ចង់រួមចំណែកជួយដល់សង្គម ស្ត្រីម្នាក់បង្កើតសហគ្រាសមួយដើម្បីរក្សាព្រៃឈើ និងជួយសេដ្ឋកិច្ច​សហគមន៍

ភ្នំពេញ ៖ ការជួយសង្គម​អាចធ្វើឡើងបានច្រើនរូបភាព ដោយតិច ឬច្រើនក៏​បានផ្ដល់ផលប្រយោជន៍ណាមួយដល់មនុស្សមួយក្រុម​ដែរ​ ដោយឡែក បច្ចុប្បន្ននេះ ការជួយសង្គមភាគច្រើនគឺមាននៅ​ក្នុងការ​ធ្វើអាជីវកម្ម។

ស្របទៅនឹងទឹកចិត្តដែលចង់រួមចំណែកជួយដល់សង្គម សហគ្រាសមួយត្រូវបានបង្កើតឡើងដោយផ្ដោតលើការផ្គត់ផ្គ​ង់ទឹកឃ្មុំស្តង់ដារ ចេញពីខេត្តប៉ែកឦសាននៃប្រទេសកម្ពុជា។ បើមើលមួយជ្រុង គេប្រហែលអាចត្រឹមឃើញថានេះជាអា​ជីវកម្មដែលផ្ដល់ផលចំណេញដល់បុគ្គលផ្ទាល់ ប៉ុន្តែមែនទែនទៅ វាបានជួយរក្សាព្រៃឈើឱ្យគង់វង្សនៅតាមតំបន់អភិរក្សនានា។

សហគ្រាសមួយនេះមានឈ្មោះថា សហគ្រាសសង្គម អ៊ីភីអិល ផូលីនែត (EPL Pollinate) ដែលបង្កើតឡើងនៅក្នុងឆ្នាំ​២០១៩ ដោយមានការចូលរួមពីអ្នកជំនាញជាច្រើនរូបដូចជា អ្នកជំនាញបរិស្ថាន អ្នកជំនាញចិញ្ចឹមឃ្មុំ អ្នកជំនាញគ្រប់គ្រងចំណីអាហារ និងអ្នកជំនាញមន្ទីរពិសោធន៍ ដែលការចូលរួម​នេះ​គឺដើម្បីធ្វើសកម្មភាពអភិរក្សធនធានធម្មជាតិ ក៏ដូចជាបង្កើនផលិតផលធម្មជាតិ។

អ្នកស្រី សែម ស្រីតូច ដែលជាសហស្ថាបនិក និងជានាយិកាប្រតិបត្តិស្តីទីនៃសហគ្រាសសង្គមអ៊ីភីអិល ផូលីនែត បានឱ្យដឹងថា សហគ្រាសអ្នកស្រីមានបំណងក្នុងការពង្រឹងការអភិរក្សព្រៃឈើ និងរក្សាស្ថិរភាពចំណីអាហារតាមរយៈ​ការផលិត និងចែកចាយទឹកឃ្មុំព្រៃដែលមានគុណភាព គោរពតាមស្តង់ដារ អនាម័យ។ ម្យ៉ាងទៀត ដោយសារតែអ្នកស្រី និងក្រុមការងារបានមើលឃើញពីកង្វះខាតនៃការផ្គត់ផ្គង់ទឹកឃ្មុំ ការផលិត និងចែកចាយទឹកឃ្មុំគ្មានស្តង់ដារ ចរាចរណ៍ទឹកឃ្មុំក្លែងក្លាយនៅលើទីផ្សារ និងការជិតផុត​ពូជ​ឃ្មុំ​ព្រៃតាមរយៈការប្រមូលផលមិនត្រូវស្តង់ដារជាដើម។

អ្នកស្រី សែម ស្រីតូច បានមានប្រសាសន៍ថា ៖

“តាមរយៈសកម្មភាពដែលសហគ្រាសយើងបានធ្វើកន្លងមក​គឺយើងបានចូលរួមកាត់បន្ថយអត្រាមរណៈពីសំណាក់អ្នកយកឃ្មុំ រក្សាបាននូវដើមឈើព្រៃខ្ពស់ៗ ចូលរួមក្នុងការបង្កើតអាជីវកម្មឃ្មុំទៅដល់ស្ត្រីមេផ្ទះ និងលើកស្ទួយជីវភាពសេដ្ឋកិច្ចគ្រប់ភាគី​ពាក់ព័ន្ធ”

