សមាគមមីក្រូហិរញ្ញវត្ថុកម្ពុជា ដាក់ចេញយុទ្ធសាស្ត្ររយៈពេល ៥ឆ្នាំ ដើម្បីពង្រឹងភាពធន់

ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) បានដាក់ចេញយុទ្ធសាស្ត្រសសរស្តម្ភឆ្នាំ២០២២-២០២៦ ដើម្បីពង្រឹងភាពធន់ និងនិរន្តរភាពនៃសមាជិក និងវិស័យមីកូ្រហិរញ្ញវត្ថុ លើកចំណេះដឹងហិរញ្ញវត្ថុសម្រាប់អតិថិជន និងសាធារណៈជន ពង្រឹងសមត្ថភាពធនធានមនុស្សប្រកបដោយវិជ្ជាជីវៈ និងសីលធម៌ ជួយលើកកម្ពស់វិជ្ជាជីវៈ និងនិរន្តរភាពនៃសមាគម CMA ដើម្បីឆ្ពោះទៅរកការអភិវឌ្ឍប្រកបដោយចីរភាពនៃវិស័យមីក្រូហិរញ្ញវត្ថុនៅកម្ពុជា។

លោក កាំង តុងងី អ្នកនាំពាក្យសមាគមមីក្រូហិញ្ញវត្ថុ បានថ្លែងប្រាប់ AMS នៅថ្ងៃចុងសប្ដាហ៍កន្លងទៅនេះថា សមាគមមីក្រូហិរញ្ញវត្ថុកម្ពុជា(សមក) គឺជាសមាគមវិជ្ជាជីវៈមិនរកប្រាកចំណេញ មានគោលដៅធានាឲ្យបានថា ប្រជាជនកម្ពុជាគ្រប់រូបទទួលបាននូវសេវាហិរញ្ញវត្ថុផ្លូវការប្រកបដោយភាពសម្បូរបែបទាន់ពេលវេលាតាមរយៈការប្រព័ន្ធហិរញ្ញវត្ថុប្រកបដោយនិរន្តរភាព។

លោកបានថ្លែងដូច្នេះថា ៖

“យើងអាចសម្រេចគោលដៅនេះបានតាមរយៈការសម្របសម្រួលជាមួយប្រតិបត្តករ ព្រមទាំងពង្រឹងទំនាក់ទំនងជាមួយអាជ្ញាធរ ម្ចាស់ជំនួយ អ្នកផ្តល់ឥណទាន និងវិនិយោគគិន”

ទាក់ទងនឹងការរៀបចំយុទ្ធសាស្ត្រនេះ លោក កាំង តុងងី បានលើកឡើងថា CMA បានចំណាយពេលជាង ១ឆ្នាំ ដើម្បរៀបចំយុទ្ធសាស្ត្រថ្មីរយៈពេល ៥ ឆ្នាំ (២០២២-២០២៦) នេះឡើង ដោយបង្កើតជាយុទ្ធសាស្ត្រសសរស្តម្ភសំខាន់ៗចំនួន ៤ ដើម្បីបង្កើនភាពធន់ និងនិរន្តរភាពនៃវិស័យមីក្រូហិរញ្ញវត្ថុនៅកម្ពុជា ខណៈយុទ្ធសាស្ត្រចាស់របស់ CMA ផ្តោតលើនិរន្តរភាព និងការរីកចម្រើនសម្រាប់វិស័យមីក្រូហិរញ្ញវត្ថុ។

លោកបានថ្លែងបន្តថា ៖

“ដោយសារតែវិបត្តកូវីដ១៩ បានកើតឡើង ហើយបង្កភាពមិនប្រក្រតីមួយចំនួន យើងបានរៀបចំបង្វែរយុទ្ធសាស្ត្ររបស់ថ្មី ដោយផ្តោតលើភាពសុំា និងនិរន្តរភាពសម្រាប់វិស័យមីក្រូហិរញ្ញវត្ថុ។ Sustainability (និរន្តរភាព) នេះ តែងតែជាកិច្ចការរបស់ CMA ដែលយើងធ្វើចាប់តាំងពីយើងបង្កើត CMA រហូតបច្ចុប្បន្ន និងទៅអនាគត ប៉ុន្តែពីមួយឆ្នាំទៅមួយឆ្នាំ ទីផ្សារតែងតែមានការប្រែប្រួល ដូច្នេះយើងតែងតែមានភាពបត់បែនដើម្បីសម្របខ្លួនទៅតាមទីផ្សារ និងវិស័យរបស់យើង”

