សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា លោក Mark Carney នាយករដ្ឋមន្ត្រីថ្មីរបស់ប្រទេសកាណាដាបានប្តេជ្ញាចិត្តយ៉ាងមុតមាំថា នឹងយកឈ្នះសង្រ្គាមពាណិជ្ជកម្មប្រឆាំងនឹងប្រធានាធិបតីសហរដ្ឋអាម៉េរិក Donald Trump លើការដាក់ពន្ធដែលមិនអាចទទួលយកបាន។
លោក Mark Carney មានអាយុ ៥៩ ឆ្នាំ គឺជាអតីតប្រធានធនាគារកណ្តាលកាណាដា និងចក្រភពអង់គ្លេស បានយកឈ្នះគូប្រជែង ៣នាក់ ដែលជាប្រមុខគណបក្សសេរីនិយម។ គាត់បានឈ្នះសម្លេងឆ្នោតដល់ ៨៥,៩ ភាគរយ លើបេក្ខភាព ៣ នាក់ទៀតដូចជា Chrystia Freeland, Karina Gould និង Frank Baylis។ ដូច្នោះហើយ Mark Carney នឹងក្លាយជានាយករដ្ឋមន្ត្រីថ្មីរបស់ប្រទេសកាណាដា ដែលស្នងតំណែងបន្តពីលោក Justin Trudeau។ គេរំពឹងថា លោក Carney នឹងស្បថចូលកាន់តំណែងជានាយករដ្ឋមន្ត្រី និងដឹកនាំគណបក្សសេរីនិយមនៅប៉ុន្មានថ្ងៃខាងមុខនេះ។
នៅក្នុងសុន្ទរកថាជ័យជំនះរបស់ខ្លួន លោក Carney បានបង្ហាញពីជំហរយ៉ាងមុតមាំប្រឆាំងនឹង Donald Trump ដែលបានដាក់ពន្ធលើប្រទេសកាណាដា និងមហិច្ឆតាចង់ធ្វើឱ្យកាណាដាក្លាយជារដ្ឋទី ៥១ របស់សហរដ្ឋអាមេរិក។ លោក Carney បានប្រៀបធៀបពាណិជ្ជកម្មទៅនឹងកីឡាវាយកូនគោលលើទឹកកក ហើយបង្ហាញជំនឿចិត្តថា កាណាដានឹងឈ្នះ។ សុន្ទរកថារបស់លោកភាគច្រើនលើកឡើងពីការដាក់ពន្ធមិនសមហេតុផលរបស់ Trump លើប្រទេសកាណាដា ដែលការធ្វើបែបនេះកំពុងវាយប្រហារលើពលរដ្ឋ និងអាជីវកម្មកាណាដា។ លោក Carney បានប្តេជ្ញាថានឹងមិនអាចឱ្យ Trump ទទួលបានជោគជ័យនោះទេ ហើយរដ្ឋាភិបាលរបស់លោកនឹងរក្សាពន្ធលើការនាំចូលរបស់សហរដ្ឋអាម៉េរិក រហូតដល់មហាអំណាចមួយនេះបង្ហាញការគោរពដល់កាណាដា។
ក្នុងចំណោមការសន្យាសំខាន់ៗរបស់មេដឹកនាំកាណាដាថ្មី Mark Carney គឺការជំរុញគម្រោងថាមពលធំៗ ដូចជា បំពង់បង្ហូរប្រេង ដែលបានប្រឈមមុខនឹងបញ្ហានយោបាយក្នុងប៉ុន្មានឆ្នាំចុងក្រោយថ្មីៗនេះ។ លើសពីនេះ លោកបានសន្យាថានឹងវិនិយោគទុនយ៉ាងសន្ធឹកសន្ធាប់នៅក្នុងគម្រោងអភិវឌ្ឍលំនៅដ្ឋាន និងថាមពលស្អាត ព្រមទាំងធ្វើសេរីភាវូបនីយកម្មពាណិជ្ជកម្មក្នុងប្រទេសកាណាដា ដើម្បីធ្វើពិពិធកម្មពាណិជ្ជកម្មឱ្យឆ្ងាយពីសហរដ្ឋអាមេរិក៕
Account
Security
Favourite Content