សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ចិនបានដាក់ពន្ធប្រឆាំងការលក់បង្ខូចថ្លៃលើការនាំចូលប្រភេទប្លាស្ទិកវិស្វកម្ម POM copolymers ពីសហរដ្ឋអាម៉េរិក សហភាពអឺរ៉ុប ជប៉ុន និងតៃវ៉ាន់ ក្នុងគោលបំណងការពារផលិតកម្មក្នុងស្រុករបស់ខ្លួន។
កាលពីថ្ងៃអាទិត្យ ក្រសួងពាណិជ្ជកម្មចិនបានប្រកាសថា អាជ្ញាធរស៊ើបអង្កេតបានរកឃើញភស្តុតាងនៃការលក់បង្ខូចថ្លៃនៃប្រភេទប្លាស្ទិកវិស្វកម្ម POM copolymers ដែលនាំចូលពីសហរដ្ឋអាមេរិក សហភាពអឺរ៉ុប ជប៉ុន និងកោះតៃវ៉ាន់។ ចិនបានប្រកាសដាក់ពន្ធប្រឆាំងការលក់បង្ខូចថ្លៃ ៧៤,៩% លើការនាំចូលពីសហរដ្ឋអាម៉េរិក ខណៈដែលការនាំចូលពីអឺរ៉ុបនឹងត្រូវប្រឈមនឹងពន្ធ ៣៤,៥%។ លើសពីនេះ ចិនដាក់ពន្ធ ៣៥,៥% លើការនាំចូលពីជប៉ុន លើកលែងតែក្រុមហ៊ុន Asahi Kasei Corp ប្រឈមនឹងពន្ធ ២៤,៥% ប៉ុណ្ណោះ។ បន្ថែមពីនេះ ចិនដាក់ពន្ធ ៣២,៦% ទូទៅលើការនាំចូលពីតៃវ៉ាន់ ប៉ុន្តែក្រុមហ៊ុន Formosa Plastics ប្រឈមនឹងពន្ធ ៤% និង Polyplastics Taiwan ៣,៨% ប៉ុណ្ណោះ។
ការដាក់ពន្ធថ្មីនេះកើតឡើងតែប៉ុន្មានថ្ងៃបន្ទាប់ពីអាម៉េរិក និងចិនព្រមព្រៀងកាត់បន្ថយពន្ធគយលើទំនិញរបស់គ្នាទៅវិញទៅមករយៈពេល ៩០ ថ្ងៃ ដែលជាការបន្ធូរបន្ថយជាបណ្តោះអាសន្ននៅក្នុងសង្គ្រាមពាណិជ្ជកម្មដ៏តានតឹង។
គួរឲ្យបញ្ជាក់ដែរថា ក្រសួងពាណិជ្ជកម្មចិនបានបើកស៊ើបអង្កេតលើរឿងនេះតាំងពីខែឧសភា ឆ្នាំ២០២៤ បន្ទាប់ពីសហរដ្ឋអាម៉េរិកបានដំឡើងពន្ធយ៉ាងខ្លាំងលើរថយន្តអគ្គិសនី បន្ទះសៀគ្វីកុំព្យូទ័រ និងការនាំចូលផ្សេងៗទៀតពីប្រទេសចិន។ ការស៊ើបអង្កេតបានសន្និដ្ឋានថា ឧស្សាហកម្មប្លាស្ទិកវិស្វកម្ម POM copolymers ក្នុងស្រុករបស់ចិនទទួលរងប៉ះពាល់ដោយសារការលក់បង្ខូចថ្លៃពីការនាំចូលពីបរទេស។ ទន្ទឹមនឹងនេះ ប្លាស្ទិកវិស្វកម្ម POM មានភាពធន់ដែលអាចជំនួសលោហធាតុ ដូចជា ទង់ដែង និងស័ង្កសីសម្រាប់ការផលិតគ្រឿងបន្លាស់រថយន្ត គ្រឿងអេឡិចត្រូនិក និងគ្រឿងសម្ភាៈវេជ្ជសាស្ត្រ៕
Account
Security
Favourite Content