អ្នកសេដ្ឋកិច្ច៖ ការចំណាយរបស់ប្រជាពលរដ្ឋក្នុងពិធីបុណ្យចូលឆ្នាំចិន បានជំរុញកំណើនចរន្តច្រវាក់សេដ្ឋកិច្ចក្រៅប្រព័ន្ធ

ភ្នំពេញ៖ អ្នកសេដ្ឋកិច្ចបានកត់សម្គាល់ថា សកម្មភាពទិញ-លក់ របស់បងប្អូនប្រជាពលរដ្ឋ និងអាជីវករនៅក្នុងពេលចូលឆ្នាំចិនកន្លងមកនេះ ឃើញថាមានសន្ទុះកើនឡើង ដែលអាចនិយាយបានថា វាគឺជាចរន្តនៃសកម្មភាពសេដ្ឋកិច្ចក្រៅប្រព័ន្ធបែបវិជ្ជមាន ខណៈដែលកម្រិតជីវភាពរបស់ប្រជាពលរដ្ឋខ្មែរមានភាពល្អប្រសើរ។

លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យ​សភាកម្ពុជា បានប្រាប់ AMS ថា ខណៈដែលសកម្ម​ភាពទីផ្សារលក់រាយរបស់អាជីវករក្នុងអំឡុងពិធីបុណ្យចូលឆ្នាំចិនមានភាពមមាញឹកគឺជាសញ្ញាបង្ហាញពីការរីកចម្រើន ឬភាពកើនឡើងនៃកម្រិតជីវភាពរបស់បងប្អូនប្រជាពលរដ្ឋខ្មែរ ទាំងបងប្អូនប្រជាពលរដ្ឋជាប់សែស្រឡាយចិន ទាំងបងប្អូនប្រជាពលរដ្ឋខ្មែរមិនកាត់សែស្រឡាយចិន ។

លោកបណ្ឌិត បានគូសបញ្ជាក់ថា ៖

“សកម្មភាពទិញ-លក់មានការកើនឡើងជាងពីឆ្នាំកន្លងទៅ ដោយសារឆ្នាំទៅមានស្ថានភាពកូវីដនៅមានឥទ្ធិពលខ្លះ ហើយឆ្នាំនេះការថមថយរបស់កូវីដ និងការប្រកាសបើកឱកាសបើកទីផ្សាររបស់រាជរដ្ឋាភិបាល ធ្វើឱ្យជាពលរដ្ឋប្រកបមុខរបរ ធ្វើឱ្យគាត់មានប្រាក់ចំណូល រួមទាំងការសន្សំថវិកាមួយចំនួនធ្វើឱ្យមានលទ្ធភាពក្នុងការចំណាយនៅពេលបុណ្យ ឬព្រឹត្តិការណ៍ផ្សេងៗដែលនឹងមកដល់ខាងមុខនេះ”

លោកបណ្ឌិត ហុង វណ្ណៈ បានមានប្រសាសន៍ថា ៖

“បងប្អូនអាជីវករខ្មែរយើងលក់ដាច់ ឬកើនឡើង បង្ហាញពីអ្នកទិញ ដែលមានតម្រូវការ ក៏កើនដែរ គឺវាស្របគ្នាទាំងពីរ និងដើរទៅទន្ទឹមគ្នា។ អ្នកលក់ក៏មានចំណូល ធ្វើឱ្យសកម្ម​ភាពមានភាពប្រសើរឡើង”

លោកបានបន្តថា ៖

“យើងអាចនិយាយបានថា វាគឺជាកំណើននៃផលិតកម្ម កំណើននៃប្រាក់ចំណូលរបស់អាជីវករ ដែលទិញលក់បន្តបន្ទាប់គ្នា នាំឱ្យការរីកចម្រើនបន្តគ្នា និងមានការចែកបាននូវប្រាក់ចំណូលជាបន្តបន្ទាប់ ដែលអាចនិយាយបានថាជាចរន្តសេដ្ឋកិច្ច សង្គម ដែលមានរីកចម្រើននៅក្នុងសង្គមកម្ពុជាយើង។ តែក៏នឹងឃើញសកម្មភាពរបស់បងប្អូនខ្មែរយើងទាំងដំណើរទេសចរណ៍ ជួបជុំក្រុមគ្រួសារ ដែលសុទ្ធតែជាសញ្ញាល្អបង្ហាញពីភាពប្រសើរនៃសេដ្ឋកិច្ចគ្រួសារ និងសង្គម”

ម្ចាស់អាជីវកម្មលក់ដើមផ្កាចំរុះ «ចែស្រី» ដែលមានលក់ដើមផ្កា គ្រប់ប្រភេទ នៅតាមបណ្តោយផ្លូវ៦A បានឱ្យដឹងថា ដើមផ្ការបស់អ្នកស្រីបានលក់ដាច់អស់ក្នុងឱកាសបុណ្យចូលឆ្នាំចិន ដោយភ្ញៀវបានចូលមកសម្រុកទិញ ធ្វើឱ្យអ្នកស្រី លក់ស្ទើរតែមិនទាន់។

អ្នកស្រីមានប្រសាសន៍ថា ៖

“ថ្ងៃនេះស្ងាត់បន្តិច (ថ្ងៃចូលឆ្នាំចិន) បើមុនសែនវិញមនុស្សប្រជ្រៀតគ្នាទិញដើមផ្កា យកទៅតាំង ធ្វើឱ្យលក់ដាច់ជាងឆ្នាំទៅច្រើន ។ ឆ្នាំនេះ ដើមផ្កានៅមានសល់តិតួច ប៉ុន្តែខ្ញុំនៅតែលក់បន្តដោយសារតែពេលខ្លះក៏មានអ្នកមកទិញយកទៅដាំក្រោយថ្ងៃសែនដែរ ហើយណាមួយដើមផ្ការបស់ខ្ញុំក៏នៅសល់តិចតួច មិនខាតទេដោយលក់ដាច់បានច្រើនដែរ”

អ្នកស្រី ចន្ថា ជាអាជីវករ លក់ផ្លែឈើគ្រប់មុខ បានឱ្យដឹងថា ផ្លែឈើរបស់អ្នកស្រីលក់ដាច់បានគួរសមដែរ តែក៏មិនចំណេញច្រើនពេកដែរ ដែលអាចនិយាយថាលក់ដាច់ជាងពីឆ្នាំមុន។ ប៉ុន្តែលក់បានត្រឹមតែរយៈពេលពីរ ទៅបីថ្ងៃមុនពេលចូលឆ្នាំចិនប៉ុណ្ណោះ។

អាជីវករដែលមានរទេះរុញ លក់នៅក្បែរផ្សារ៧មករារូបនេះបានឱ្យដឹងថា ៖

“ដូចតែរាល់ឆ្នាំ ក្រូចដែលត្រូវសែន ២-៣ប្រភេទ រួមទាំងផ្លែប៉ោម ​ទទឹម ​ទន្លាប់ មៀន និងសារី ។ ផ្លែឈើទាំងនេះខ្ញុំបានកម្មង់ទិញច្រើនជាងឆ្នាំមុន ដោយរំពឹងថានឹងអាចលក់បានច្រើនជាង។ ជាលទ្ធផលគឺ លក់ដាច់មែន ហើយតម្លៃក៏ខ្ញុំលក់មិនថ្លៃពេកនោះទេ ដោយយកចំណេញតិចតួច ប៉ុន្តែលក់ឱ្យបានច្រើន៕”


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