ក្រសួងកសិកម្ម រៀបចំយន្តការផលិតស្រូវចំណីតាមប្រព័ន្ធពូជសុទ្ធ ខណៈកសិករកសាងជម្រើសពូជសុទ្ធ តាមគោលការណ៍សមកាលកម្ម និងសហគមន៍កសិកម្មទំនើប

ភ្នំពេញ៖​​ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីពេលថ្មីៗនេះបានដឹកនាំប្រជុំពិភាក្សាជាមួយសហព័ន្ធស្រូវអង្ករកម្ពុជា លើការរៀបចំយន្តការក្នុងការផលិតស្រូវចំណី តាមប្រព័ន្ធពូជសុទ្ធ ដោយបានណែនាំឱ្យក្រុមការងារត្រូវពិនិត្យលើយន្តការការងារ សំដៅពង្រឹងខ្សែច្រវាក់ទាំងស្រុង តាំងពីការផលិតពូជសុទ្ធ រហូតដល់ការដាំដុះ និងការនាំចេញ។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ៖ ត្រូវបង្កើនទំនុកចិត្ត និងជំរុញកសិករឱ្យប្រើប្រាស់ពូជសុទ្ធឱ្យពិតប្រាកដ ដោយផ្តោតសំខាន់លើពូជស្រូវផ្ការំដួលសម្រាប់ពេលបច្ចុប្បន្ន និងជាបន្ទាប់សែនក្រអូប តាមរយៈការអនុវត្តកសិ​កម្មតាមកិច្ចសន្យាឱ្យមានប្រសិទ្ធភាព មានការបង្កើតក្រុមអ្នកផលិតពូជសុទ្ធ និងការកំណត់តម្លៃរួមគ្នា ដើម្បីទទួលយកបានទាំងអស់គ្នា»។

ក្នុងកិច្ចប្រជុំនេះ ឯកឧត្តមរដ្ឋមន្ត្រី បានគូសបញ្ជាក់ថា ដើម្បីសម្រេចការងារនេះបាន អំពីកិច្ចសហការល្អរវាងភាគីរដ្ឋ សហគមន៍អ្នកផលិតពូជ និងវិស័យឯកជន ក្នុងការពិនិត្យ និងដោះស្រាយបញ្ហាជាមួយគ្នាយន្តការនេះ ចាំបាច់ណាស់ក្នុងការដោះស្រាយបញ្ហាដែលរាំងស្ទះដល់ការងារស្រូវអង្ករ ដែលជាកសិផលសក្តានុពលសម្រាប់នាំចេញរបស់កម្ពុជា ក្រុមការងារត្រូវពិនិត្យលើយន្តការការងារ សំដៅពង្រឹងខ្សែច្រវាក់ទាំងស្រុង តាំងពីការផលិតពូជសុទ្ធ រហូតដល់ការដាំដុះ និងការនាំចេញ។

ឯកឧត្តមរដ្ឋមន្ត្រីបានបន្ថែមថា  ដោយត្រូវពង្រឹង និងជំរុញប្រព័ន្ធពូជសុទ្ធ បង្កើតក្រុមការងារដែលមានការគិតគូរជាលក្ខណៈបែបសេដ្ឋកិច្ច និងការបង្កើតសហគមន៍ធ្វើពូជទំនើបដើម្បីមានសក្តានុពលអាចពង្រីកពូជ សម្ងួត និងផលិតពូជស្រូវផ្ការំដួលសុទ្ធគ្រប់គ្រាន់ សម្រាប់ផ្គត់ផ្គង់ដល់ការដាំដុះរបស់កសិករ ធ្វើយ៉ាងណាផ្ដល់ផលចំណេញទាំងអស់គ្នា ដោយធានាឱ្យបាននូវនិរន្តរភាពសេដ្ឋកិច្ចពិតប្រាកដ។

