សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទីផ្សារកសិកម្មវៀតណាមកាលពីអតីតកាលដែលពឹងលើតែឈ្មួញកណ្តាលបានផ្លាស់ប្តូរយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះជាពិសេសអំឡុងពេលមានវិបត្តិកូវីដ ដោយជ្រើសយកវិធីសាស្ត្រផ្សព្វផ្សាយ និងរកទីផ្សារលក់តាមរយៈអនឡាញ។
កសិករវៀតណាមមិនបានរង់ចាំទីផ្សារកណ្តាលទៀតឡើយដោយពួកគេមួយចំនួនបានចាប់ផ្តើមប្រើប្រាស់បណ្តាញសង្គម និងអាជីវកម្មលក់អនឡាញមកជាជម្រើសថ្មីរបស់ខ្លួន ហើយជាលទ្ធផលកសិករខ្លះអាចលក់ផលិតផលរបស់ពួកគេដល់ទៅ៩៩ភាគរយនៅលើអនឡាញចាប់រាប់តាំងពីគ្រាប់ធញ្ញជាតិរហូតទៅដល់សត្វចិញ្ចឹមបូករួមទាំងអន្ទង់ជាដើមនេះបើយោងតាមការចេញផ្សាយរបស់ The Vietnam Net កន្លងមក។
ក្នុងពេលជាមួយគ្នាដែលកសិករភាគច្រើនចាប់ផ្តើមយល់ដឹងអំពីសារៈប្រយោជន៍នៃការប្រើប្រាស់ទូរស័ព្ទស្មាតហ្វូនចំពោះផលិតផលកសិកម្មរបស់គេហើយនោះ ខាងភាគីរដ្ឋក៏កំពុងបានជម្រុញយ៉ាងខ្លាំងផងដែរចំពោះអាជីវកម្មនេះដោយក្នុងនោះខេត្តជាច្រើនបានចាប់ផ្តើមរៀបចំផែនការតភ្ជាប់កសិផលរបស់កសិករទៅនឹងបណ្តាញអាជីវកម្មធំនិងសង្វាក់ផលិតកម្មលើប្រព័ន្ធអនឡាញ ជាពិសេសផ្សព្វផ្សាយដើម្បីឲ្យតម្រូវការទាំងអស់នាំគ្នាងាកទៅលើការទិញកសិផលតាមអនឡាញវិញ។
ជាក់ស្តែងយោងតាមការចេញផ្សាយរបស់ The Vietnam Plus ថ្មីៗនេះបានឲ្យដឹងថា ការិយាល័យទទួលបន្ទុកកិច្ចការងារអាជីវកម្មអនឡាញឬភ្នាក់ងារជំនាញខាងផ្នែកទីផ្សារឌីជីថលបានកំពុងជួយគាំទ្រដល់ខេត្តជាច្រើននៅក្នុងប្រទេសសម្រាប់ឆ្នាំនេះដើម្បីរៀបចំអភិវឌ្ឍទីផ្សារអនឡាញរៀងគ្នាតភ្ជាប់ផលិតផលកសិករក្នុងតំបន់ទៅកាន់ទីផ្សារផ្សេងទៀតក្នុងប្រទេសដែលក្នុងនោះមានដូចជាខេត្ត Bac Giang ខេត្ត Son La ខេត្ត Hung Yen ខេត្តBac Kan និងខេត្ត Can Tho ផងដែរ។
អ្នកជំនាញកសិកម្មជាច្រើនបាននិយាយថា បញ្ហារីករាលដាលនៃវិរុសកូវីដបានក្លាយទៅជាកត្តាជំរុញដ៏សំខាន់មួយដើម្បីនាំឲ្យផលិតផលកសិកម្មនាំគ្នាងាកទៅរកការធ្វើការជួញដូរលើប្រព័ន្ធអនឡាញវិញដែលមានន័យថាកសិករអាចលក់ផលិតផលរបស់ពួកគេដោយផ្ទាល់ទៅកាន់អតិថិជនតែម្តងតាមរយៈការដឹកជញ្ជូនដែលមានបណ្តាញយ៉ាងគ្រប់គ្រាន់នៅទូទាំងប្រទេស។ ដោយឡែកភាគីខាងក្រុមហ៊ុនដឹកជញ្ជូនក៏បានលើកឡើងស្រដៀងគ្នានេះដែរហើយអះអាងថាបច្ចេកវិទ្យា និងបណ្តាញដឹកជញ្ជូនបានរៀបចំខ្លួនរួចរាល់ក្នុងការសម្រួល និងផ្តល់ភាពងាយស្រួលកាន់តែខ្លាំងឡើងទៅដល់ក្រុមកសិករ ជាពិសេសចំពោះដំណើរការលក់ និងទិញនៅលើស្មាតហ្វូនតែម្តងដោយសង្ឃឹមថាទីផ្សារអនឡាញសម្រាប់កសិកម្មវៀតណាមនឹងកាន់តែមានភាពល្អប្រសើរឡើង និងប្រសិទ្ធភាពខ្ពស់៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុនផលិតរថយន្ត Rolls-Royce ចាត់ទុកចិនជាទីផ្សារយុទ្ធសាស្ត្រវិនិយោគរយៈពេលវែង
ព្រឹត្តិការណ៍, អាជីវកម្មថ្មី និងនវានុវត្ត
• 08/10/2026
ក្រុមហ៊ុនផលិតរថយន្តទំនើបអង់គ្លេស Rolls-Royce បានចាត់ទុកទីផ្សារចិនជាទីផ្សារដ៏សំខាន់សម្រាប់យុទ្ធសាស្ត្រវិនិយោគរយៈពេលវែងរបស់ខ្លួន ដោយសារតម្រូវការរបស់អតិថិជន និងបណ្តាញតំណាងចែកចាយដែលកំពុងវិវឌ្ឍល្អ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content