ជាមួយគា្ននេះដែរ លោកក៏បានឱ្យដឹងទៀតថា បច្ចេកវិទ្យាហិរញ្ញវត្ថុ (Fintech) ក្នុងវិស័យមីក្រូហិរញ្ញវត្ថុនៅមានកម្រិត សមាគមបានបញ្ចូលការងារទាក់ទង Fintech ដោយយកផ្នែកជាច្រើននៃ Fintech Road Map របស់ធនាគារជាតិនៃកម្ពុជា ដូច្នេះហើយបានជាធនាគារជាតិនៃកម្ពុជាបានសាទរចំពោះកិច្ចខិតខំប្រឹងប្រែងរបស់សមាគម ហើយសមាគមក៏ប្តេជ្ញាធ្វើការរួមចំណែកលើកកម្ពស់វិស័យមីក្រូហិរញ្ញវត្ថុ ក៏ដូចជាលើកម្ពស់បរិយាបន្នហិរញ្ញវត្ថុដល់ប្រជាជន និងសាធារណៈជនផងដែរ។

សូមបញ្ជាក់ថា សមាគមមីក្រូហិរញ្ញវត្ថុកម្ពុជា (CMA) គឺសមាគមវិជ្ជជីវៈមួយដែលមិនរកផលចំណេញ ត្រូវបានបង្កើតឡើងក្នុងគោលបំណង ដើម្បលើកកម្ពស់បរិយាបន្នហិរញ្ញវត្ថុ និងសេវាកម្មហិរញ្ញវត្ថុដល់ប្រជាពលរដ្ឋកម្ពុជា តាមរយៈប្រព័ន្ធហិរញ្ញវត្ថុប្រកបដោយចីរភាព។

បេសកម្មនៃ CMA គឺ ១) បង្កើតបរិយាកាសអំណោយផល និងរួមចំណែកក្នុងការពង្រឹងក្របខណ្ឌបទប្បញ្ញត្តិប្រកបដោយប្រសិទ្ធភាព ដើម្បីធានាឱ្យបាននូវការរីកចម្រើនប្រកបដោយបរិយាបន្នសម្រាប់វិស័យមីក្រូហិរញ្ញវត្ថុ, ២) ធ្វើការសិក្សាស្រាវជ្រាវ ដើម្បីដោះស្រាយបញ្ហាប្រឈម និងបង្កើតឱកាសនានា ដើម្បីពង្រឹងបរិយាបន្នហិរញ្ញវត្ថុ ដែលបំពេញឱ្យតម្រូវការ និងធ្វើឱ្យប្រសើរឡើងនូវជីវភាពរបស់ប្រជាជនកម្ពុជា , ៣) ចូលរួមលើកកម្ពស់ចំណេះដឹងហិរញ្ញវត្ថុដល់អតិថិជន សាធារណៈជន និងស្ថាប័នពាក់ព័ន្ធ និង ៤) លើកកម្ពស់ធនធានមនុស្សក្នុងវិស័យហិរញ្ញវត្ថុ។

តម្លៃស្នូល ៖ ដើម្បីប្រែក្លាយ CMA ឱ្យក្លាយជាសមាគមមានភាពបត់បែនដើម្បីឆ្លើយតបនឹងគោលបំណងរក្សាឱ្យបាននូវចីរភាពនៃវិស័យមីក្រូហិរញ្ញវត្ថុនៅកម្ពុជា ថ្នាក់ដឹកនាំស្ថិតក្រោមការដឹកនាំរបស់ក្រុមប្រឹក្សាភិបាលចាប់យកចំណុចសំខាន់ដើម្បីដាក់ចេញតម្លៃស្នូលនៃសមាគម តាមរយៈភាពជាដៃគូ គណនីភាព កិច្ចការពាក់ព័ន្ធ កិច្ចសហប្រតិបត្តការ នវានុវត្តន៍ និងទំនួលខុសត្រូវ។ ភាពជាដៃគូ ៖ ពង្រីកភាពជាដៃគូប្រកបចីរភាពជាមួយវិនិយោគិន សប្បុរសជន និងបណ្តាញទំនាក់ទំនង ដើម្បីលើកតម្លៃសមាជិក និងវិស័យហិរញ្ញត្ថុ។

