សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ Visa Inc. គឺជាម៉ាកយីហោទូទាត់ប្រាក់ឌីជីថលដ៏ធំមួយ ដែលផ្តល់សេវាកម្មនៅក្នុងប្រទេស និងអន្តរជាតិច្រើនជាង១៣០ប្រទេស និងតំបន់ដែលមនុស្សរស់នៅលើពិភពលោក។ អ្នកប្រើប្រាស់រួមមានទាំងបុគ្គលទូទៅ ពាណិជ្ជករ ស្ថាប័នហិរញ្ញវត្ថុ និងរដ្ឋាភិបាល។
ក្នុងពេញមួយឆ្នាំ២០១៩ ប្រជាជននៅសហរដ្ឋអាមេរិកបានធ្វើការទូទាត់តាមប្រាក់តាមកាតឥណពន្ធ ឬកាតឥតទានចំនួនប្រមាណ ៦,៧ ពាន់លានដុល្លារ។ ក្នុងនោះច្រើនជាង ៦០% នៃទំហំទូទាត់ប្រាក់នៅអាមេរិកត្រូវបានធ្វើឡើងតាមយៈកាត Visa ។ គិតត្រឹមថ្ងៃទី១៩ ខែតុលា ឆ្នាំ២០២១នេះ ក្រុមហ៊ុន Visa មានតម្លៃទីផ្សារជាង ៤៩១ ពាន់លានដុល្លារអាមេរិក ហើយភាគហ៊ុនរបស់ VISA បានកើនឡើងជាង ១៧០% ក្នុងរយៈពេលប្រាំឆ្នាំចុងក្រោយនេះ។
ធនាគារ Bank of America បានដាក់ដំណើរការ Visa ជាកាតឥណទានដែលមានអាជ្ញាប័ណ្ណដំបូងគេបង្អស់កាលពីឆ្នាំ១៩៥៨ ក្នុងទម្រង់ជាកាតក្រដាស ជាមួយនឹងការរីកលូតលាស់នៃម៉ានស៊ីនកុំព្យូរទ័រនាសម័យនោះ។ ក្រោយមក នៅឆ្នាំ១៩៧០ ធនាគារ Bank of America បានបោះបង់ចោលការគ្រប់គ្រងផ្ទាល់របស់ខ្លួនលើ VISA ដោយបានផ្តល់ការគ្រប់គ្រងទៅឱ្យ National BankAmericard Inc ដែលជាអ្នកចេញប័ណ្ណ បន្តគ្រប់គ្រង ផ្សព្វផ្សាយ និងអភិវឌ្ឍបណ្តាញបច្ចេកវិទ្យាថ្មីៗ នៅក្នុងសហរដ្ឋអាមេរិក។ លោក Dee Hock ជាស្ថានិក និងជានាយកប្រតិបត្តិនៃ National BankAmericard Inc ហើយក្រុមហ៊ុននេះបានរីកចម្រើនក្លាយជាក្រុមហ៊ុនអន្តរជាតិក្នុងឆ្នាំ១៩៧៤ និងបានដាក់ដំណើរការកាតឥណពន្ធដំបូងបង្អស់នៅឆ្នាំ១៩៧៥។ នៅឆ្នាំ១៩៧៦ National BankAmericard Inc បានប្តូរឈ្មោះទៅជា Visa ដែលជាឈ្មោះសាមញ្ញ និងមានសំឡេងហៅដូចគ្នាគ្រប់ភាសា។
ត្រឹមឆ្នាំ២០០១ ចំនួនកាត Visa មានចំនួនរហូតដល់១ពាន់លានកាតនៅលើទីផ្សារជុំវិញពិភពលោក។ ហើយក្នុងឆ្នាំ២០០៧ អាជីវកម្ម Visa តាមតំបន់ជុំវិញពិភពលោកបានបញ្ចូលគ្នាដើម្បីបង្កើតជា Visa Inc ។ មួយឆ្នាំក្រោយមក ពោលគឺនៅឆ្នាំ២០០៨ ក្រុមហ៊ុន VISA បានបោះលក់ភាគហ៊ុនជាសាធារណៈ ប្រមូលទុនបាន ១៧,៩ពាន់លានដុល្លារ ដែលជា IPO ដ៏ធំបំផុតមួយក្នុងប្រវត្តិសាស្ត្រ។ នៅឆ្នាំ២០១៦ Visa Inc បានទិញយក Visa Europe ។ សព្វថ្ងៃនេះ Visa ប្រតិបត្តិការនៅក្នុងប្រទេស និងដែនដីជាង ២០០ ជាមួយនឹងផលិតផល និងសេវាកម្មដែលមាននៅលើឧបករណ៍ច្រើនដូចជាកាត កុំព្យូទ័រយួរដៃ ថេប្លេត និងទូរសព្ទទំនើប។ សព្វថ្ងៃនេះ VISA បានរីកចម្រើនក្លាយជាបណ្តាញដំណើរការទូទាត់ដ៏ធំបំផុតមួយរបស់ពិភពលោក ដោយមានចំនួនកាតប្រមាណជាង ៣,៤ ពាន់លាននៅលើទីផ្សារពិភពលោក ជាមួយនឹងប្រតិបត្តិការទូរទាត់ប្រាក់តាមរយៈប្រព័ន្ធកាត VISA មានទំហំប្រមាណ ៤ពាន់ពាន់លានដុល្លារនៅក្នុងសហរដ្ឋអាមេរិក នេះបើយោងតាមរបាយការណ៍ Nelson ខែកុម្ភៈ ឆ្នាំ២០២១។ Visa