កម្ពុជាចុះកិច្ចព្រមព្រៀងលក់ឥណទានកាបូន ១៥លានតោន សហការធានាទប់ស្កាត់វិបត្តិបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

ភ្នំពេញ ៖ នៅក្នុងកិច្ចពិភាក្សារបស់មេដឹកនាំពិភពលោកនៃកិច្ចប្រជុំរបស់ COP27 ដែលបានប្រព្រឹត្តទៅជាងពីរសប្តាហ៍ចាប់តាំងពីថ្ងៃទី០៦ ខែវិច្ឆិកា ដែលបានបិទបញ្ចប់នាថ្ងៃសៅរ៍ ទី១៩ ខែវិច្ឆិកា នៅប្រទេសអេហ្ស៊ីប សម្រាប់កម្ពុជាដែលជាសមាជិកដែរនោះ បានសម្រេចចុះកិច្ចព្រមព្រៀងជាមួយសាជីវករអន្តរជាតិផ្នែកកាត់បន្ថយការបំភាយឧស្ម័នដែលបានត្រួតពិនិត្យ((VERs) ប្រមាណ ១៥លានតោន ឬ ១៥លានតោននៃឥណទានកាបូន(Credit Carbon) ជាផ្នែកមួយនៃគម្រោង REDD+ របស់កម្ពុជា ក្នុងន័យសហការបិទបញ្ចប់ការកាប់បំផ្លាញព្រៃឈើ។

តាមការបញ្ជាក់ពីក្រសួងបរិស្ថាន រដ្ឋាភិបាលកម្ពុជានឹងធ្វើការចុះហត្ថលេខាលើកិច្ចព្រមព្រៀងជាមួយក្រុមសាជីវកម្មឈានមុខគេដែលជាភ្នាក់ងារបញ្ជារទិញឥណទានកាបូនពីគម្រោង REDD+ ចំនួនបី របស់ប្រទេសកម្ពុជា ដែលបង្កើតឡើងដោយសមាគមអភិរក្សសត្វព្រៃ(WCS) និងអង្គការសម្ព័ន្ធសត្វព្រៃ(Wildlife Alliance) ។

ជាមួយគ្នានេះ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានកម្ពុជា ដែលបានដឹកនាំគណៈប្រតិភូចូលរួមសន្និសីទអាកាសធាតុ COP27 នៅអេហ្ស៊ីប បានលើកឡើងថា មូលនិធិដែលបានមកពីការលក់ឥណទានកាបូន (VERs) ជួយក្រសួងបរិស្ថានរបស់កម្ពុជា អនុវត្តគោលនយោបាយប្រកបដោយប្រសិទ្ធភាព ដែលគាំទ្រដល់កិច្ចខិតខំប្រឹងប្រែងរបស់ប្រទេសយើងក្នុងការកាត់បន្ថយការកាប់បំផ្លាញព្រៃឈើ រួមទាំងការផ្លាស់ប្តូររបស់យើងទៅកាន់កម្មវិធី REDD+ ។

ឯកឧត្តមបានគូសបញ្ជាក់ថា ៖

“នៅពេលដែលពិភពលោកកំពុងព្យាយាមជំនះដើម្បីបំពេញតាមការប្តេជ្ញាចិត្តរបស់ខ្លួនដូចមានចែងក្នុងសេចក្តីប្រកាសរបស់បណ្តាមេដឹកនាំនាទីក្រុង Glasgow ស្តីពីព្រៃឈើ និងការប្រើប្រាស់ដី បទពិសោធន៍របស់កម្ពុជាបង្ហាញពីរបៀបដែលគម្រោង REDD+ អាចជួយកម្ពុជា ដែលបានត្រៀមខ្លួនរួចជាស្រេចក្នុងកិច្ចការថែរក្សាគម្របព្រៃឈើរបស់ខ្លួនប្រកបដោយចីរភាព និងហិរញ្ញប្បទានទ្រង់ទ្រាយធំ”