គណនីភាព ៖ បង្កើតសកម្មភាពប្រកបដោយទំនួលខុសសម្រាប់សមាជិក និងដៃគូ។ កិច្ចការពាក់ព័ន្ធ ៖ រៀបចំការងារស្របតានិន្ននាការកំពុងកើតមាន និងទទួលយកដំណោះស្រាយសមស្រប ដើម្បីផ្តល់ជាអត្ថប្រយោជន៍ដល់សមាជិក និងវិស័យមីក្រូហិរញ្ញវត្ថុ។ កិច្ចប្រតិបត្តិការ ៖ ប្តេជ្ញាធ្វើការរួមគ្នាក្នុងការធ្វើការកិច្ចសហប្របត្តិការប្រកបដោយសា្មរតីរួម ឆ្ពោះទៅកាន់ចក្ខុវិស័យរួម ដើម្បីសម្រេចបាននូវផលប្រយោជន៍សម្រាប់វិស័យមីកូ្រហិរញ្ញវត្ថុ។ នវានុវត្តន៍ ៖ លើកកម្ពស់ភាពច្នៃប្រឌិត ចំពោះដំណោះស្រាយរយៈពេលមធ្យម និងរយៈពេលវែង សម្រាប់ការអភិវឌ្ឍន៍ប្រកបចីរភាពនៃវិស័យមីក្រូហិរញ្ញវត្ថុ។ ទំនួលខុសត្រូវ ៖ ដាក់វិធានការប្រកបដោយទំនួលខុសត្រូវ និងសកម្ម ក្នុងការផ្តល់សេវាកម្មដល់សមាជិក និងវិស័យមីក្រូហិរញ្ញវត្ថុទាន់ពេលវេលា។

យុទ្ធសាស្ត្រសសរស្តម្ភ ឆ្នាំ ២០២២-២០២៦ ត្រូវបានបែងចែកជា ៤ ចំណុចសំខាន់ៗ
យោងតាម CMA បានឱ្យដឹងថា យុទ្ធសាស្រ្តសសរស្តម្ភទី១ ៖ ពង្រឹងភាពធន់ និងនិរន្តរភាពនៃសមាជិក និងវិស័យមីកូ្រហិរញ្ញវត្ថុ, យុទ្ធសាស្រ្តសសរស្តម្ភទី២ ៖ បង្កើនចំណេះដឹងហិរញ្ញវត្ថុ និងសកម្មភាពវិជ្ជមានចំពោះវិស័យមីក្រូហិរញ្ញវត្ថុ សម្រាប់អតិថិជន និងសាធារណៈជន, យុទ្ធសាស្រ្តសសរស្តម្ភទី៣ ៖ ពង្រឹងសមត្ថភាពធនធានមនុស្សប្រកបដោយវិជ្ជាជីវៈ និងសីលធម៌ សម្រាប់ប្រតិបត្តិការដោយចីរភាពនៃវិស័យហិរញ្ញវត្ថុ, និងយុទ្ធសាស្រ្តសសរស្តម្ភទី៤ ៖ លើកកម្ពស់វិជ្ជាជីវៈ និងនិរន្តរភាពនៃសមាគម CMA ដើម្បីឆ្ពោះទៅរកការអភិវឌ្ឍប្រកបដោយចីរភាពនៃវិស័យមីក្រូហិរញ្ញវត្ថុ។

