សម្ភារៈប្រើប្រាស់ច្នៃពីដើមឫស្សីកំពុងទាក់ទាញចំណាប់អារម្មណ៍ និងមានតម្រូវការទីផ្សារ

ឫស្សី ត្រូវបានគេយកមកប្រើប្រាស់ជាប្រយោជន៍ច្រើនយ៉ាងទៅតាមតម្រូវការ ប៉ុន្តែអ្វីដែលជាការគួរឱ្យចាប់អារម្មណ៍នោះគឺមានផលិតផល និងសម្ភារៈ​ប្រើប្រាស់ប្រចាំថ្ងៃដ៏ទាក់ទាញយ៉ាងច្រើនដែលត្រូវបានគេច្នៃចេញពីដើមឫស្សី និងកំពុងមានតម្រូវការទីផ្សារ​នា​ពេល​បច្ចុប្បន្ន។

ជាម្ចាស់អាជីវកម្មវ័យក្មេងម្នាក់ កញ្ញា គឹម លីហៀង មានលក់សម្ភារៈប្រើប្រាស់ច្នៃពីដើមឫស្សីបានប្រាប់ AMS ឱ្យដឹថា កញ្ញាបានចាប់ផ្ដើមអាជីវកម្ម​នេះនៅ​កំឡុងឆ្នាំ2019 ជាមួយនឹងក្ដីរំពឹងថាអាចបានចូលរួមចំណែកនៅក្នុងការជួយលើកស្ទួយផលិផលខ្មែរ ក៏ដូចជាផ្សព្វផ្សាយវប្បធម៌ខ្មែរឲ្យបានកាន់តែទូលាយ​ទៅកាន់មហាជនតាមរយៈស្នាដៃឆ្លាក់ជារូបភាពតំណាងសិល្បៈខ្មែរជាច្រើនសណ្ឋាននៅលើផលិតផលរបស់កញ្ញាដែលច្នៃចេញពីដើមឬស្សី។

កញ្ញាបានបន្តប្រាប់ឱ្យដឹងថា មូលហេតុសំខាន់ដែលបណ្តាលចិត្តឱ្យប្រកបអាជីវកម្មលក់ផលិតផលច្នៃពីដើមឫស្សីនេះ ក៏ព្រោះតែកញ្ញាមានចំណូលចិត្តទៅ​លើការកែច្នៃវត្ថុធាតុដើមក្នុងស្រុកឱ្យក្លាយជាផលិតផលថ្មី ដែលអាចប្រើប្រាស់បានជាប្រយោជន៍ប្រចាំថ្ងៃ អាចកាត់បន្ថយការប្រើប្រាស់ប្លាស្ទីក និងជួយ​ថែរក្សា​​បរិស្ថាន​ផងដែរ។

សម្រាប់ផលិតផល និងសម្ភារៈដែលបានដាក់លក់នៅក្នុង Page facebook (ឫស្សី I Bamboo) របស់កញ្ញា គឹម លីហៀង មានច្រើនប្រភេទ ដូចជាកែវទឹក ដបទឹករក្សាសីតុណ្ហភាព ទុយោបឺតទឹក ប៊ិច និងសៀវភៅ ជាដើម ដោយរាល់ផលិតផលនីមួយៗសុទ្ធតែមានការរចនាជារូបភាពផ្សេងៗគ្នាដ៏ស្រស់ស្អាត និងទាក់​ទាញ​ជាទី​បំផុត ហើយភាគច្រើនរំលេចចេញនូវរូបភាពដែលបង្ហាញពីអក្សរសាស្ត្រខ្មែរ និងសិល្បៈវប្បធម៌ខ្មែរ។ 

កញ្ញា គឹម លីហៀង បានបញ្ជាក់ប្រាប់ថា៖

“ផលិតផលមួយចំនួនត្រូវបានទិញចូល និងចែកចាយបន្ត ហើយផលិតផលក៏ដូចជាសម្ភារៈប្រើប្រាស់​ប្រចាំថ្ងៃ​ដែល​អាចជួយកាត់បន្ថយការប្រើប្រាស់ប្លាស្ទីក ថែរក្សាបរិស្ថានបានដូចជាកែវទឹក ទុយោបឺតទឹកជាដើម គឺខ្ញុំរចនារូបភាពឡើងដោយខ្លួនឯង និងរចនា​រូបភាព​​ទៅ​តាមការចង់បានរបស់អតិថិជន”