បាននឹងកំពុងគ្រប់គ្រងលើទីផ្សារនៃសេវាកម្មទូរទាត់ប្រាក់តាមអេឡិចត្រូនិចធំជាងគេ បើប្រៀបធៀបទៅនឹងគូប្រកួតប្រជែងដូចជា ក្រុមហ៊ុន Mastercard Inc. (មានចំនួនកាតប្រមាណ ២,៣ពាន់លានកាត) និងក្រុមហ៊ុន PayPal Holdings Inc ជាដើម៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាហ្វ្រិកខាងត្បូង ចង់រឹតចំណងសេដ្ឋកិច្ច និងពាណិជ្ជកម្មឱ្យកាន់តែរឹងមាំជាមួយឥណ្ឌា
ព្រឹត្តិការណ៍, អាជីវកម្មថ្មី និងនវានុវត្ត
• 15/09/2026
បរទេស ៖ អាហ្វ្រិកខាងត្បូង កំពុងជំរុញការផ្លាស់ប្តូរពាណិជ្ជកម្ម និងការវិនិយោគដោយផ្ទាល់ជាមួយឥណ្ឌាលើវិស័យសំខាន់ៗជាច្រើន ដូចជា រ៉ែយុទ្ធសាស្ត្រ ឧស្សាហកម្មបៃតង ហេដ្ឋារចនាសម្ព័ន្ធ កសិកម្ម និងសេដ្ឋកិច្ចឌីជីថល ខណៈដែលបច្ចុប្បន្ននេះ ឥណ្ឌា គឺជាដៃគូពាណិជ្ជកម្មធំជាងគេទី៤ របស់អាហ្វ្រិកខាងត្បូង ដោយក្នុងនោះមានក្រុមហ៊ុនឥណ្ឌាជាង ១៥០ បានបណ្តាក់ទុនសរុបលើសពី ១០ ពាន់លានដុល្លារ
រដ្ឋាភិបាលសម្រុកចែកបណ្ណកម្មសិទ្ធិដីធ្លីដែលបានវាស់វែង និងចុះបញ្ជីរួចជូនប្រជាពលរដ្ឋទូទាំងប្រទេស ដើម្បីប្រើប្រាស់តាមការចាំបាច់
Top News, ព្រឹត្តិការណ៍, អចលនទ្រព្យ
• 15/09/2026
ភ្នំពេញ ៖ បន្ទាប់ពីបានវាស់វែង និងចុះបញ្ជីរួច រាជរដ្ឋាភិបាលដែលមានក្រសួងរៀបចំដែនដី នគរូបនីយកម្ម និងសំណង់ ជាសេនាធិការបានសម្រុកចែកវិញ្ញាបនបត្រ ឬបណ្ណសម្គាល់ម្ចាស់កម្មសិទ្ធិដីធ្លីជូនប្រជាពលរដ្ឋតាមបណ្ដាខេត្តដែលបានបញ្ចប់ការវាស់វែង និងចុះបញ្ជីរួចរាល់ជាស្ថាពរ ជាក់ស្ដែង កាលពីសប្ដាហ៍កន្លងទៅនេះ រដ្ឋមន្ត្រីក្រសួងរៀបចំដែន នគរូបនីយកម្ម និងសំណង់ រួមជាមួយនឹងមន្ត្រីជាន់ខ្ពស់កម្ពុជាជាច្រើនរូបទៀត បានចុះប្រគល់បណ្ណជូនពលរដ្ឋក្នុងខេត្តគោលដៅជាច្រើន។ យោងតាម ក្រសួងរៀបចំដែនដី នគរូបនីយកម្ម
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ចិន បង្ហាញគោលបំណងពង្រឹងតួនាទីមាស និងប្រាក់យ័នរបស់ខ្លួន នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បានបង្ហាញពីគោលបំណងពង្រឹងនូវតួនាទីរបស់មាសនៅក្នុងពិភពលោក ខណៈដែលខ្លួនកំពុងបង្កើនស្តុកទុកមាសដ៏សន្ធឹកសន្ធាប់ និងចង់ជំរុញការប្រើប្រាស់រូបិយប័ណ្ណជាតិ(លុយយ័ន)ឱ្យកាន់តែច្រើនឡើង ព្រមទាំងទទួលយកប្រព័ន្ធទូទាត់ប្រាក់ជម្រើសថ្មីៗផងដែរសម្រាប់សមាជិក និងដៃគូពាណិជ្ជកម្មដែលបានចូលរួម។ អត្ថបទមួយដែលបានចេញផ្សាយដោយកាសែតប៊ុលហ្គារី Novinata បានសរសេរថា ប្រទេសចិន នៅតែបន្តបង្កើនការស្តុកទុកមាសរបស់ខ្លួន ព្រមទាំងខិតខំពង្រីកឥទ្ធិពលទីផ្សារនៃការប្រើប្រាស់ប្រាក់យ័ននៅលើឆាកអន្តរជាតិឱ្យកាន់តែទូលាយ ដើម្បីអាចកាត់បន្ថយការពឹងផ្អែកលើប្រាក់ដុល្លារអាមេរិក ដែលកំពុងក្ក្លាយជាប្រធានបទដ៏សំខាន់មួយសម្រាប់បណ្តាប្រទេសកំពុងអភិវឌ្ឍន៍ ជាពិសេសគឺ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content