យុទ្ធសាស្រ្តសសរស្តម្ភទី ១ ៖ ពង្រឹងភាពធន់ និងនិរន្តរភាពនៃសមាជិក និងវិស័យមីកូ្រហិរញ្ញវត្ថុ។ ១) ធ្វើឱ្យប្រសើរឡើងនូវបរិយាបន្នហិរញ្ញវត្ថុប្រកបដោយទំនួលខុសត្រូវ និងការផ្តល់សិទ្ធិដល់អ្នកប្រើប្រាស់ស្របតាមយុទ្ធសាស្ត្របរិយាបន្នហិរញ្ញវត្ថុជាតិឆ្នាំ ២០១៩-២០២៥។ ២) បង្កើតកម្មវិធីស្រាវជ្រាវ CMA ដែលនឹងផ្តោតលើការប្រមូលទិន្នន័យ សន្និធិ និងការវិភាគ ហើយនឹងផ្សព្វផ្សាយតាមរយៈវេទិកាហិរញ្ញវត្ថុ។ ៣) ពង្រឹងការផ្តួចផ្តើម និងកម្មវិធីថ្មី ដើម្បីធ្វើឱ្យប្រសើរឡើងនូវកម្មវិធីគម្រោងអាជីវកម្ម ឌីជីថលភាវូបនីយកម្ម និងកម្មវិធីហិរញ្ញវត្ថុបៃតងប្រកបចីរភាព។ ៤) ពង្រឹងការផ្តល់កម្ចីប្រកបដោយទំនួលខុសត្រូវ និងត្រួតពិនិត្យការអនុវត្តនៃមគ្គុទេសផ្តល់កម្ចី និងបទប្បញ្ញត្តិវិស័យហិរញ្ញវត្ថុ ក្នុងការឆ្លើយតបនឹងហានិភ័យប្រឈម និងការងារអាទិភាព។

យុទ្ធសាស្រ្តសសរស្តម្ភទី២ ៖ បង្កើនចំណេះដឹងហិរញ្ញវត្ថុ និងសកម្មភាពវិជ្ជមានចំពោះវិស័យមីក្រូហិរញ្ញវត្ថុសម្រាប់អតិថិជន និងសាធារណៈជន។ ១) ធ្វើឱ្យប្រសើរឡើងនូវចំណេះដឹងហិរញ្ញវត្ថុរបស់ប្រជាជនកម្ពុជា តាមរយៈប្រព័ន្ធផ្សព្វផ្សាយ សិក្ខាសិលា ប្រពិត្តការណ៍ និងយុទ្ធនាការនានា ជាមួយនឹងធនាគារជាតិនៃកម្ពុជា។ ២) លើកកម្ពស់តួនាទីនៃវិស័យមីក្រូហិរញ្ញវត្ថុក្នុងការរួមស្តារសេដ្ឋកិច្ចឡើងវិញ និងការអភិវឌ្ឍនៃវិស័យសហគ្រាសធនតូច និងមធ្យម (MSMEs) និងសហគ្រិនក្នុងស្រុក ដែលរួចចំណែកដល់ការកាត់បន្ថយភាពក្រីក្រ ក៏ដូចជាធ្វើឱ្យកាន់តែប្រសើរឡើងនូវរូបភាព/កេរ្តិ៍ឈ្មោះនៃវិស័យមីក្រូហិរញ្ញវត្ថុ។ ៣) ការងារ និងបង្កើនអតិប្បរមានូវផលប្រយោជន៍ដល់សមាជិកតាមរយៈសេវាកម្មសមាជិ និងការអភិវឌ្ឍនានា។

យុទ្ធសាស្រ្តសសរស្តម្ភទី៣ ៖ ពង្រឹងសមត្ថភាពធនធានមនុស្សប្រកបដោយវិជ្ជាជីវៈ និងសីលធម៌ សម្រាប់ប្រតិបត្តិការដោយចីរភាពនៃវិស័យហិរញ្ញវត្ថុ។ ១) វគ្គបណ្តុះបណ្តាល និងការគ្រប់គ្រងការអភិវឌ្ឍ។ ២) មឈ្ឈមណ្ឌលធនធាន។ ៣) ការប្រមូលធនធានមនុស្ស (Talent Pool Program)។ ៤) ការជ្រើសរើសធនធានមនុស្ស (HR Professional and Compliance) ។ ៥) ការគ្រប់គ្រង និងអនុវត្តមូលនិធិអភិវឌ្ឍន៍ធនធានមនុស្ស (Manage and implement Staff Development Fund)។

យុទ្ធសាស្រ្តសសរស្តម្ភទី ៤ ៖ លើកកម្ពស់វិជ្ជាជីវៈ និងនិរន្តរភាពនៃសមាគម CMA ដើម្បីឆ្ពោះទៅរកការអភិវឌ្ឍប្រកបដោយចីរភាពនៃវិស័យមីក្រូហិរញ្ញវត្ថុ។ ១) ពង្រឹងការគ្រប់គ្រងផ្ទៃក្នុង និងការគ្រប់គ្រងប្រតិបត្តិការហិរញ្ញវត្ថុ។ ២) បង្កើតទំនាក់ទំនងរវាងមនុស្ស និងវប្បធម៌ឱ្យកាន់តែរឹងមាំក្នុងសមាគម។ ៣) ពង្រឹងកិច្ចសហប្រតិបត្តិការ និងការសម្របសម្រួលកិច្ចការងារអាទិភាពរបស់សមាជិក និងវិស័យមីក្រូហិរញ្ញវត្ថុ។ ៤) ស្វែងរកប្រភពធន និងសកម្មភាពបង្កើនចំណូលដើម្បីទ្រទ្រង់សមាគម៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