សូមជម្រាបផងដែរថា ក្របខ័ណ្ឌ REDD+ ជាគម្រោងបង្កើតឡើងដោយសន្និសីទអង្គការសហប្រជាជាតិ សំដៅដល់ការកាត់បន្ថយការបំភាយឧស្ម័នដែលកើតចេញពីការកាប់បំផ្លាញព្រៃឈើ និងការសឹករិចរិលរបស់គម្របព្រៃឈើ ជាមួយយន្តការអភិរក្ស ការគ្រប់គ្រងព្រៃឈើប្រកបដោយនិរន្តរភាព និងការលើកកម្ពស់ការស្តុកកាបូនព្រៃឈើនៅក្នុងប្រទេសកំពុងអភិវឌ្ឍន៍។ REDD+ គឺជាយុទ្ធសាស្ត្រកាត់បន្ថយវិបត្តិនៃការប្រែប្រួលអាកាសធាតុ ដែលអនុញ្ញាតឱ្យសហគមន៍ និងរដ្ឋាភិបាលទទួលបានការទូទាត់ពីទីផ្សារកាបូនដោយស្ម័គ្រចិត្តសម្រាប់ការកាត់បន្ថយការបំភាយឧស្ម័នដែលសម្រេចបានតាមរយៈគម្រោងការពារព្រៃឈើ។

ជុំវិញបញ្ហានេះដែរ លោកស្រី Suwanna Gauntlett នាយកប្រតិបត្តិនៃសម្ព័ន្ធសត្វព្រៃ(Wildlife Alliance) បានថ្លែងថា គម្រោង REDD+ របស់កម្ពុជា ត្រូវបានផ្ទៀងផ្ទាត់ដោយឯករាជ្យបំផុត ក្នុងការត្រួតពិនិត្យ និងវាយតម្លៃ ដើម្បីធានាបានការកាត់បន្ថយការបំភាយឧស្ម័ន ការពារគម្របព្រៃឈើ ព្រមទាំងការពារបាននូវចំនួននៃប្រភេទសត្វជិតផុតពូជផង។

លោកស្រីនាយកប្រតិបត្តិសម្ព័ន្ធសត្វព្រៃរូបនេះសង្កត់ធ្ងន់ថា ៖

“ចំពោះសារៈសំខាន់នៃគម្រោងឥណទានកាបូន REDD+ ដូច្នេះថា៖ អត្ថប្រយោជន៍ទាំងនេះ បង្កើនកំណើនសេដ្ឋកិច្ច ខណៈវាបានចូលរួមថែរក្សាសម្រស់ធនធានធម្មជាតិនៃប្រទេសរបស់ពូកគេក្នុងពេលតែមួយផង”

កាលពីថ្ងៃទី១៦ វិច្ឆិកា ឆ្នាំ២០២២ ឯកឧត្តម សាយ សំអាល់ បានថ្លែងសុន្ទរកថានៅសន្និសីទអាកាសធាតុ COP27 ដោយអំពាវនាវប្រទេសបញ្ចេញឧស្ម័នផ្ទះកញ្ចក់ខ្ពស់ បង្ហាញភាពជាអ្នកដឹកនាំ និងទទួលខុសត្រូវខ្ពស់។

ឯកឧត្តមបានបញ្ជាក់ថា កម្ពុជាបានធ្វើបដិភាគថវិកាប្រមាណ ២,៣ភាគរយ នៃផលិតផលក្នុងស្រុកសុរប(GDP) សម្រាប់សកម្មភាពប្រែប្រួលអាកាសធាតុ បង្កើនការប្រើប្រាស់ថាមពលកកើតឡើងវិញ ការពារព្រៃឈើ និងរៀបចំលិខិតបទដ្ឋានគតិយុត្ត គោលនយោបាយ យផែនការនានាជាអាទិ៍ យុទ្ធសាស្រ្តអភិវឌ្ឍន៍រយៈពេលវែងប្រកបដោយអព្យាក្រឹតកាបូន និងរបាយការណ៍បច្ចុប្បន្នភាពការចូលរួមចំណែករបស់ជាតិដើម្បីអនុវត្តអនុសញ្ញាក្របខ័ណ្ឌសហប្រជាជាតិស្តីពីការប្រែប្រួលអាកាសធាតុ។

