សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សហព័ន្ធស្រូវអង្ករកម្ពុជា បានឱ្យដឹងថា ប្រទេសកម្ពុជាបានសម្រេចការនាំចេញស្រូវបានជាង ២.២លានតោន គិតជាទឹកប្រាក់មានទំហំប្រមាណ ៥៧៨លានដុល្លារ ខណៈការនាំចេញអង្ករបានចំនួនជិត ៣៣ម៉ឺនតោន ដោយទទួលបានប្រាក់ចំណូលប្រមាណចំនួន ២២៩.២៣លានដុល្លារសហរដ្ឋអាមេរិកក្នុងឆមាសទី១ នៃឆ្នាំ២០២៣ នេះ។
តាមសេចក្ដីប្រកាសព័ត៌មានរបស់សហព័ន្ធស្រូវអង្ករកម្ពុជាកាលពីពេលថ្មីៗនេះបានបញ្ជាក់ថា ក្នុងរយៈពេល ៦ខែ នៃឆ្នាំ២០២៣ ប្រទេសកម្ពុជាបានសម្រេចការនាំចេញអង្ករបានចំនួន ៣២៩ ៦៣៣តោន ទៅកាន់គោលដៅចំនួន ៥២លើពិភពលោក ដោយក្រុមហ៊ុននាំចេញចំនួន ៥០ ដែលក្នុងនោះទៅកាន់ប្រទេសចិន និងតំបន់រដ្ឋបាលស្វយ័តចំនួន ១៣៨ ៣៦៤ តោន គិតជាទឹកប្រាក់មានចំនួន ៨៨.៩៦លានដុល្លាសហរដ្ឋអាមេរិក ។
ដោយឡែកការនាំទៅកាន់ប្រទេសនៅក្នុងទ្វីបអឺរ៉ុបចំនួន ២៥ បានចំនួន ១២២ ១១៧ តោន គិតជាទឹកប្រាក់មានចំនួន ៨៦.៦៧លានដុល្លាសហរដ្ខអាមេរិក ទៅកាន់ប្រទេសសមាជិកអាស៊ានចំនួន ៤បរិមាណចំនួន ២៨ ១១០ តោន គិតជាទឹកប្រាក់មានចំនួន ១៨.៨៧លានដុល្លាសហរដ្ឋអាមេរិក និងទៅកាន់គោលដៅផ្សេងៗ នៅអាហ្វ្រិក មជ្ឈឹមបូព៌ា -ល-និងចំនួន២១ គោលដៅបានបរិមាណចំនួន ៤១,០៤២ តោន គិតជាទឹកប្រាក់មានចំនួន ៣៤.៧៣លានដុល្លាសហរដ្ឋអាមេរិក ។
របាយការណ៍បាននិយាយថា ប្រទេសចិននៅតែជាអ្នកទិញអង្ករកំពូលរបស់កម្ពុជា ដោយបានទិញចំនួន ១៣៨ ៣៦៤ តោន ឬ ៤១ ភាគរយនៃការនាំចេញអង្ករសរុបរបស់ព្រះរាជាណាចក្រ បន្ទាប់មកគឺប្រទេសសហភាពអឺរ៉ុប និងសមាជិកអាស៊ានដែលមានចំនួន ១២២ ១១៧ តោន និង ១១០ តោន។
សហព័ន្ធស្រូវអង្ករកម្ពុជាសូមបញ្ជាក់ថា ក្នុងឆមាសទី០១នេះ ទីផ្សារក្នុងប្រទេសអាស៊ានមានតម្រូវការកាន់តែច្រើនឡើងរួមមាន ហ្វីលីពីន និងព្រុយណេ បាននាំចូលអង្ករកម្ពុជាក្នុងបរិមាណច្រើន។ ក្នុងនោះដែរអង្ករដែលបាននាំចេញរួមមាន អង្ករក្រអូប អង្ករក្រអូប អង្ករសគ្រាប់វែង អង្ករសម្រូប និងអង្ករសរីរាង្គ។ក្នុងនោះអង្ករក្រអូបគ្រប់ប្រភេទចំនួន ៨៥.០៨% អង្ករសគ្រាប់វែង ១១.៣៤% អង្ករសគ្រាប់ខ្លីចំនួន ០.១៤% អង្ករចំហ៊ុយ ២.៤២% អង្ករសរីរាង្គចំនួន ១.០២%។
ចំណែកការនាំចេញស្រូវ ក្នុងអំឡុងខែមករា ដល់ខែមិថុនា ដែលជួញដូរតាមព្រំដែនទៅកាន់ប្រទេសជិតខាងមាន ចំនួន ២ ២២៤ ៩១៣ តោន គិតជាទឹកប្រាក់សរុបនៃការនាំចេញស្រូវចំនួន ៥៧៨.៦៧ លានដុល្លារសហរដ្ឋអាមេរិក ដែលក្នុងនោះចំនួន ៥៥% ឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសមត្ថកិច្ច។ សូមបញ្ជាក់ថា នៅឆ្នាំ២០២២ កម្ពុជាបាននាំចេញអង្ករបានជាង ៦៣ម៉ឺនតោន ទៅកាន់ប្រទេសចំនួន៥៩ ដែលរកចំណូលបាន ៤១៤លានដុល្លារ ខណៈចំណូលពីការនាំចេញស្រូវមានប្រមាណ ៨៤១លានដុល្លារអាមេរិក។ សហព័ន្ធស្រូវអង្ករកម្ពុជា បានកំណត់គោលដៅប្រកបដោយមហិច្ឆតា ក្នុងការនាំចេញអង្ករឱ្យបានយ៉ាងហោចណាស់មួយលានតោននៅឆ្នាំ២០២៥៕
Account
Security
Favourite Content