ការបិទព្រំដែនគោកដោយឯកតោភាគីថៃ បានជំរុញឱ្យកម្ពុជាបង្កើនទីផ្សារបានកាន់តែច្រើនជាងមុន

ព្រឹត្តិការណ៍, សេដ្ឋកិច្ច

• 18/08/2026

កម្ពុជាមានទីផ្សារអង្ករថ្មីមួយទៀត គឺប្រទេសហ្វីលីពីន ដែលកំពុងតែកើនឡើងខ្លាំង ដោយក្នុងរយៈពេល៧ខែដំបូងឆ្នាំ២០២៦នេះ កម្ពុជានាំចេញទៅបាន ៩៥,០០០ តោន

ចិនចំណាយ ៦៥ ពាន់លានដុល្លារ ពង្រីកបណ្តាញផ្លូវដែកជាតិ ក្នុង ៧ ខែដំបូងឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 18/08/2026

ប្រទេសចិនបានបង្កើនការវិនិយោគលើការពង្រីកបណ្តាញផ្លូវដែកជាតិរបស់ខ្លួន ដោយចំណាយប្រមាណ ៤៤០,៦ ពាន់លានយ័ន ឬប្រហែល ៦៥ ពាន់លានដុល្លារអាម៉េរិក ក្នុងរយៈពេល ៧ ខែដំបូងឆ្នាំ ២០២៦ ស្របពេលដែលទីក្រុងប៉េកាំងបន្តផ្តោតលើការតភ្ជាប់ទីក្រុង និងសមាហរណកម្មសេដ្ឋកិច្ចតំបន់

រយៈពេល ៧ខែ ខេត្តកំពង់ស្ពឺទាក់ទាញបានគម្រោងវិនិយោគចំនួន ៧៥គម្រោង បង្កើតការងារបានរាប់ម៉ឺនកន្លែង

ព្រឹត្តិការណ៍, អចលនទ្រព្យ

• 18/08/2026

ក្នុងរយៈពេល៧ខែ ឆ្នាំ២០២៦កន្លងទៅនេះ ខេត្តកំពង់ស្ពឺ ជាប់លេខ១ ដែលទទួលបានគម្រោងវិនិយោគច្រើនជាងគេរហូតដល់ ៧៥ គម្រោង

គ្រឹះស្ថាន ខេមា រៀបចំកម្មវិធីជំរុញការដាំដើមឈើហូបផ្លែនៅតាមសហគមន៍

ព្រឹត្តិការណ៍, អត្ថបទពាណិជ្ជកម្ម

• 18/08/2026

គ្រឹះស្ថាន ខេមា មីក្រូហិរញ្ញវត្ថុ លីមីតធីត បានរៀបចំសកម្មភាពដាំដើមឈើប្រណីត ចែកកូនឈើហូបផ្លែចំនួន ២០០ដើម និងលើកកម្ពស់អនាម័យ នៅសាលាបឋមសិក្សា មង្គលបូរី នៅថ្ងៃទី១៥ ខែសីហា ឆ្នាំ២០២៦ ដើម្បីអបអរខួបអនុស្សាវរីយ៍ ១៦ឆ្នាំ នៃគ្រឹះស្ថាន ខេមា

កម្ពុជា-ចិន ដាក់ឱ្យដំណើរការជាផ្លូវការនូវការទូទាត់ឆ្លងដែនតាមរយៈឃ្យូអរកូដ

Top News, ព្រឹត្តិការណ៍, ហិរញ្ញវត្ថុ

• 18/08/2026

ក្នុងគោលបំណងសម្រួលដល់ការទូទាត់របស់ជនជាតិចិននៅកម្ពុជា និងដើម្បីទាក់ទាញទេសចរចិនមកកម្ពុជាកាន់តែច្រើន ធនាគារជាតិនៃកម្ពុជាបានដាក់ឱ្យដំណើរការប្រព័ន្ធទូទាត់ឆ្លងដែនតាមរយៈឃ្យូអរកូដ

