សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉ោយប៉ែត ៖ ផ្សិតត្រចៀកកណ្ដុរ ជាប្រភេទផ្សិតម្យ៉ាងដែលមនុស្សទូទៅយកមកចម្អិនធ្វើជាអាហារប្រកបដោយរសជាតិឆ្ងាញ់ ជាពិសេសគឺមានអត្ថប្រយោជន៍ច្រើនចំពោះសុខភាពអ្នកបរិភោគ ហេតុនេះហើយទើបផ្សិតត្រចៀកកណ្ដុរ មានតម្រូវការទីផ្សារខ្ពស់ ទាំងក្នុងស្រុក និងក្រៅប្រទេស ។
លោក រឿប ស៊ីរៀម អ្នកជំនាញផ្នែកបណ្តុះផ្សិតគ្រប់ប្រភេទដោយប្រើបច្ចេកទេសថ្មីបែបទំនើបប្រចាំសហគ្រាសបណ្តុះផ្សិតក្រុងប៉ោយប៉ែត បានប្រាប់ AMS ឲ្យដឹងថា បច្ចុប្បន្ននេះ ក្រុមគោលដៅផ្សិតត្រចៀកកណ្ដុរបាននឹងកំពុងប្រមូលផលផ្សិត ក៏ដូចជាបន្តបង្កើនផលិតកម្មកញ្ចប់ផ្សិតបន្ថែមទៀតដើម្បីត្រៀមជំនួសកញ្ចប់ផ្សិតចាស់ៗដែលអស់លទ្ធភាព(លែងដុះ) និងធានាស្ថិរភាពនៃការប្រមូលផលមិនឱ្យធ្លាក់ចុះ។
លោកបន្តថា ក្រុមគោលដៅនេះមានប្រមាណ ១០កន្លែង ដែលកំពុងញាប់ដៃញាប់ជើងក្នុងការបណ្ដុះ និងប្រមូលផល។ ឯតម្លៃផ្សិតត្រចៀកកណ្ដុរស្រស់មានតម្លៃ ៦,០០០រៀលក្នុងមួយគីឡួក្រាម តែបើគេហាលឱ្យក្រៀមល្មមអាចលក់បានប្រមាណ ១៦,០០០រៀល ក្នុងមួយគីឡូក្រាម។
លោកបន្តទៀតថា បច្ចុប្បន្នលោកជាអ្នកប្រមូលទិញផ្សិតក្រៀមពីកសិករផ្ទាល់ដើម្បីលក់បន្តទៅកាន់ព្រំដែនដោយក្នុងមួយខែលោកប្រមូលបានប្រមាណ ១.៥ តោន។ លោករំពឹងថា ទំហំនេះនឹងកើនឡើងថែមទៀតដោយសារកសិករខ្លះគាត់ទើបតែសាកបណ្ដុះដើម្បីយកទុនខ្លះ និងត្រៀមពង្រីករងបន្ថែមនៅរដូវកាលក្រោយផងដែរ។
ទាក់ទងទៅនឹងទីផ្សារ លោក រឿប ស៊ីរៀម បញ្ជាក់ថា ផ្សិតត្រចៀកកណ្ដុរមានទីផ្សារល្អ និងទូលាយ ទាំងក្នុង និងក្រៅស្រុក ដូចជានៅតាមកសិដ្ឋានខ្លះមានម៉ូយមកយកដល់កន្លែង ហើយយកទៅលក់បន្តនៅតាមផ្សារកសិផលក្នុងស្រុក ឯកសិដ្ឋានខ្លះទៀតហាលឱ្យស្ងួតសម្រាប់នាំចេញទៅប្រទេសជិតខាងដែលមានទំហំធំជាងទីផ្សារក្នុងស្រុក។
ទាក់ទងទៅនឹងរយៈពេលនៃការបណ្ដុះ អ្នកជំនាញ ស៊ីរៀម បន្ថែមថា គេត្រូវប្រើរយៈពេលប្រមាណ ៥០ថ្ងៃ បន្ទាប់មកអាចដកបានរៀងរាល់មួយសប្ដាហ៍ម្ដងរហូតដល់ ៤ខែទើបអស់។
យ៉ាងណាមិញ ការបណ្ដុះផ្សិតនេះក៏ជួបនូវកត្តាប្រឈមផងដែរដូចជា កត្តាអាកាសធាតុក្ដៅពេកធ្វើឱ្យផ្សិតដុះមកមិនសូវល្អ និងមានកត្តាសត្វល្អិតផ្សេងៗ តែគាត់ក៏បានណែនាំឱ្យកសិករចេះពីបច្ចេកទេស និងវិធីក្នុងការការពារផងដែរ។ ក្រៅពីនេះ គេក៏ត្រូវការកម្លាំងពលកម្មច្រើនក្នុងការប្រមូលផល ប៉ុន្តែសម្រាប់គ្រួសារខ្លះដែលមានសមាជិកច្រើនក៏មិនបានចោទជាបញ្ហាធំប៉ុន្មានទេ។ នេះជាអ្វីដែលលោកបានលើកឡើង។
ចំពោះពេលអនាគត អ្នកជំនាញខាងលើចង់ពង្រីកក៏ដូចជាផ្សព្វផ្សាយចំណេះដឹងក្នុងការបណ្ដុះផ្សិតដោយប្រើបច្ចេកវិទ្យាទំនើបនេះឱ្យបងប្អូនយើងបានចេះដឹងឱ្យកាន់តែទូលំទូលាយ ឈានទៅដល់ការផ្គត់ផ្គង់ទីផ្សារក្នុងស្រុក ពិសេសនៅតាមផ្សារទំនើបធំៗផងដែរ។ គួរឲ្យដឹងដែរថា យោងតាមអត្ថបទវេជ្ជសាស្ត្របុរាណចិន <Ben Cao Zai Xin> បានឱ្យដឹងថាផ្សិតត្រចៀកកណ្ដុរ ឬផ្កាថ្ម ត្រូវបានកត់ត្រាថាអាចសម្អាត និងផ្តល់សំណើមដល់សួតបាន។ ការសិក្សាផ្សេងទៀត ក៏បានបញ្ជាក់ដែរថា ផ្សិតត្រចៀកកណ្ដុរស សម្បូរទៅដោយសារធាតុ polysaccharides ដែលមានមុខងារពង្រឹងប្រព័ន្ធការពាររាងកាយ។ វាក៏ជួយបង្កើនប្រសិទ្ធិភាពរបស់អងទីករ ដែលត្រូវបានប្រើដោយប្រព័ន្ធភាពស៊ាំដើម្បីប្រយុទ្ធប្រឆាំងនឹងបាក់តេរី និងវីរុសផងដែរ។ ដូចនេះ ហើយបានជាការដាក់បញ្ចូលផ្សិតត្រចៀកកណ្ដុរទៅក្នុងរបបអាហារ ត្រូវគេជឿថាអាចជួយឲ្យប្រព័ន្ធភាពស៊ាំរឹងមាំ និងជួយប្រឆាំងនឹងជំងឺសួតផ្សេងៗ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content