យោងតាមទិន្នន័យពីសារជីវករឥណទានកាបូនអន្តរជាតិ កម្ពុជាបានរៀបចំបន្ថែមផ្ទៃដី ១,១៩លានហិកតា បន្ថែមទៀត ដែលនាំឲ្យតំបន់សម្រាប់គម្រោង REDD+ របស់កម្ពុជាបានឈានដល់ប្រមាណ ១ភាគ៣ នៃតំបន់គម្របការពារព្រៃឈើទាំងមូលរបស់កម្ពុជា។
ពាក់ព័ន្ធនឹងបញ្ហានេះ លោក ហេង គឹមហុង ប្រធានកម្មវិធីផ្នែកស្រាវជ្រាវ និងតស៊ូមតិនៃសមាគមបណ្តាញយុវជនកម្ពុជា (CYN) និងជាអ្នកតាមដានបញ្ហាបរិស្ថាន យល់ឃើញថា វត្តមានគម្របព្រៃឈើបានដើរតួនាទីយ៉ាងសំខាន់ មិនត្រឹមសម្រាប់កម្ពុជានោះទេ ប៉ុន្តែក៏មានតម្លៃជាសាកលផងដែរ ដើម្បីទប់ទល់វិបត្តិការប្រែប្រួលអាកាសធាតុ ដែលសាជីវករឥណទានកាបូនអន្តរជាតិតែងសម្លឹងឃើញ។

សូមរំឭកថា កាលពីថ្ងៃទី ០៣ ខែសីហា ឆ្នាំ២០២២ កន្លងទៅ នៅក្នុងសេចក្តីថ្លែងការណ៍រួមនៃកិច្ចប្រជុំរដ្ឋមន្ត្រីការបទេសអាស៊ាន លើកទី៥៥ និងកិច្ចប្រជុំពាក់ព័ន្ធ ដែលកម្ពុជាជាម្ចាស់ប្រមុខការទូតអាស៊ាន បានស្វាគមន៍ចំពោះការអនុម័តកិច្ចព្រមព្រៀងអាកាសធាតុ នៅសន្និសីទអង្គការសហប្រជាជាតិស្តីពីអាកាសធាតុ COP 26 ក្នុងទីក្រុង Glasgow នៅចក្រភពអង់គ្លេស។ ប្រមុខការទូតអាស៊ាន ក៏បានបញ្ជាក់ឡើងវិញនូវការប្តេជ្ញាចិត្ត ចំពោះអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (UNFCCC) ផងដែរ។

កាលពីឆ្នាំ ២០២០ កម្ពុជាជាប្រទេសមួយ ក្នុងចំណោមប្រទេស ៧២ ដែលបានដាក់របាយការណ៍បច្ចុប្បន្នភាព នៃការចូលរួមចំណែករបស់ខ្លួនក្នុងការអនុវត្តអនុសញ្ញាក្របខ័ណ្ឌសហប្រជាជាតិស្ដីពីការប្រែប្រួលអាកាសធាតុ (NDC) ទៅលេខាធិការដ្ឋាន UNFCCC មុនពេលកំណត់។ នៅឆ្នាំ ២០២១ កម្ពុជាបានដាក់ជូននូវយុទ្ធសាស្ត្រអភិវឌ្ឍន៍រយៈពេលវែងប្រកបដោយអព្យាក្រឹតកាបូន ឬ ”Cambodia’s Long Term Strategy for Carbon Neutrality (LTS4CN)” ជាមួយគោលដៅលើការបញ្ចេញឧស្ម័នស្មើសូន្យនៅត្រឹមឆ្នាំ ២០៥០៕ អត្ថបទដោយ ៖ សំបាន ច័ន្ទដារ៉ា



របាយការណ៍ថ្មីៗ

មើលទាំងអស់ ➧

កាណាដា​-​អេមីរ៉ាត​អារ៉ាប់ រួមគ្នា​ជំរុញ​ផែនការ​វិនិយោគ ៥០ ​ពាន់​លាន​ដុល្លារ​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត

• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi​ សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

ព័ត៌មានទូទៅ

មើលទាំងអស់ ➧

មន្រ្តីជាន់ខ្ពស់ក្រសួងកិច្ចការនារី ជំរុញឱ្យសហគ្រិនស្រ្តីរួមគ្នាបង្កើតជាប្រព័ន្ធអេកូឡូស៊ីអាជីវកម្ម

