចាប់ផ្តើម​ពី​ទឹក​ប្រាក់​ត្រឹម​ ​១០​ ​ទៅ​ ​១០០ ​ដុល្លារ ​ដើម្បី​ស្វែងយល់​ពី​ទីផ្សារ​ ​និង​បង្កើត​ទម្លាប់​សន្សំ​-​វិនិយោគ​ជា​ប្រចាំ

អាស៊ែបៃហ្សង់- កម្ពុជា ជំរុញកាលានុវត្តភាពវិនិយោគ និងពង្រឹងកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 13/10/2026

ទីក្រុងបាគូ ៖ ក្នុងឱកាសអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បំពេញទស្សនកិច្ចផ្លូវការនៅទីក្រុងបាគូ សាធារណរដ្ឋ អាស៊ែបៃហ្សង់ នារសៀលថ្ងៃ១២ ខែតុលា ឆ្នាំ២០២៦ គណៈប្រតិភូសភាពាណិជ្ជកម្មកម្ពុជា ដឹកនាំដោយ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា

ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦

ព្រឹត្តិការណ៍, អត្ថបទពាណិជ្ជកម្ម

• 13/10/2026

ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ


ព័ត៌មានផ្សេងៗទៀត

View all