សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច។
លោក Jaime Harrison ប្រធានគណៈកម្មាធិការជាតិប្រជាធិបតេយ្យបានលើកឡើថា គណបក្សប្រជាធិបតេយ្យនឹងដំណើរការប្រកបដោយតម្លាភាព និងសណ្តាប់ធ្នាប់ ដើម្បីជ្រើសរើសអ្នកតែងតាំងថ្មី ហើយមួយផ្នែកធំនៃរបៀបវារៈរបស់គណបក្សនឹងមិនផ្លាស់ប្តូរនោះទេ។ លើសពីនេះ អ្នកប្រជាធិបតេយ្យត្រូវបានរៀបចំ និងរួបរួមគ្នាក្នុងការតាំងចិត្តឈ្នះការបោះឆ្នោតក្នុងខែវិច្ឆិកានេះ។ ដើម្បីជ្រើសរើសបេក្ខភាពរបស់គណបក្សប្រជាធិបតេយ្យជាផ្លូវការ ក្នុងនាមជាអ្នកប្រជាធិបតេយ្យនៅដដែលដូចជា កាត់បន្ថយការចំណាយ ការស្ដារឡើងវិញនូវសេរីភាព ការការពារសិទ្ធិរបស់ប្រជាជនទាំងអស់ និងការសង្គ្រោះលទ្ធិប្រជាធិបតេយ្យពីការគំរាមកំហែងនៃរបបផ្តាច់ការ។
កាលពី ៤ ឆ្នាំមុន ប្រធានាធិបតីអាម៉េរិក លោក Joes Biden ធានាបាននូវការតែងតាំងពីគណបក្សប្រជាធិបតេយ្យរបស់ខ្លួនតាមរយៈការធ្វើយុទ្ធនាការលើគោលនយោបាយសេរីនិយមដែលទាក់ទងទៅនឹងផែនការចំណាយដែលមានមហិច្ឆតាខ្ពស់ និងត្រូវបានពេញចិត្តដោយបេក្ខជនឈរឈ្មោះបោះឆ្នោតផ្សេងទៀតផងដែរ។ ក្នុងអំឡុងពេលកាន់តំណែង ប្រធានាធិបតីអាម៉េរិករូបនេះបានអនុម័តលើច្បាប់ចំណាយសំខាន់ៗជាច្រើនរួមមាន ច្បាប់ស្តីពីផែនការជួយសង្រ្គោះរបស់អាម៉េរិក និងច្បាប់កាត់បន្ថយអតិផរណា ដែលត្រូវបានអនុម័តដោយគណបក្សប្រជាធិបតេយ្យ ខណៈពេលដែលបន្តគោលនយោបាយផ្សេងទៀតដូចជា ការលើកលែងកម្ចីនិស្សិតជាដើម។ លើសពីនេះ គាត់ក៏បានចុះហត្ថលេខាលើច្បាប់ចំណាយទ្វេភាគី និងច្បាប់ស្តីពីទំនួលខុសត្រូវសារពើពន្ធ ឬ ច្បាប់ពិដានបំណុល ដែលជាច្បាប់កាត់បន្ថយឱនភាពតិចតួចតាមរយៈការអនុញ្ញាតឱ្យរដ្ឋាភិបាលសហព័ន្ធពង្រីកពិដានបំណុល ដើម្បីអាចខ្ចីប្រាក់បន្តដោយគ្មានការកំណត់។
យ៉ាងណាមិញ ក្នុងសេចក្តីប្រកាសដកខ្លួនរបស់លោក Joe Biden គាត់បានគាំទ្រអនុប្រធានាធិបតី Kamala Harris ជាបេក្ខភាពប្រធានាធិបតីសម្រាប់គណបក្សប្រជាធិបតេយ្យ។ Harris ជាអ្នកតស៊ូមតិយ៉ាងម៉ឺងម៉ាត់ចំពោះគោលនយោបាយសេដ្ឋកិច្ចរបស់រដ្ឋបាល ទោះបីជាបញ្ហាសេសសល់ច្រើនពីតំណែងលោក Biden ដូចជាការបង្កើនពន្ធ និងការអនុគ្រោះដល់ការបោសសម្អាត Medicare