ព្រឹត្តិការណ៍, អត្ថបទពាណិជ្ជកម្ម

• 22/09/2026

មន្ត្រីជាន់ខ្ពស់ក្រសួងកិច្ចការនារី ជំរុញឱ្យសហគ្រិនស្ត្រីរួមគ្នាបង្កើតជាប្រព័ន្ធអេកូឡូស៊ីអាជីវកម្ម ដើម្បីជំរុញផ្តល់លទ្ធភាពឱ្យស្រ្តីអាច ចាប់ផ្តើមរក្សាលំនឹង ការពង្រីក និងការដឹកនាំអាជីវកម្មរបស់ខ្លួន ប្រកបដោយភាពធន់ និងចីរភាព។ លោកជំទាវ គ្រី ណាល់លីស រដ្ឋលេខាធិការ តំណាងដ៏ខ្ពង់ខ្ពស់លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាគណៈកម្មការវាយតម្លៃ និងផ្តល់ពិន្ទុ លើកឡើងនៅក្នុងការប្រកួតពានរង្វាន់សហគ្រិនស្ត្រីឆ្នើមប្រចាំឆ្នាំ២០២៦ ក្រោមប្រធាន

ត្រឹមមួយសប្តាហ៍បន្ទាប់ពីឧបនាយករដ្ឋមន្ត្រីកម្ពុជាទស្សនកិច្ចនៅ Shenzhen, BYD Sealion 6 EV FLASH Charge Edition តម្លៃ 32,800 ដុល្លារ ប្រកាសដាក់លក់ជាផ្លូវការ

ព្រឹត្តិការណ៍, អត្ថបទពាណិជ្ជកម្ម

• 22/09/2026

ភ្នំពេញ ៖ នៅថ្ងៃទី 20 ខែកញ្ញា BYD បានរៀបចំពិធីសម្ពោធដាក់លក់ជាផ្លូវការនូវ Sealion 6 EV FLASH Charge Edition នៅ BYD & Denza Flagship Showroom ក្នុងរាជធានីភ្នំពេញ។

វៀតណាមក្លាយជាទីផ្សារ EV ធំបំផុតនៅអាស៊ីអាគ្នេយ៍ ខណៈការលក់កើនជាងទ្វេដង

ព្រឹត្តិការណ៍, សេដ្ឋកិច្ច

• 22/09/2026

វៀតណាមបានក្លាយជាទីផ្សាររថយន្តអគ្គិសនី (EV) ធំបំផុតនៅអាស៊ីអាគ្នេយ៍ក្នុងឆ្នាំ ២០២៥ ដោយការលក់រថយន្តប្រភេទនេះកើនឡើងជាងទ្វេដង និងមានចំណែកជិត ៤០ ភាគរយនៃការលក់រថយន្តថ្មីសរុប

ការនាំចេញឥណ្ឌាទៅសមាជិកស្នូល BRICS កើនដល់ជិត ២០ពាន់លានដុល្លារ ក្នុងរយៈពេល ៥ ខែ

ព្រឹត្តិការណ៍, សេដ្ឋកិច្ច

• 22/09/2026

ការនាំចេញរបស់ប្រទេសឥណ្ឌាទៅកាន់សមាជិកស្នូលទាំង ៤ នៃក្រុម BRICS បានកើនឡើង ៣៤ ភាគរយ ដល់ ១៩,៩ពាន់លានដុល្លារ ក្នុងរយៈពេល ៥ខែដំបូងនៃឆ្នាំសារពើពន្ធបច្ចុប្បន្ន ចាប់ពីខែមេសា ដល់ខែសីហា ឆ្នាំ២០២៦

តំបន់​សេដ្ឋកិច្ច​ពិសេស​ថ្មី​មួយ ​​នឹង​លេច​រូបរាង​នៅ​រមាស​ហែក​ ​ខេត្ត​ស្វាយរៀង​ ​នា​ដើម​ឆ្នាំ​២០២៧

ព្រឹត្តិការណ៍, សេដ្ឋកិច្ច

• 22/09/2026

ស្រុក​រមាស​ហែក ​ខេត្ត​ស្វាយរៀង​ ​នឹង​មាន​តំបន់​សេដ្ឋកិច្ច​ពិសេស​ជា​លើក​ដំបូង​នៅ​ដើម​ឆ្នាំ​២០២៧ ​លើ​ផ្ទៃដី​ ​៧៨​ ​ហិកតា​ ​ស្ថិត​នៅ​ឃុំ​អណ្ដូង​ពោធិ៍ ភាគ​ខាង​ត្បូង​ទី​រួម​ស្រុក​ប្រមាណ ៤​គីឡូម៉ែត្រ

