កម្ពុជាសម្ពោធការនាំចេញអង្ករជាផ្លូវការទៅទីផ្សារហ្វីលីពីន និងមានផែនការនាំចេញឱ្យបាន ៣ម៉ឺនតោននៅឆ្នាំក្រោយ

ភ្នំពេញ ៖ ក្រសួងពាណិជ្ជកម្មកម្ពុជា បានរៀបចំពិធីសម្ពោធការនាំចេញអង្ករកម្ពុជា កាន់សាធារណរដ្ឋហ្វីលីពីនជាផ្លូវការហើយកាលពីថ្ងៃទី២៦ ខែមិថុនា ឆ្នាំ២០២៣ម្សិលមិញនេះ ដោយអង្ករប្រមាណជាង ២៥០០តោន បាននាំចេញលើកដំបូងទៅកាន់ប្រទេសហ្វីលីពីន និងនៅពេលដ៏ខ្លីខាងមុខអង្ករ ២៥០០តោនទៀត នឹងបន្តនាំចេញទៅប្រទេសសមាជិកអាស៊ានមួយនេះ។

ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ដែលជាអធិបតីក្នុងពិធីនេះបានគូសបញ្ជាក់ថា កម្ពុជានឹងនាំចេញអង្ករប្រមាណ ២៥០០តោនទៀតទៅប្រទេសហ្វីលីពីន ដែលជាទីផ្សារថ្មីបន្ទាប់ពីទទួលបានជោគជ័យពីការនាំចេញលើកដំបូងក្នុងបរិមាណជាង ២៥០០តោនកាលពីខែឧសភាកន្លងទៅ។

ឯកឧត្តមបានបន្តថា ៖

“ឆ្លងតាមរយៈកិច្ចប្រឹងប្រែងនេះ បានផ្តល់នូវមគ្គុទេសក៍ដល់ថ្នាក់ដឹកនាំក្រសួងពាណិជ្ជកម្ម និងសហព័ន្ធស្រូវអង្ករកម្ពុជា ខិតខំបន្ថែមទៀត ស្របពេលដែលគោលនយោបាយផ្នែកនាំចូលអង្កររបស់ប្រទេសហ្វីលីពីនបានធ្វើការកែទម្រង់នាំឱ្យឈានដល់ការចាប់ផ្តើមការនាំចេញអង្ករពីកម្ពុជានាពេលនេះ ហើយយើងខ្ញុំជឿជាក់ថា នឹងបន្តកើនឡើងជាបន្តបន្ទាប់ ដែលអាចឈរជើងក្នុងទីផ្សារប្រទេសហ្វីលីពីន បានកាន់តែរឹងមាំ និងយូរអង្វែង។”

ក្រៅពីនេះ ឯកឧត្តមក៏បានជំរុញឱ្យសហព័ន្ធស្រូវអង្ករកម្ពុជារួមគ្នាជាមួយក្រុមហ៊ុនហ្រ្គីនត្រេដ និងអ្នកនាំចេញទាំងអស់ ត្រូវបន្តកិច្ចសហការជាប្រចាំជាមួយអ្នកនាំចូលហ្វីលីពីនលើការរួមគ្នាផ្សព្វផ្សាយអង្ករកម្ពុជានៅទីផ្សារប្រទេសហ្វីលីពីន ដើម្បីជំរុញ និងបង្កើនតម្រូវការការកែប្រែឥរិយាបទអតិថិជនឱ្យទទួលយកនូវអង្ករកម្ពុជាឱ្យកាន់តែច្រើន។

ជាមួយគ្នានេះ ឯកឧត្តម ប៉ាន សូរស័ក្ដិ ក៏បានស្នើឯកអគ្គរដ្ឋទូតហ្វីលីពីនជួយលើកទឹកចិត្តដល់អ្នកវិនិយោគ ក៏ដូចជាអ្នកនាំចូលអង្ករនៅក្នុងប្រទេសហ្វីលីពីនមកវិនិយោគ និងទទួលការនាំចូលអង្ករកម្ពុជាឱ្យបានកាន់តែច្រើនថែមទៀត ក៏ដូចជាលើកទឹកចិត្តដល់ក្រុមហ៊ុនផ្សេងទៀតឱ្យឆាប់សម្រេចបានដូចក្រុមហ៊ុនខ្មែរហ្វូដ ដើម្បីជំរុញបន្ថែមនូវការនាំចេញអង្ករដែលមានរសជាតិ និងគុណភាពអង្កររបស់កម្ពុជា ដែលបានជាប់កំណាត់ថ្នាក់ជាអង្ករល្អបំផុតក្នុងពិភពលោកចំនួន៥ដងជាប់គ្នា ហើយសង្ឃឹមថាឆ្នាំនេះអាចមានឱកាសឈ្នះម្តងទៀតដែលកម្មវិធីនឹងរៀបចំឡើងនៅទីក្រុងសេប៊ូ ប្រទេសហ្វីលីពីន ក្នុងខែវិច្ឆិកាខាងមុខនេះ។