សម្រាប់កំណែទម្រង់គ្រប់បែបយ៉ាងចំពោះប្រព័ន្ធថែទាំសុខភាពក៏ដោយ។ ក្នុងអំឡុងពេល ៤ ឆ្នាំនៅក្នុងព្រឹទ្ធសភា លោកស្រី Harris បានណែនាំច្បាប់លើកកម្ពស់វណ្ណៈកណ្តាល ដោយបានផ្លាស់ប្តូរការកាត់ពន្ធភាគច្រើនរបស់លោក Donald Trump មកជាការផ្តល់ឥណទានពន្ធដែលអាចដកវិញបានចំនួន ៣ ០០០ ដុល្លារក្នុងមនុស្សម្នាក់សម្រាប់ពលរដ្ឋអាមេរិកវណ្ណៈកណ្តាល និងកម្មករ។ ផែនការនេះត្រូវបានព្យាករណ៍ថានឹងចំណាយអស់ ៣ ទ្រីលានដុល្លារក្នុងរយៈពេលមួយទសវត្សរ៍។
ទន្ទឹមនឹងនេះ លោកស្រី Kamala Harris ឬ បេក្ខជនប្រធានាធិបតីមកពីគណបក្សប្រជាធិបតេយ្យផ្សេងទៀតនឹងមានឱកាសគូសបញ្ជាក់ពីប្លង់មេសេដ្ឋកិច្ចថ្មីនៅសន្និបាតជាតិប្រជាធិបតេយ្យ ដែលនឹងប្រារព្ធឡើងនៅទីក្រុងឈីកាហ្គោនៅថ្ងៃទី ១៩ ដល់ ២២ ខែសីហា។ ក្នុងពេលជាមួយគ្នានេះ រដ្ឋបាល Biden និងគណបក្សប្រជាធិបតេយ្យគ្រោងនឹងគូសបញ្ជាក់អំពីកំណត់ត្រាសេដ្ឋកិច្ចរបស់ប្រធានាធិបតីត្រៀមនឹងចាកចេញ ខណៈដែលកំពុងរៀបចំផែនការថ្មីសម្រាប់មេដឹកនាំថ្មីនៅខែវិច្ឆិកានេះ។
អ្នកនាំពាក្យសេតវិមាន លោក Andrew Bates បាននិយាយនៅក្នុងសេចក្តីថ្លែងការណ៍មួយថា ប្រធានាធិបតី Joe Biden បានទទួលរងបញ្ហាសេសសល់ពីអ្នកកាន់តំណែងមុនរួមមាន ការធ្លាក់ចុះនៃសេដ្ឋកិច្ច អត្រាឧក្រិដ្ឋកម្មហឹង្សាខ្ពស់ និងការបែកបាក់សម្ព័ន្ធភាព។ យ៉ាងណាមិញ ប្រធានាធិបតីរូបនេះបានប្រែក្លាយអាម៉េរិកទៅជាកំណើនសេដ្ឋកិច្ចខ្លាំងបំផុតនៅក្នុងពិភពលោក និងអត្រាឧក្រិដ្ឋកម្មហិង្សាទាបបំផុតក្នុងរយៈពេលជិត ៥០ ឆ្នាំ ខណៈពេលដែលធ្វើឱ្យអង្គការណាតូមានទំហំធំជាងមុន។ មុននឹងចាកចេញពីតំណែងប្រធានាធិបតីនេះ លោក Joe Biden មានបំណងបំពេញកាតព្វកិច្ចនៅក្នុងអាណត្តិរបស់គាត់ឲ្យបានល្អ និងផ្តល់ឱ្យប្រជាជនអាមេរិកនូវសមិទ្ធិផលដ៏អស្ចារ្យបន្ថែមទៀត។
នៅក្នុងសេចក្តីថ្លែងការណ៍ដែលប្រកាសពីការដកខ្លួន ប្រធានាធិបតីអាម៉េរិក Joe Biden លើកឡើងថា អាម៉េរិកមានសេដ្ឋកិច្ចខ្លាំងបំផុតក្នុងពិភពលោក និងបានសរសើរដល់ការវិនិយោគជាប្រវត្តិសាស្ត្រក្នុងការកសាងប្រទេសជាតិឡើងវិញ ដូចជាការបញ្ចុះថ្លៃថ្នាំសម្រាប់មនុស្សចាស់ និងក្នុងការពង្រីកការថែទាំសុខភាពដែលមានតម្លៃសមរម្យដល់ពលរដ្ឋអាមេរិក៕
Account
Security
Favourite Content