វេណេស៊ុយអេឡាទាមទារមាសបម្រុង ៣១ តោនពីអង់គ្លេស

ព្រឹត្តិការណ៍, សេដ្ឋកិច្ច

• 18/08/2026

រដ្ឋាភិបាលវេណេស៊ុយអេឡា និងក្រុមប្រឆាំងបានឯកភាពគ្នាទាមទារយកមាសបម្រុងចំនួន ៣១ តោន ដែលរក្សាទុកនៅធនាគារកណ្តាលអង់គ្លេសអស់រយៈពេលជិតប្រាំបីឆ្នាំមកហើយ ដោយមានតម្លៃប្រមាណ ៤ ពាន់លានដុល្លារ

រាជរដ្ឋាភិបាល និងវិស័យឯកជន ជួយអ្នកសេដ្ឋកិច្ចក្រៅប្រព័ន្ធពង្រឹងការគ្រប់គ្រងអាជីវកម្ម បង្កើនលទ្ធភាពទទួលបានសេវាហិរញ្ញវត្ថុផ្លូវការ

ព្រឹត្តិការណ៍, សេដ្ឋកិច្ច

• 18/08/2026

រាជរដ្ឋាភិបាល និងវិស័យឯកជន សហការគ្នាជួយអ្នកសេដ្ឋកិច្ចក្រៅប្រព័ន្ធពង្រឹងការគ្រប់គ្រងអាជីវកម្ម បង្កើនលទ្ធភាពទទួលបានសេវាហិរញ្ញវត្ថុផ្លូវការ

ភាពតានតឹងអាម៉េរិក-អ៊ីរ៉ង់ បន្តរុញឱ្យតម្លៃប្រេងឡើងដល់ជាង ៩០ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 18/08/2026

តម្លៃប្រេងឆៅបានកើនឡើងនៅថ្ងៃអង្គារ ទី១៨ ខែសីហានេះ ខណៈក្តីសង្ឃឹមសម្រាប់កិច្ចព្រមព្រៀងសន្តិភាពរវាងសហរដ្ឋអាម៉េរិក និងអ៊ីរ៉ង់កាន់តែថយចុះ បង្កើនការព្រួយបារម្ភអំពីការរំខានដល់ការផ្គត់ផ្គង់ថាមពល ជាពិសេសតាមច្រកសមុទ្រ Hormuz

កម្ពុជា មើលឃើញឧស្សាហកម្មភាពយន្ត ជាច្រកផ្សព្វផ្សាយទេសចរណ៍ទៅពិភពលោក

ព្រឹត្តិការណ៍, សេដ្ឋកិច្ច

• 18/08/2026

កម្ពុជាមើលឃើញឧស្សាហកម្មភាពយន្តជាច្រកដ៏មានសក្ដានុពលសម្រាប់ផ្សព្វផ្សាយវិស័យទេសចរណ៍ទៅកាន់ពិភពលោក ស្របពេលក្រសួងទេសចរណ៍ជំរុញឱ្យផលិតករភាពយន្តចូលរួមទាក់ទាញផលិតកម្មភាពយន្តអន្តរជាតិ ជាពិសេសផលិតកម្មខ្នាតធំ និងហូលីវូដ ឱ្យមកថតនៅកម្ពុជា

រាជធានីភ្នំពេញ កំពុងបោះជំហានថ្មី ឆ្ពោះទៅជាគោលដៅទេសចរណ៍ទីក្រុងលំដាប់អន្តរជាតិ!

Top News, ព្រឹត្តិការណ៍, សេដ្ឋកិច្ច

• 17/08/2026

រដ្ឋមន្ត្រីក្រសួងទេសចរណ៍បានអះអាងថា រាជធានីភ្នំពេញ មិនត្រឹមតែជាមជ្ឈមណ្ឌល នយោបាយ រដ្ឋបាល សេដ្ឋកិច្ច ពាណិជ្ជកម្ម និងវប្បធម៌របស់ព្រះរាជាណាចក្រកម្ពុជាប៉ុណ្ណោះទេ ប៉ុន្តែក៏ជាច្រកទ្វារទេសចរណ៍អន្តរជាតិដ៏សំខាន់