នៅក្នុងរយៈពេលប្រមាណជា ៣ឆ្នាំមកនេះ ក្រុមហ៊ុនអ្នកស្រីបានសហកាជាមួយស្ថាប័នពាក់ព័ន្ធជាច្រើនដូចជា អង្គការ WWF អង្គការ WCF អង្គការពន្លកបៃតង សហគ្រិនខ្មែរ និងអង្គការផ្សេងទៀត​នៅក្នុង​គម្រោងអភិរក្សព្រៃឈើ ការអភិរក្សឃ្មុំ ក៏ដូចជាការចងក្រងជាសហគមន៍។

អ្នកស្រីបានបញ្ជាក់ថា ៖

“តាមរយៈកិច្ចខិតខំប្រឹងប្រែងទាំងនេះ ជាលទ្ធផលគឺយើងជួយបាន ៤៦សហគមន៍ និងប្រជាសហគមន៍ ៧០០នាក់ ហើយបានបង្កើតអាជីវកម្មឃ្មុំទៅ​ដល់ស្ត្រីមេផ្ទះ​ដល់ស្ត្រីចំនួន៦០នាក់ផងដែរ”

ជាមួយគ្នានេះ ដើម្បីបន្តឈានទៅទទួលបានគុណភាពស្តង់ដារ ក្រុមហ៊ុនអ្នកស្រីបានបែងចែកជា ៤បេសកកម្ម ក្នុងនោះមានផលិត និងចែកចាយទឹកឃ្មុំព្រៃ, ផ្ដល់សេវាកម្មបច្ចេកទេស, ផ្ដល់សេវាកម្ម​ដំណើរលំអង និងការផលិតនូវផលិតផលផ្សេងៗចេញពីទឹកឃ្មុំ ហើយកាលពីពេលកន្លងមក ក្រុមហ៊ុនមួយនេះទទួលបានការអនុញ្ញាត និងគាំទ្រពីនាយកដ្ឋានរដ្ឋបាលព្រៃឈើនៃក្រសួងកសិកម្មក្នុងការបន្តគាំពារព្រៃឈើ និងសេដ្ឋកិច្ចប្រជាសហគមន៍នៅតាមតំបន់អភិរក្សព្រៃឈើ ជាពិសេសគឺនៅតំបន់ប៉ែកឦសានតែម្ដង។

បើតាមការបញ្ជាក់ដដែលរបស់អ្នកស្រី សែម ស្រីតូច បានឱ្យដឹងថា អ្នកស្រីមានការជឿជាក់ចំពោះការបន្តជួយប្រជាសហគមន៍បានកាន់តែច្រើន ដោយហេតុថាក្រុមហ៊ុនអ្នកស្រីមានក្រុមបច្ចេកទេសគ្រប់គ្រាន់ ព្រមទាំងមានសមត្ថភាពក្នុងការបង្កើតបច្ចេកទេសថ្មីៗ ដែលធានាបាននូវការផ្គត់ផ្គង់គ្រប់តម្រូវការ ហើយអាចរក្សាបាននូវឃ្មុំព្រៃកុំឱ្យផុតពូជ។ ម្យ៉ាងទៀត ក្រុមហ៊ុនអ្នកស្រីក៏មានទស្សនៈវិស័យរឹងមាំ និងច្បាស់លាស់ក្នុងការជួយជាប្រយោជន៍ធំធេងដល់សង្គមផងដែរ។

ជាងនេះទៅទៀត តាមរយៈកិច្ចសហកាជាមួយអង្គការ WWF ជារឿយៗក្រុមការងារតែងចុះទៅដល់សហគមន៍ផ្ទាល់ដើម្បីបង្រៀនប្រជាសហគមន៍នូវបច្ចេកទេសបន្ថែមពីលើអ្វីដែលពួកគេមានស្រាប់ ដើម្បីធានានិរន្តរភាពនៃការប្រមូលទឹកឃ្មុំ និងមានអនាម័យល្អ ហើយជាឆន្ទៈរបស់អ្នកស្រីផ្ទាល់ ក៏ដូចជាក្រុមអ្នកបច្ចេកទេសនៃសហគ្រាសបន្តប្ដេជ្ញាធ្វើដំណើរទៅមុខទៀតក្នុងការរក្សា និងអភិរក្សព្រៃឈើ បង្កើតចំណូ​ល​ជូនប្រជាសហគមន៍ ធ្វើឱ្យទីផ្សារទឹកឃ្មុំមានស្ថិរភាព និងលទ្ធភាពដែលអាចនាំចេញទឹកឃ្មុំទៅក្រៅប្រទេសឱ្យកា​ន់​តែទូលំទូលាយផងដែរ៕ អត្ថបទដោយ ៖ កែវ បុស្បា​


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