ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជន្លេន ជាពពួកសត្វដែលមានទំហំខ្លួនតូចតាចស្រដៀងនឹងសត្វដង្កូវដែរ ដែលរស់នៅក្នុងដី ហើយក៏ត្រូវបានមនុស្សភាគច្រើនខ្ពើមរអើមដោយសាររូបរាង ពណ៌សម្បុរ និងសណ្ឋានស្បែករបស់វា។ យ៉ាងណាមិញ គេក៏អាចទាញយកប្រយោជន៍ពីសត្វប្រភេទនេះបានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

កញ្ញា សុខ សុធារតន៍ ជាស្ថាបនិកសហគ្រាស JUNLEN ដែលកំពុងដំណើរការចិញ្ចឹមពពួកជន្លេន និងជាគ្រូបង្គោលបង្ហាត់បង្ហាញពីចំណេះដឹងផ្នែកកសិកម្មដល់បងប្អូនប្រជាកសិករឱ្យចេះកែប្រែកាកសំណស់ផ្ទះបាយ បន្លែ ផ្លែឈើ សម្រាប់ជាចំណីចិញ្ចឹមជន្លេន និងអាចទាញយកផលប្រយោជន៍ពីជន្លេនទៅប្រើប្រាស់ជាជីក្នុងវិស័យកសិកម្ម ដើម្បីបង្កើនទិន្នផលឱ្យបានកាន់តែខ្ពស់។

កញ្ញាបានបញ្ជាក់ថា៖

«ការចិញ្ចឹមជន្លេន កសិករអាចធ្វើបានដោយខ្លួនឯងបានដោយប្រើប្រាស់ធនធានដែលមានស្រាប់ ដូចជាកាកសំណល់ផ្ទះបាយ សំណល់បន្លែ ផ្លែឈើ ដែលសល់ពីការទទួលទានប្រចាំថ្ងៃធ្វើជាចំណីសម្រាប់សត្វជន្លេន ហើយទាញយកអាចន៍ជន្លេនធ្វើជាជីសម្រាប់ការដាំដុះ ដែលការធ្វើបែបនេះជាចង្វាក់ផលិតកម្មកសិកម្មតាមបែបនិរន្តភាពយូរអង្វែង»។

កញ្ញាបានបន្ថែមទៀតថា៖

«ជីជន្លេនអាចបង្កើនដំណុះគ្រាប់ដំណាំរហូតដល់៩៩% និងធ្វើឲ្យរុក្ខជាតិរឹងមាំ ស្រូបជីជាតិល្អ ដោយសហគ្រាសយើងក៏កំពុងផ្គត់ផ្គង់អតិថិជន​ប្រហែលជា៣០០០នាក់​ ហើយយើងក៏មានបំណងផ្សារភ្ជាប់ទំនាក់ទំនងជាមួយរមនីយដ្ឋានក្នុងស្រុកដើម្បីអាចសហការក្នុងការផលិតកសិផលសុវត្ថិភាព មិនថាបន្លែ ត្រី ឬសាច់នោះទេ»។

បច្ចុប្បន្ននេះ និយាយតែចំពោះសហគ្រាសជន្លេន (JUNLEN ) គឺមាន ២​ទីតាំង ស្ថិតនៅខេត្តកំពង់ឆ្នាំង និងខេត្តសៀមរាប ដែលអាចផលិតជីធម្មជាតិអាចម៍ជន្លេនបានប្រមាណ៣០តោនក្នុងមួយខែ។ ក្រៅពីនេះ JUNLEN ក៏កំពុងស្វែងរកដៃគូលក់ជីអាចម៍ជន្លេនតាមបណ្តាខេត្ត ជាពិសេសកសិករដែលដាំដំណាំបន្លែ ដោយសហគ្រាសមានយុទ្ធសាស្រ្តគាំទ្រ និងធានាបង្កើនទិន្នផលបន្លែ ៤០% និងទទួលបានផលជាដំណាំសុវត្ថិភាព ក៏ដូចជាមានការទទួលទិញកសិផលមកវិញប្រកបដោយការទទួលខុសត្រូវ។

ចំណែកការចិញ្ចឹមជន្លេនវិញ កញ្ញាបានរៀបរាប់ថា វាមិនមានផលវិបាកអ្វីច្រើននោះទេ ឱ្យតែយើងអាចរកកាកសំណល់ដែលសមស្របនឹងជន្លេន និងជ្រើសរើសពូជជន្លេនទៅតាមគោលបំណងរបស់អ្នកចិញ្ចឹមដែលចង់បាន។ ជាក់ស្តែង ដូចជាលាមកគោ ដោយគេត្រូវហាលលាមកគោឱ្យស្ងួត បន្ទាប់មកយកទៅត្រាំទឹកដាក់ក្នុងធុង និងដាក់ពូជ ជន្លេ​​ន ចូលឱ្យនៅ ពេលវាស៊ីកាកសំណល់ហើយ វា​បង្កើតជាជីដ៏ល្អ។

ពាក់ព័ន្ធទៅនឹងការចាប់ផ្ដើមបង្កើតសហគ្រាសលើកដំបូង កញ្ញា សុធារតន៍ បានបង្ហើបថា​ ដំណើរការអាជីវកម្ម JUNLEN លើកដំបូង ត្រូវបានចំណាយដើមទុនប្រមាណ១០០០ដុល្លារក្នុងធ្វើរោងចិញ្ចឹមជន្លេន និងទិញឧបករណ៍មួយចំនួនសម្រាប់ប្រើប្រាស់នៅពេលចិញ្ចឹមជន្លេន។ ហើយអ្វីដែលសំខាន់ជាងថវិកានោះគឺពេលវេលាដែលកញ្ញាបានចំណាយលើការបណ្ដុះបណ្ដាលបងប្អូនប្រជាកសិករដែលពុំមានឱកាសក្នុងការទទួលបានជំនាញបច្ចេកទេសកសិកម្មឱ្យមានចំណេះដឹងអាចយកទៅអនុវត្តដើម្បីបង្កើនទិន្នផល និងកាត់បន្ថយចំណាយទៅលើការទិញជី។

យ៉ាងណាក៏ដោយ ៖ ជាមួយកិច្ចដំណើរការយ៉ាងសកម្មនាពេលបច្ចុប្បន្ននេះ សហគ្រាសជន្លេន (JUNLEN ) ក៏ធ្លាប់ទទួលបានកញ្ចប់ជំនួយពីសគ្រិនខ្មែរ ឬ KE ផងដែរកាលពីអំឡុងឆ្នាំ២០២១ ក្នុងការបង្កើនផលិតកម្ម​ និងបង្កើនដៃគូអាជីវកម្ម។ នេះជាអ្វីដែលម្ចាស់អាជីវកម្មខាងលើបានលើកឡើង។

ចំពោះថ្ងៃអនាគត ចក្ខុវិស័យរបស់សហគ្រាសជន្លេន គឺធ្វើការ និងវិនិយោគដល់កសិករ តាមរយៈបច្ចេកទេសកសិកម្ម និងសហគ្រិនភាព ដោយឡែកយុវជនដែលចាប់អារម្មណ៍លើវិស័យកសិកម្ម គប្បីចាប់ផ្តើមពីធនធានដែលខ្លួនមាន ជាពិសេសគឺចំណេះ ជំនាញ ការខិតខំប្រឹងប្រែង និងការរក្សាផ្នត់គំនិតជាសហគ្រិន ដើម្បីសម្រេចគោលបំណងខ្លួនឯងនិងផ្ដល់ជាប្រយោជន៍រួមផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល