ជំនន់​នៃកា​រផ្គត់ផ្គង់​លំនៅឋានមុន​វិបត្តិកូវីដ១៩​ បានបន្សល់ទុកបញ្ហា​ទីផ្សារមក​ដល់ពេលបច្ចុប្បន្ន​

ភ្នំពេញ ៖ មុន​វិបត្តិ​កូវីដ១៩ អ្នកអភិវឌ្ឍន៍​សំណង់ និងអចលនទ្រព្យ​ ជាពិសេស ​លំនៅឋាន​ បាន​នាំគ្នា​សម្រុក​សាងសង់​​ និងអភិវឌ្ឍ ដែលធ្វើឱ្យវិស័យ​នេះ​មានកំណើនកើនឡើងយ៉ាង​ខ្ពស់ដល់ចំណុច​កំពូល ហើយនៅពេលវិបត្តិ​កូវីដ១៩​ចូលមកដល់បានធ្វើទីផ្សារ​មួយនេះ ជាប់គាំង និង​បន្តជួបបញ្ហា​រហូតមកដល់​បច្ចុប្បន្ន​នេះ ។​

យោងតាមការ​វិភាគលើ​ស្ថានការណ៍​នៃការអភិវឌ្ឍ​លំនៅឋាននៅកម្ពុជា ក្នុង​​គោល​នយោបាយ​អភិវឌ្ឍន៍​លំនៅឋាន​សង្គម​ និង​លំនៅឋានតម្លៃសមរម្យ​របស់រាជរដ្ឋាភិបាលកម្ពុជា​បាន​សរសេរ​ឱ្យដឹងថា មុនវិបត្តិ​កូវីដ​១៩ វិស័យសំណង់ និងអចលនទ្រព្យ ជាពិសេស​សំណង់​លំនៅឋាន រួមមាន​អគារ​ស្នាក់នៅ ( ខុនដូ និងអាផាតមិន​) និងលំនៅឋានធម្មតា មានសន្ទុះកើនឡើង​គួរឱ្យកត់សម្គាល់ ។

តាមរយៈទិន្នន័យ​របស់ក្រសួង​រៀបចំដែនដី នគរូបនីយកម្ម ​និងសំណង់ បានបង្ហាញថា ចំនួន​គម្រោង​សំណង់​ដែល​ទទួលបានការអនុម័ត​បានកើនឡើង​៤០% ក្នុង​ចន្លោះពីឆ្នាំ២០១៧ ដល់ឆ្នាំ២០១៩ ស្របពេល​ដែលទុនវិនិយោគ​លើ​គម្រោងទាំង​នេះ​កើនឡើងរហូតដល់ ៦៨% ពីប្រមាណ ៦,៨ពាន់លានដុល្លារ​ក្នុងឆ្នាំ២០១៧ ដល់ ​១១,៤ពាន់លានដុល្លារអាម៉េរិកក្នុង​ឆ្នាំ ២០១៩ ដែល​ក្នុងនោះមានប្រមាណជាង​៨០%នៃគម្រោងទាំងអស់ ជា​គម្រោង​លំនៅឋាន ។​

ក្នុងរបាយការណ៍ដដែលនេះបានបង្ហាញថា កំណើននៃការ​វិនិយោគលើវិស័យសំណង់ និងអចលនទ្រព្យនេះ មានកត្តា​សំខាន់ៗចំនួន ២ ក្នុងនោះ មួយដោយសារ​តែកំណើនលើសពីការរំពឹងទុក​នៃសកម្មភាព​សេដ្ឋកិច្ច និង​តម្រូវ​ការ​ក្នុងស្រុក ជាពិសេស​ក្នុងវិស័យលំនៅឋាន​ និង​មួយទៀត ដោយសារតែសកម្មភាពបរិកប្បកម្ម​ក្នុងវិស័យសំណង់ និងអចលនទ្រព្យផ្ទាល់ ។

