សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី AP News បានរាយការណ៍ថា ទីភ្នាក់ងាររៀបចំផែនការសេដ្ឋកិច្ចរបស់ចិនបានគូសបញ្ជាក់ពីចំណុចសំខាន់ៗពាក់ព័ន្ធទៅនឹងវិធានការនៃការស្ដារសេដ្ឋកិច្ចរបស់ខ្លួនដែលស្ថិតនៅទ្រឹងត្រឹម៥ភាគរយឱ្យមានភាពល្អប្រសើរ។
ថ្មីៗនេះ គណកម្មការអភិវឌ្ឍន៍ និងកំណែទម្រង់ជាតិរបស់ចិន (NDRC) លើកឡើងថា ទីក្រុងប៉េកាំងនឹងវិនិយោគ ១០០ ពាន់លានយ័ន (១៤,១ ពាន់លានដុល្លារ) ដោយប្រើប្រាស់ថវិការបស់រដ្ឋាភិបាលសម្រាប់ឆ្នាំ២០២៥ និងបន្ថែម ១០០ ពាន់លានយ័នផ្សេងទៀតសម្រាប់គម្រោងសាងសង់ ដើម្បីជួយរដ្ឋបាលក្នុងតំបន់ដែលកំពុងជួបផលលំបាកលើគំនរបំណុល។ មិនត្រឹមតែប៉ុណ្ណោះ ចិនបានត្រៀមទុក ២០០ ពាន់លានយ័ន (២៨ ពាន់លានដុល្លារ) សម្រាប់គម្រោងវិនិយោគដោយរដ្ឋាភិបាលក្នុងតំបន់នៅឆ្នាំនេះ ខណៈដែលកិច្ចខិតខំបំពេញតាមគោលដៅកំណើនសេដ្ឋកិច្ចស្របនឹងមហិច្ឆតារបស់ខ្លួន។
លោក Zheng Shanjie ប្រធាន NDRC លើកឡើងថា ចិនស្ថិតនៅគោលដៅកំណើនសេដ្ឋកិច្ចពេញមួយឆ្នាំរបស់ខ្លួន ៥ ភាគរយដែលនៅទ្រឹង ប៉ុន្តែសេដ្ឋកិច្ចប្រឈមនឹងការលំបាក ខណៈដែលបរិយាកាសសកលលោកកាន់តែស្មុគស្មាញ និងធ្ងន់ធ្ងរ។ ចាប់តាំងពីការរាតត្បាតបានបញ្ចប់ មេដឹកនាំចិនបានតស៊ូដើម្បីស្តារកំណើនសេដ្ឋកិច្ចឡើងវិញ ខណៈដែលការរធ្លាក់ចុះនៃទីផ្សារអចលនទ្រព្យបានធ្វើឱ្យបញ្ហាប្រឈមនេះកាន់តែស៊ីជម្រៅ ដោយសារតែការចំណាយរបស់អ្នកប្រើប្រាស់មានភាពយឺតយ៉ាវ ហើយតម្រូវការពិភពលោកក៏ធ្លាក់ចុះផងដែរ។
កាលពីថ្ងៃអង្គារ NDRC បាននិយាយថា វិធានការថ្មីនឹងផ្តោតលើការជំរុញការវិនិយោគ គាំទ្រដល់អាជីវកម្មខ្នាតតូច និងមធ្យម ដែលលកំពុងពិបាកដំណើរការ។ យ៉ាងណាមិញ ចំណុចសំខាន់ៗដែលត្រូវបានគូសបញ្ជាក់ភាគច្រើនផ្តោតលើបញ្ហាបច្ចេកទេសដូចជា បទប្បញ្ញត្តិនៃការទូទាត់ ការគ្រប់គ្រងគម្រោង និងការដាក់ពង្រាយមូលបត្របំណុលសម្រាប់ហិរញ្ញប្បទាន។
គួរកត់សម្គាល់ថា កាលពីខែកញ្ញា ចិនបានបង្ហាញកញ្ចប់ជំរុញរូបិយវត្ថុរួមមាន ការកាត់បន្ថយអត្រាការប្រាក់លើកម្ចីអចលនទ្រព្យដែលមានស្រាប់ និងការផ្តល់លទ្ធភាពដល់ធនាគារនានាផ្តល់កម្ចីប្រាក់បានថែមទៀត។ វិធានការទាំងនោះ គឺជាកិច្ចខិតខំប្រឹងប្រែងដ៏ខ្លាំងក្លាបំផុត ដើម្បីព្យាយាមទាញឧស្សាហកម្មអចលនទ្រព្យចេញពីវិបត្តិ និងជំរុញកំណើនឲ្យកាន់តែលឿន៕
Account
Security
Favourite Content