សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ទីភ្នាក់ងារសារព័ត៌មានប៊ុលហ្គារី Novinata កាលពីថ្ងៃអាទិត្យកន្លងទៅនេះបានចេញផ្សាយថា រដ្ឋាភិបាលទីក្រុង Sofia ទើបតែបានទទួលបានភ្លើងខៀវដើម្បីបើកយកមូលនិធិកញ្ចប់ទី៣ សម្រាប់ឆ្នាំ២០២៥នេះ ពីគម្រោងផែនការស្តារ និងបង្កើនភាពធន់ ដែលហៅកាត់ថា NRRP(National Recovery and Resilience Plan)។
ទឹកប្រាក់លើកទី៣ នេះមានទំហំប្រមាណជា ១,៤៧ពាន់លានអឺរ៉ូ ឬស្មើនឹងប្រមាណ ១.៧៣ពាន់លានដុល្លារ ដែលធ្វើឡើងក្រោយពេលដែលគណកម្មការអឺរ៉ុប EC(European Commssion) បានធ្វើការវាយតម្លៃឃើញថា ប៊ុលហ្គារី បានអនុវត្តតាមបេសកកម្មគោលដៅសរុបចំនួន ៤៨ ជោគជ័យ ក្នុងចំណោម ៥០ចំណុចដែលជាលក្ខខណ្ឌតម្រូវ។
ប្រភពដដែលបានសរសេរទៀតថា សំណើសុំកញ្ចប់ថវិកាលើកទី៣នេះគឺមានរួមបញ្ចូលទាំងកិច្ចការងារកំណែទម្រង់សម្រេចបាន២២ និងការវិនិយោគចំនួន១៩ ទៅលើវិស័យសំខាន់ៗដែលតម្រូវ ដូចជា នវានុវត្តគម្រោងមិនបញ្ចេញសារធាតុកាបូន decarbonization លទ្ធកម្មសាធារណរដ្ឋាភិបាលអេឡិចត្រូនិក ឬ e-government ក៏ដូចជាការកែលម្អក្របខ័ណ្ឌអភិបាលកិច្ចនៃសហគ្រាសរដ្ឋផងដែរ។
សូមជម្រាបថា បន្ទាប់ពីទទួលបានសំណើពីគណៈកម្មាធិការសេដ្ឋកិច្ច និងហិរញ្ញវត្ថុនៃក្រុមប្រឹក្សា និងការឆ្លើយតបពីអាជ្ញាធរប៊ុលហ្គារីលើការវាយតម្លៃបឋម គណៈកម្មការអឺរ៉ុបបានឈានទៅដល់ការអនុម័តនៅថ្ងៃទី២២ ខែធ្នូ នូវការសម្រេចចិត្តជាផ្លូវការក្នុងការទូទាត់មូលនិធិកញ្ចប់ទី៣ ចំនួន ១,៤៦៥ពាន់លានអឺរ៉ូ ប៉ុន្តែក្នុងនោះមានការកាត់ទុកបណ្តោះអាសន្ននូវទឹកប្រាក់ចំនួន ១៥២,៩លានអឺរ៉ូ។
គណកម្មការអឺរ៉ុបបានបញ្ជាក់បែបនេះថា ប្រទេសប៊ុលហ្គារី ក្នុងរយៈពេល៦ខែទៀត ត្រូវតែអនុវត្តកិច្ចការងារកំណែទម្រង់ដែលនៅសេសសល់។ ប្រសិនបើកិច្ចការងារទាំងនោះជោគជ័យ រដ្ឋាភិបាលប៊ុលហ្គារីនឹងអាចស្នើសុំយកកញ្ចប់ថវិកាដែលបានកាត់ទុកទាំងនោះមកវិញបានទាំងអស់។
គួរបញ្ជាក់ដែរថា គម្រោងផែនការស្តារ និងបង្កើនភាពធន់ជាតិរបស់ប៊ុលហ្គារី (NRRP) គឺជាគម្រោងរួមគ្នារវាងសហភាពអឺរ៉ុប EU និងរដ្ឋាភិបាលប៊ុលហ្គារី ព្រោះវាជាផែនការជាតិជាក់លាក់របស់ប៊ុលហ្គារីសម្រាប់ការប្រើប្រាស់មូលនិធិសង្គ្រោះ NextGenerationEU របស់អឺរ៉ុបក្នុងការជំរុញសេដ្ឋកិច្ចរបស់ខ្លួន ដោយផ្តោតលើកំណែទម្រង់បែបថាមពលបៃតង និងឌីជីថល ដែលក្នុងនោះវាតម្រូវឲ្យប៊ុលហ្គារីត្រូវតែអនុវត្តឲ្យបានស្របតាមគោលបំណងរបស់ EU និងទទួលបានការយល់ព្រមពីគណៈកម្មការអឺរ៉ុបជាមុនសិន៕
Account
Security
Favourite Content