ពាក់ព័ន្ធទៅនឹងបច្ចេកទេសនៃសិល្បៈឆ្លាក់រូបភាព ឬតួអក្សរនៅលើផលិតផលឫស្សីនេះ ត្រូវបានម្ចាស់អាជីវកម្មវ័យក្មេងរូបនេះបញ្ជាក់ថា រាល់ការឆ្លាក់ និងរចនា​ផ្សេងៗគឺត្រូវប្រើម៉ាស៊ីឡេហ្សឺបាញ់ មិនត្រូវការទឹកថ្នាំនោះទេ ពោលគឺដំណើរការនៃការឆ្លាក់ត្រូវពឹងផ្អែកសំខាន់លើចរន្តអគ្គិសនី ដែលជាធម្មតា​ការចំណាយពេល​ឆ្លាក់យូរ ឬឆាប់គឺអាស្រ័យទៅលើរូបភាពដែលជាការចង់បានរបស់អតិថិជន។

ដោយឡែកពាក់ព័ន្ធទៅនឹងក្ដីស្រឡាញ់ទៅលើបរិស្ថានវិញ ជានិច្ចកាលកញ្ញា លីហៀង តែងបានចូលរួមក្នុងសកម្មភាពរើសសំរាម និងសកម្មភាពផ្សេងៗ​ដែល​ទា​ក់ទងនឹងការថែរក្សាបរិស្ថាន ប៉ុន្តែដោយមើលឃើញថា សំរាមច្រើនរើសមិនចេះអស់ ជាពិសេសសំណល់ប្លាស្ទីកដូចជា ថង់ ដបទឹកសុទ្ធ កែវទឹកជាដើម កញ្ញាក៏មានគំនិតមួយគឺធ្វើ​យ៉ាងណាឲ្យមនុស្ស​កាត់បន្ថយការ​ប្រើប្រាស់ប្លាស្ទីក។

កញ្ញាបាននិយាយថា៖

“បើយើងគិតជាមធ្យមក្នុងមនុស្សម្នាក់យ៉ាងហោចណាស់ក្នុងមួយថ្ងៃក៏ប្រើអស់កែវប្លាស្ទីកមួយ ឬថង់មួយទៅលើកាហ្វេ ឬភេសជ្ជៈ​របស់ពួកគេ ប៉ុន្តែបើពួកគេមានដបទឹកបរិស្ថាន ឬកែវទឹកធ្វើពីឫស្សីនៅតាមខ្លួន គឺវាជួយបានច្រើនមែនទែន។ នៅពេលអតិថិជនមានដបទឹកនេះ ពួក​គាត់​នឹងយកតាមខ្លួនជាមិនខាន នេះហើយជាការផ្សព្វផ្សាយដោយប្រយោលមួយទៅកាន់មនុស្សជុំវិញខ្លួនឱ្យចូលរួមថែរក្សាបរិស្ថាន។ ម៉្យាងទៀត ខ្ញុំក៏អាច​ចូល​រួមផ្សព្វផ្សាយពីសិល្បៈ វប្បធម៌ខ្មែរ តាមរយៈរូបភាពនៅលើដបទឹកបរិស្ថាន ឬកែវទឹកបរិស្ថានទាំងនេះ ដូចជា គំនូររូបអប្សរា ល្ខោនខោល ចាប៉ី ប្រាសាទ និង​ពាក្យស្លោកផ្សេងៗ”

