សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពីសារព័ត៌មាន Xinhua បានរាយការណ៍ថា ចិនបានរកឃើញរណ្តៅទុនបម្រុងមាសមានតម្លៃរហូតដល់ ៦០០ ពាន់លានយ័ន (៨២,៩ ពាន់លានដុល្លារ) នៅភាគកណ្តាលនៃខេត្តហ៊ូណាន។
បណ្ឌិត្យសភាភូគព្ភសាស្ត្រហ៊ូណានបានរកឃើញបណ្តាញសរសៃរ៉ែមាសជាង ៤០ កន្លែងក្នុងជម្រៅជាង ២ ០០០ ម៉ែត្រ ជាមួយនឹងធនធានមាសសរុបចំនួន ៣០០,២ តោននៅក្នុងតំបន់រុករកស្នូលក្នុងស្រុក Pingjiang ខេត្តហ៊ូណាន។ លើសពីនេះ មាសនេះមានគុណភាពអតិបរមា ១៣៨ ក្រាមក្នុងមួយតោន ដែលមានតម្លៃខ្ពស់ធៀបនឹងរ៉ែមាសផ្សេងទៀតជុំវិញពិភពលោក។ ពួកគេព្យាករណ៍ថា ទុនបម្រុងមាសអាចមានចំនួនជាង ១ ០០០ តោននៅជម្រៅជាង ៣ ០០០ ម៉ែត្រ។
គួរឲ្យបញ្ជាក់ដែរថា សរសៃមាសមានលក្ខណៈជាសរសៃបណ្តាញភាគច្រើនកប់នៅក្នុងថ្ម ដែលកើតឡើងពីការហូរនៃសារធាតុក្តៅ និងធាតុរលាយចូលគ្នាតាមស្នាមប្រេះនៅក្នុងសំបកផែនដី ដែលភាគច្រើនកើតមានក្នុងកំឡុងពេលរញ្ជួយដី។ សរសៃមាសអាចត្រូវបានរកឃើញនៅក្នុងប្រភេទថ្មជាច្រើន រួមមាន ថ្មភ្នំភ្លើង ថ្មដីល្បាប់ និង metamorphic ហើយវាគឺជាធនធានរ៉ែដែលមានតម្លៃថ្លៃផងដែរ។
ទិន្នន័យពីក្រុមប្រឹក្សាមាសពិភពលោកបានបង្ហាញថា ចិន គឺជាប្រទេសផលិតមាសដ៏ធំបំផុតរបស់ពិភពលោក និងមានចំណែកប្រហែល ១០ ភាគរយនៃទិន្នផលមាសសរុបពិភពលោកកាលពីឆ្នាំ២០២៣។ ការប្រើប្រាស់មាសរបស់ចិនមានចំនួន ៧៤១ តោននៅក្នុងត្រីមាសទី១ នៃឆ្នាំ២០២៤ ខណៈដែលទិន្នផលមាសមានចំនួន ២៦៨ តោន ដែលមានន័យថា ការប្រើប្រាស់មានចំនួនច្រើនជាងការផលិត។ ដូច្នោះហើយ ចិនត្រូវតែពឹងផ្អែកលើការនាំចូលមាសពីបរទេសដើម្បីបំពេញតម្រូវការក្នុងស្រុក។ មិនត្រឹមតែប៉ុណ្ណោះ ការរកឃើញរណ្តៅទុនបម្រុងមាសថ្មីមិនអាចដោះស្រាយបញ្ហាទាំងស្រុងនោះទេ ប៉ុន្តែក៏អាចបន្ធូរបន្ថយបានខ្លះដែរ។
ផ្អែកលើចំនួនប្រើប្រាស់បច្ចុប្បន្ន ទុនបម្រុងមាសទាំងមូលអាចផ្គត់ផ្គង់តម្រូវការរបស់ប្រទេសក្នុងរយៈពេលប្រហែល ១,៤ ឆ្នាំប៉ុណ្ណោះ។ ជាទូទៅ ទុនបម្រុងមាសសំដៅលើលទ្ធភាពដែលអាចទាញយក ឬជីកមាសបានទៅតាមបរិមាណនៃធនធាន។ នៅក្នុងឆ្នាំ២០២៤ នេះ តម្លៃមាសបានឡើងថ្លៃដោយសារហានិភ័យនៃភាពតានតឹងភូមិសាស្ត្រនយោបាយទូទាំងពិភពលោក ដែលជំរុញតម្រូវការមាសកើនឡើង ដោយសារវាគឺទ្រព្យសម្បត្តិមានសុវត្ថិភាពក្នុងកំឡុងពេលសេដ្ឋកិច្ចមានភាពមិនប្រាកប្រជា៕
Account
Security
Favourite Content