ក្នុង​របាយការណ៍បានបង្ហាញ​ផងដែរថា ក្រោយវិបត្តិជំងឺកូវីដ​១៩ បរិមាណគម្រោង ​និងទំហំទុនវិនិយោគ​ក្នុង​វិស័យសំណង់ បានធ្លាក់ចុះយ៉ាង​គំហុក ក្នុងអត្រា​​ ៥៤% និង​៥៦% រៀង​គ្នា ក្នុង​ចន្លោះឆ្នាំ២០២០ ដល់​ឆ្នាំ២០២៤ ស្របពេលដែលគម្រោង​មួយចំនួន​ដែលកំពុងសាងសង់​បានជាប់គាំង ហើយប្រតិបត្តិ​ការទិញ-លក់​ ទាំង​លំនៅឋាន​ប្រភេទខុនដូ និង​បុរី មានអត្រា​ថមថយ​ដោយសារតែភាពមិនប្រាកដ​ប្រជានៃសេដ្ឋកិច្ច​សកល រួមទាំងការធ្លាក់​ចុះ​នៃតម្រូវការ​ក្នុងស្រុក។

បើតាម​អ្នកជំនាញនៃវិស័យ​អចលនទ្រព្យ​បាន​មើលឃើញ​ថា ទីផ្សារ​លំនៅឋាន​ នៅតែមានតម្រូវការពីសំណាក់​ប្រជាពលរដ្ឋ​​ ជាពិសេស​ ពលរដ្ឋ​ដែល​ផ្លាស់ទីពីបណ្ដាខេត្ត​ចូលមក​ភ្នំពេញ​ដូចជា​ក្រុមអាជីវករ និងសិស្ស​និស្សិត​ដែលត្រូវឡើងមក​រៀនបន្តនៅភ្នំពេញ ។​ ប៉ុន្តែប្រភេទលំនៅឋានដែលមានតម្រូវការ​ជា​ប្រភេទលំនៅឋានតម្លៃសមរម្យ​ និងមធ្យម ដូច្នេះ អ្នកអភិវឌ្ឍន៍គួរងាកមកអភិវឌ្ឍន៍លំនៅឋាន​ដែលមានទីផ្សារ​ជាក់ស្ដែង ។

អ្នកស្រី អាន សុធីតា នាយិកា​ប្រតិបត្តិ​ក្រុមហ៊ុន​អចលនទ្រព្យ PropNex Cambodia បានលើកឡើងថា ក្នុងឆ្នាំ២០២៦​នេះ អចលនទ្រព្យដែលមានតម្លៃ​សមរម្យ​នៅតែមានតម្រូវការ​ពី អតិថិជន​ជាប្រជាពលរដ្ឋ​ដែល​ស្វែងរកសម្រាប់ប្រើប្រាស់ជាក់ស្ដែង។ ដូច្នេះ បើអ្នកអភិវឌ្ឍន៍ផ្ដោតលើ​លំនៅឋានប្រភេទតម្លៃសមរម្យ​ និង​លំនៅឋាន​តម្លៃមធ្យមនៅតែអាច​លក់ដាច់ និងមានទីផ្សារ​ដដែល ។​

គួររម្លឹកថា​ ដោយមើលឃើញថា ពលរដ្ឋដែលមានប្រាក់ចំណូល​ទាប​ និង​មធ្យម​ ជាច្រើន​កំពុងស្វែងរក​លំនៅឋាន​សម្រាប់ស្នាក់នៅ រាជរដ្ឋាភិបាល​បានដាក់ចេញនូវគោល​នយោបាយ​អភិវឌ្ឍន៍​លំនៅឋាន​សង្គម និង​លំនៅឋាន​តម្លៃសមរម្យ ហើយលើកទឹកចិត្តដល់​អ្នកអភិវឌ្ឍន៍​លំនៅឋាន​នៅកម្ពុជា​ងាកមកអភិវឌ្ឍ​លំនៅឋានតម្លៃសមរម្យសម្រាប់ផ្គត់ផ្គង់ជូន​ពលរដ្ឋ​វិញ ដោយរដ្ឋបានលើកទឹកចិត្តផ្នែកពន្ធ​មួយចំនួន​​ដែលជា​ឱកាស​ល្អសម្រាប់វិនិយោគិនក្នុងវិស័យនេះ​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា


Leave a Reply

Your email address will not be published.Required fields are marked *