សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បរិមាណកុងតឺន័រឆ្លងកាត់កំពង់ផែស្វយ័តភ្នំពេញក្នុងត្រីមាសទី៣ ឆ្នាំ២០២៤ មានចំនួន ១៦១ ៣៧៣ TEUs កើនចំនួន ២៦,១៣% ធៀបនឹងត្រីមាសទី៣ ឆ្នាំ២០២៣។ នេះបើយោងតាមស្ថិតិកំពង់ផែស្វយ័តភ្នំពេញ។ ដោយឡែក គិតតែអំឡុងខែកញ្ញា ឆ្នាំ២០២៤ បរិមាណកុងតឺន័រឆ្លងកាត់កំពង់ផែស្វយ័តភ្នំពេញ មានចំនួន ៥២ ២៨៣ TEUs កើនចំនួន ៤៥,១១% ធៀបនឹងខែកញ្ញា ឆ្នាំ២០២៣។
ប្រភពពីកំពង់ផែស្វយ័តភ្នំពេញ បានឱ្យដឹងថា៖ នៅខែកញ្ញា ឆ្នាំ២០២៤ បរិមាណនាវាដឹកអ្នកដំណើរមានចំនួន ៦៥ ជើង កើន ២០,៣៧% ធៀបនឹងខែកញ្ញា ឆ្នាំ២០២៣ និងអ្នកដំណើរសរុបចំនួន ២ ៤៣៥ នាក់ កើន ១១,០៩% ធៀបនឹងខែកញ្ញា ឆ្នាំ២០២៣។
សម្រាប់ត្រីមាសទី៣ ឆ្នាំ២០២៤ បរិមាណនាវាដឹកអ្នកដំណើរ មានចំនួន ១៣៥ ជើង កើន ២៩,៨១% ធៀបនឹងត្រីមាសទី៣ ឆ្នាំ២០២៣ និងអ្នកដំណើរសរុបចំនួន ៥ ៦៣៦ នាក់កើន ៤៩,៧៣% ធៀបនឹងត្រីមាសទី៣ ឆ្នាំ២០២៣។
គួររំលឹកថា៖ ក្នុងរយៈពេល៧ខែ ឆ្នាំ២០២៤ បរិមាណកុងតឺន័រឆ្លងកាត់កំពង់ផែស្វយ័តភ្នំពេញមានចំនួន ២៥៩ ៨៧៩ TEUs កើនឡើងជាង១៤,៩៤% ធៀបនឹងរយៈពេលដូចគ្នានៅក្នុងឆ្នាំ២០២៣។សម្រាប់ខែកក្កដា ឆ្នាំ២០២៤ បរិមាណកុងតឺន័រឆ្លងកាត់កំពង់ផែស្វយ័តភ្នំពេញមានចំនួន៥៥ ២៦៥ TEUs កើនឡើង១២,៧៦% បើធៀបនឹងខែកក្កដាឆ្នាំ២០២៣ ដែលមានចំនួន៤៩ ០១១ TEUs៕
Account
Security
Favourite Content