អាស៊ាន​ស្រូប​ទាញ​ទុន​ជាង ​២៤៣ ​ពាន់​លាន​ដុល្លារ​ពី​ការ​វិនិយោគ​ផ្ទាល់​ពី​បរទេស​

ព្រឹត្តិការណ៍, សេដ្ឋកិច្ច

• 22/09/2026

ការ​វិនិយោគ​ផ្ទាល់​ពី​បរទេស​ ​(​FDI​)​ ​ក្នុង​តំបន់​អាស៊ាន​បាន​កើនឡើង​ ​៩​,​៧ ភាគរយ ​ដល់​ ២​៤៣​,​៩ ពាន់​លាន​ដុល្លារ​ក្នុង​ឆ្នាំ​ ​២០​២៥​ ​ពី​ ​២​២៦ ​ពាន់​លាន​ដុល្លារ​ក្នុង​ឆ្នាំ​ ​២០២៤​ ​ដោយ​មាន​ការ​ជំរុញ​សំខាន់​ពី​កំណើន​ក្នុង​វិស័យ​ឧស្សាហកម្ម​កែច្នៃ ​និង​ផលិតកម្ម ​

ជើងហោះហើរត្រង់រវាងក្រុងកុលកាតា-សៀមរាប នឹងចាប់ផ្តើមឡើងវិញនៅខែតុលា

ព្រឹត្តិការណ៍, សេដ្ឋកិច្ច

• 22/09/2026

ក្រុមហ៊ុនអាកាសចរណ៍ IndiGo របស់ឥណ្ឌា គ្រោងបើកដំណើរការជើងហោះហើរត្រង់ឡើងវិញរវាងទីក្រុងកុលកាតា (Kolkata) និងខេត្តសៀមរាប ចាប់ពីខែតុលា ឆ្នាំ២០២៦ បន្ទាប់ពីបានផ្អាកជាបណ្ដោះអាសន្នចាប់ពីខែកក្កដា ដល់ខែកញ្ញា ឆ្នាំនេះ

បុរី​ ​៥៦​៥​ ​គម្រោង​រំពឹង​សាងសង់​រួច​នៅ​ចុង​ឆ្នាំ​​២០​២៦ ​ខណៈ​លំនៅឋាន​តម្លៃ​សមរម្យ​នៅតែ​មាន​តម្រូវការ​

ព្រឹត្តិការណ៍, អចលនទ្រព្យ

• 22/09/2026

​គម្រោង​អចលន​ទ្រព្យ​ប្រភេទ​បុរី​នៅ​កម្ពុជា​ត្រូវ​បាន​រំពឹង​ថា​នឹង​កើន​ដល់​ ៥​៦៥​ ​គម្រោង​ដែល​បាន​សាងសង់​រួច ​ស្មើនឹង​ ១៨៤​,​២៤៣ ​ខ្នង​ ​នៅ​ត្រឹម​ដំណាច់​ឆ្នាំ​ ​២០២៦ ​ខណៈ​លំនៅឋាន​ដែល​មាន​តម្លៃ​ក្រោម​ ​១០០​,​០០០ ​ដុល្លារ ​នៅតែ​មាន​តម្រូវការ​ខ្លាំង​ពី​អ្នក​ទិញ​

សហគមន៍​កសិកម្ម​ទំនើប​នៅ​បាត់ដំបង​​និង​បន្ទាយមានជ័យ​ ​ចុះ​កិច្ចសន្យា​ផ្គត់ផ្គង់​ស្រូវ​ក្នុង​តម្លៃ​ ​១​,​២​លាន​ដុល្លារ

ព្រឹត្តិការណ៍, សេដ្ឋកិច្ច

• 21/09/2026

ហគមន៍​កសិកម្ម​ទំនើប​ដំណាំ​ស្រូវ​នៅ​ខេត្ត​បន្ទាយមានជ័យ​ ​និង​ខេត្ត​បាត់ដំបង ​បាន​ចុះ​កិច្ចព្រមព្រៀង​ផលិតកម្ម​កសិកម្ម​តាម​កិច្ចសន្យា​ ​ដើម្បី​ផ្គត់ផ្គង់​ស្រូវ​ជិត ៥​,​០០០​តោន ​ក្នុង​ទំហំ​ទឹកប្រាក់​ប្រមាណ​ ​១​,​២​លាន​ដុល្លារ ​ជាមួយ​ក្រុមហ៊ុន​ ​បៃតង​កម្ពុជា

ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ

Top News, ព្រឹត្តិការណ៍, សេដ្ឋកិច្ច

• 21/09/2026

សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។


ព័ត៌មានផ្សេងៗទៀត

View all