សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជាបានលើកឡើងថា តាមរយៈសហព័ន្ធស្រូវអង្ករកម្ពុជាបាននាំចេញអង្ករទៅកាន់ទីផ្សារអន្តរជាតិគិតជាមធ្យមក្នុងមួយខែបានប្រមាណជាង ១០០ លានដុល្លារសហរដ្ឋអាមេរិក។
លោកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា ក្នុងសន្និបាតបូកសរុបការងារប្រចាំឆ្នាំ២០២១ និងលើកទិសដៅបន្តសម្រាប់ឆ្នាំ២០២២ បានបង្ហាញនូវរបាយការណ៍ស្តីអំពីវឌ្ឍនភាព ដែលសហព័ន្ធសម្រេចបានក្នុងឆ្នាំ២០២១ បើទោះក្នុងកាលៈទេសៈនៃការរីករាលដាលជំងឺកូវី-១៩ យ៉ាងណាក៏ដោយ ក៏កម្ពុជាបានធ្វើការនាំចេញអង្ករបានចំនួន ៦១៧ ០៦៩ តោន គិតជាទឹកប្រាក់មានចំនួន ៤១៨.១៥ លានដុល្លារសហរដ្ឋអាមេរិក និងបានធ្វើការនាំស្រូវចេញបានចំនួន ៣ ៥២៧ ៤១៨ តោន ដែលគិតជាទឹកប្រាក់ប្រមាណជា ៨៤៥.៩៥ លានដុល្លារ។
លោកឧកញ៉ាបានមានប្រសាសន៍បញ្ជាក់ថា ៖
“តួលេខរួមបានបង្ហាញថា ការនាំចេញសរុបទាំងស្រូវនិងអង្ករបានចំនួនជាង ១ ២០០ លានដុល្លារ ឬ ចំណូលពីការនាំចេញជាមធ្យមប្រមាណជា ១០០ លានដុល្លាររក្នុងមួយខែ ដែលជាប្រភពចំណូលសេដ្ឋកិច្ចមួយយ៉ាងសំខាន់សម្រាប់ប្រទេសកម្ពុជា”
អគ្គនាយកនៃធនាគាអភិវឌ្ឍន៍ជនបទ និងកសិកម្ម ឯកឧត្តមបណ្ឌិត កៅ ថាច ក៏បានលើកឡើងអំពីកិច្ចការផ្តល់ឥណទានដល់វិស័យស្រូវអង្ករក្នុងលក្ខណៈសម្បទានពីរាជរដ្ឋាភិបាលសម្រាប់សាងសង់ឃ្លាំង ស្តុក និងឡសម្ងួតស្រូវ ក្រោមរូបភាពជាដៃគូរដ្ឋ និងវិស័យឯកជនតាមរបៀប “សាងសង់-ប្រតិបត្តិការ-និងទូទាត់” ក្នុងទំហំទឹកប្រាក់ ៣០លានដុល្លារសហរដ្ឋអាមេរិក នៅតាមតំបន់ចំនួន ៤ រួមមាន ខេត្តបាត់ដំបង កំពង់ធំ ព្រៃវែង និងខេត្តតាកែវ ។
ឯកឧត្តមបានលើកឡើងថា បន្ថែមពីនេះរាជរដ្ឋាភិបាលក៏បានផ្តល់នូវមូលនិធិជាទុនបង្វិលបន្ថែមចំនួន ៨៣ លានដុល្លារ ដែលក្នុងនោះចាប់ពីឆ្នាំ២០១៦ ដល់ឆ្នាំ២០២០ មានទឹកប្រាក់ចំនួន ៧៣ លានដុល្លា និង ១០លានដុល្លារសហរដ្ឋអាមេរិក។
ឯកឧត្តមបណ្ឌិត កៅ ថាច បានមានប្រសាសន៍ថា៖
“សម្រាប់ផ្តល់ឥណទានដល់រោងម៉ាស៊ីនកិនស្រូវ និងក្រុមហ៊ុននាំចេញអង្ករក្នុងគោលដៅជំរុញដល់ការប្រមូលទិញស្រូវ និងរក្សាស្ថិរភាពតម្លៃស្រូវនារដូវប្រមូលផលនីមួយៗ និងគាំទ្រដល់គោលនយោបាយនាំចេញរបស់រាជរដ្ឋាភិបាល”
ការនាំចេញ និងវឌ្ឍនភាពផ្នែកផលិតកម្មដំណាំស្រូវ ក្នុងឆ្នាំ២០២១ កន្លងមកនេះ ដែលអនុត្តន៍បានចំនួន ៣.៥លានហិកតា ឬស្មើនឹង ១១៦% នៃផែនការដែលក្នុងនោះ ៦៥ ម៉ឺនហិកតាជាផ្ទៃដីស្រូវប្រាំងដែលទទួលបានទិន្នផលសរុបចំនួន ១២.២១លានតោនដែលក្នុងនោះស្រូវប្រាំងមានចំនួន ២.៩៣ លានតោន។ នេះបើតាមឯកឧត្តម ងិន ឆាយ អគ្គនាយកនៃអគ្គនាយកដ្ឋានកសិកម្មបានបញ្ជាក់។ សហព័ន្ធស្រូវអង្ករកម្ពុជា ក៏បានកំណត់គោលដៅសម្រាប់ការនាំចេញក្នុងឆ្នាំ២០២២ លើបរិមាណអង្ករ ៧៥ម៉ឺនតោន ដែលការងារសំខាន់ គឺធ្វើកិច្ចសហប្រតិបត្តិការឱ្យបានល្អប្រសើរជាមួយគ្រប់ស្ថាប័ន អង្គការអន្តរជាតិ នានា និងទទួលនូវអនុសាសន៍៦ចំណុចពីឯកឧត្តមរដ្ឋមន្ត្រី ផងដែរ ដែលអនុសាសន៍ទាំងនោះ សម្រាប់សហព័ន្ធស្រូវអង្ករកម្ពុជា ឱ្យមានការរីកចម្រើនកាន់តែល្អសើរឡើងថែមទៀត និងឈានទៅដល់ការបង្កើតសហព័ន្ធស្រូវអង្ករអាស៊ានមួយ ដែលអាចងាយស្រួលធ្វើការទំនាក់ទំនង និងការស្វែងរកទីផ្សារជាមួយគ្នាផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
អំឡុងបុណ្យចូលឆ្នាំខ្មែរ ជាកង្វល់នៃកំណើនគ្រោះថ្នាក់ចរាចរណ៍
Uncategorized, ព្រឹត្តិការណ៍, សេដ្ឋកិច្ច
• 09/04/2026
ជាទូទៅ ក្នុងអំឡុងពិធីថ្ងៃបុណ្យជាតិធំៗនៅប្រទេសកម្ពុជា ដូចជាបុណ្យចូលឆ្នាំថ្មីប្រពៃណីជាតិខ្មែរជាដើម ករណីគ្រោះថ្នាក់ចរាចរណ៍តែងតែមានសន្ទុះកើនឡើងច្រើន បើធៀបនឹងថ្ងៃធម្មតា
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content