សូមបញ្ជាក់ថា កម្ពុជាបាននាំចេញអង្ករក្នុងបរិមាណច្រើនជាលើកដំបូងទៅកាន់ប្រទេសហ្វីលីពីន ២៥៧៥តោន ដែលធ្វើឡើងដោយក្រុមហ៊ុន ខ្មែរហ្វូដ របស់ឧកញ៉ា គឹម សាវុធ ដោយលោកបានលើកឡើងថា ដោយសារការខិតខំប្រឹងប្រែង និងការយកចិត្តទុកដាក់របស់គណៈប្រតិភូកម្ពុជារបស់យើង គួបផ្សំនឹងការចាប់អារម្មណ៍ខ្លាំងពីអ្នកនាំចូលអង្ករនៅហ្វីលីពីន ខ្មែរហ្វូដ អាចនាំចេញអង្ករកម្ពុជាក្នុងបរិមាណដ៏ច្រើនជាលើកដំបូងទៅកាន់ប្រទេសហ្វីលីពីន។

ប្រធានសហព័ន្ធស្រូវអង្ករកម្ពុជា ឧកញ៉ា ចាន់ សុឃាំង បានថ្លែងថា កម្ពុជាធ្លាប់នាំចេញអង្ករទៅកាន់ប្រទេសហ្វីលីពីនចំនួន ២ដងគត់ គឺលើកទី១ នៅឆ្នាំ២០២០ ចំនួន៣០០ តោន និងលើកទី២ ចំនួន ១០០ តោន នៅឆ្នាំ២០២១។ ប្រទេសហ្វីលីពីន ជាប្រទេសផលិត និងនាំចូលអង្ករធំមួយនៅក្នុងពិភពលោក ដែលឈរនៅលំដាប់លេខរៀងទី៤ នៅលើពីភពលោក និងលេខរៀងទី២ បន្ទាប់ពីប្រទេសចិននៅក្នុងទ្វីបអាស៊ី ដោយបាននាំចូលអង្ករប្រមាណជាង ៣លានតោន ហើយភាគច្រើនប្រទេសក្នុងអាស៊ាន ដែលមានព្រំដែនជាប់ជាមួយប្រទេសកម្ពុជា។

ឧកញ៉ា ចាន់ សុឃាំង បានមានប្រសាសន៍ថា ៖

“ខ្ញុំជឿជាក់ថា កិច្ចព្រៀមព្រៀងដំបូងចំនួន ២៥៧៥ តោននេះ គឺជានិមិត្តរូបដ៏ល្អមួយនៃកិច្ចចាប់ផ្តើមពាណិជ្ជកម្មអង្ករកម្ពុជា-ហ្វីលីពីន ដែលយើងនឹងប្រឹងប្រែងធ្វើការជំរុញទីផ្សារ និងការទាក់ទាញអតិថិជនហ្វីលីពីនឱ្យចូលចិត្តប្រើប្រាស់ និងទទួលទានអង្ករកម្ពុជា ដោយសហព័ន្ធស្រូវអង្ករកម្ពុជាបានដាក់គោលដៅជំរុញទីផ្សារ ដោយធ្វើយ៉ាងណាឱ្យការនាំចេញអង្ករកម្ពុជា ទៅកាន់ទីផ្សារប្រទេសហ្វីលីពីនឱ្យបានក្នុងពេលដ៏ខ្លីខាងមុខ។”

សូមជម្រាបថា ក្នុងរយៈពេល៥ខែ ដើមឆ្នាំ២០២៣ កម្ពុជាបាននាំចេញអង្ករតាមរយៈក្រុមហ៊ុនចំនួន ៤៨ក្រុមហ៊ុនទៅកាន់គោលដៅចំនួន ៤៩ បានបរិមាណអង្ករចំនួន ២៧៨ ១៨៤ តោន ដែលគិតជាទឹកប្រាក់មានចំនួន ១៩១​.៦៤ លានដុល្លារ និងស្រូវចំនួន ២ ១៤២ ៤៨៣តោន (ប្រមាណជា ១.៣៧លានតោនអង្ករ) ទៅកាន់ប្រទេសជិតខាង ដែលគិតជាទឹកប្រាក់ប្រមាណជា ៥៤៥.២៦ លានដុល្លារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