ឆ្លៀតនៅក្នុងឱកាសនេះ កញ្ញា គឹម លីហៀង ក៏បានថ្លែងអំណរគុណចំពោះអតិថិជនទាំងអស់ដែលបានគាំទ្រផលិតច្នៃពីឫស្សីនេះ ដែលក្រៅពីបានជួយ​លើក​ស្ទួយផលិតផលនៅក្នុងស្រុក ថែមទាំងបានរួមចំណែកក្នុងការកាត់បន្ថយការប្រើប្រាស់ប្លាស្ទីក ដើម្បីថែរក្សាបរិស្ថានផងដែរ៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្ថានីយវិទ្យុ និងទូរទស្សន៍អប្សរា និងក្រុមហ៊ុន អប្សរា មេឌាសឺវីស (AMS) សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ព្រឹត្តិការណ៍, សេដ្ឋកិច្ច

• 29/03/2024

នស្ថានីយវិទ្យុ និងទូរទស្សន៍អប្សរា និងក្រុមហ៊ុន AMS សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ធនាគារជាតិនៃកម្ពុជាចេញសេចក្តីបំភ្លឺអំពីប្រតិបត្តិការទូទាត់ឌីជីថលនៅកម្ពុជា

ព្រឹត្តិការណ៍, ហិរញ្ញវត្ថុ

• 29/03/2024

ប្រតិបត្តិការទូទាត់ឌីជីថលនៅកម្ពុជា បានកើនឡើងយ៉ាងឆាប់រហ័ស ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលការប្រើប្រាស់ទូរស័ព្ទទំនើបមានកំណើនខ្ពស់ និងគំនិតផ្តួចផ្តើមថ្មីៗកាន់តែច្រើនពីធនាគារជាតិនៃកម្ពុជា

Okra គំរូធុរកិច្ចបរិយាបន្ន ដើម្បីដោះស្រាយបញ្ហាថាមពលស្អាតតម្លៃទាប សំដៅសហគមន៍ក្រីក្រនៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 29/03/2024

Okra ជាគំរូធុរកិច្ចបរិយាបន្នមួយនៅកម្ពុជាដែលមានដំណើរអាជីវកម្មតាមរយៈការជួយគាំទ្រ និងផ្គត់ផ្គង់ថាមពលស្អាត តម្លៃទាបសំដៅសហគមន៍ក្រីក្រ

ក្រសួងពាណិជ្ជកម្មកម្ពុជា-កូរ៉េ ពិភាក្សាលើការជំរុញ និងបង្កើនទំហំពាណិជ្ជកម្មទ្វេភាគី

ព្រឹត្តិការណ៍, សេដ្ឋកិច្ច

• 29/03/2024

មន្ត្រីជាន់ខ្ពស់កម្ពុជា បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មនៃសាធារណរដ្ឋកូរ៉េ ដើម្បីពិភាក្សាអំពីវឌ្ឍនភាពនៃទំនាក់ទំនងពាណិជ្ជកម្មរវាងប្រទេសទាំង២

លោកស្រី យូ បូរី ៖ ឌីជីថលពិតជាសំខាន់ក្នុងការជំរុញអាជីវកម្មធុនតូច និងមធ្យម ក៏ដូចជាជំនួញ

ជំនួញ, ព្រឹត្តិការណ៍

• 29/03/2024

បច្ចុប្បន្ននេះ ឌីជីថល បានដើរតួយ៉ាងសំខាន់ក្នុងការបម្រើសេចក្ដីត្រូវការបស់មនុស្ស ដូច្នេះ ចង់ ឬមិនចង់ ប្រជាជនគ្រប់ស្រទាប់ត្រូវតែសម្របខ្លួនឱ្យទាន់បរិបទ

តម្លៃប្រេងឡើងថ្លៃលើសពី ៨៥ ដុល្លារក្នុងមួយបារ៉ែល ខណៈដែលការផ្គត់ផ្គង់នៅតែបន្តមានភាពតឹងតែង

ព្រឹត្តិការណ៍, សេដ្ឋកិច្ច

• 29/03/2024

តម្លៃប្រេងឆៅម៉ាក Brent បានឡើងថ្លៃដល់ ៨៧,៣០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ៨២,៦៣ ដុល្លារក្នុងមួយបារ៉ែល

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ព្រឹត្តិការណ៍, អចលនទ្រព្យ

• 29/03/2024

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

ព្រឹត្តិការណ៍, អត្ថបទពាណិជ្ជកម្ម

• 29/03/2024

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