ដោយឡែក ស្របនឹងទិសដៅខាងលើ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រ​មាញ់ និងនេសាទ បានលើកឡើងបង្ហាញពីគម្រោងការគ្រប់គ្រង និងស្ដារឡើងវិញនូវប្រព័ន្ធស្រោចស្រពទឹកក្នុងវិស័យកសិកម្ម របស់បណ្តាខេត្តមួយចំនួន និងការកសាងពូជសុទ្ធផ្ការំដួល និងសែនក្រអូបស្របទៅតាមគោលការ​ណ៍សមកាលកម្ម និងសហគមន៍កសិកម្មទំនើប ដើម្បីសម្រាំងបាននូវអង្ករ ដែលមាន​គុណ​ភាព​ខ្ពស់សម្រាប់ពង្រីកការនាំចេញ ទៅកាន់ទីផ្សារថ្មីៗ ។

ការរៀបចំប្រព័ន្ធស្រោចស្រព ស្ទឹងស្វាយចេក ស្ថិតភូមិសាស្ត្រស្រុកស្វាយចេក ខេត្តបន្ទាយ​មានជ័យ នៅតំបន់អាងទឹកសំខាន់ៗចំនួន ៦ក្នុងឃុំចំនួន១៣ នៅ៥ស្រុក ក្នុងខេត្តបន្ទាយមានជ័យក្នុងគោលបំណង៖ ១-សិក្សាអំពីសក្ដានុពល និងបញ្ហាប្រឈមរបស់សហគមន៍កសិកម្ម ក្នុងតំបន់ស្រោចស្រព ២- សិក្សាពីលទ្ធភាពនៃការសហការគ្នាក្នុងការដោះដូរដីដើម្បីរៀបចំប្រព័ន្ធស្រោចស្រព ការសហការគ្នាតាមគោលការណ៍សមកាលកម្ម និងសហគមន៍កសិកម្មទំនើប។ ៣- ការកសាងប្រព័ន្ធពូជសុទ្ធផ្ការំដួល និងសែនក្រអូប និងការអនុវត្តគោលការ​ណ៍និងបច្ចេកទេសស្រែល្អ។

ជាមួយគ្នានេះ មន្ត្រីកសិកម្ម ឃុំធាយ​ និងឈើកាច់ ស្រុកបាភ្នំ ​និងឃុំក្ដឿងរាយ និងឃុំស៊ាងឃ្វាង ស្រុកកញ្ជ្រៀច ខេត្តព្រៃវែង បានចុះប្រជុំផ្សព្វផ្សាយ តាមភូមិស្ដីពី ការកែលម្អប្រព័ន្ធផលិតកម្មដំណាំស្រូវ ដើម្បីឱ្យប្រជាកសិករកាត់បន្ថយថ្លៃដើមផលិត បង្កើនទិន្នផល និងកើនប្រាក់ចំណូលពីផលិត​កម្មស្រូវ តាមរយៈ បញ្ចូលបច្ចេកវិទ្យាកសិ​កម្ម និងផ្សារភ្ជាប់ពហុតួអង្គពាក់ព័ន្ធ និងពូជស្រូវដែលកំពុងមានទីផ្សារ ចំនួន០២ រួមមាន​ពូជផ្ការំដួល និងសែន​​ក្រអូប០១។

ដោយឡែក មន្ត្រីកសិកម្ម ឃុំចុងកាល់ ស្រុកចុងកាល់ ខេត្តឧត្ដរមានជ័យ ក៏បានរាយការណ៍ពីការចូលរួមសម្របសម្រួលពូជសុទ្ធផ្ការំដួលទៅកាន់កសិករ (២៥-០៥-២០២៤) ចំនួន១៥៨០គីឡូ ដែលមានកសិ​ករចូលរួម១៥គ្រួសារ ផ្ទៃដីចូលរួមសរុប១៨.៥ ហិកតា។

ទន្ទឹមគ្នានេះ ការសម្របសម្រួលទិញពូជស្រូវផ្ការំដួលចំណាត់ថ្នាក់ចុះបញ្ជីពីកសិដ្ឋានផលិតពូជស្រូវ ទួលសំរោង( ២៧-០៥-២០២៤) ក៏មានការ របស់មន្រ្តីកសិកម្មឃុំ ជូនប្រជាកសិករដែលរស់នៅ​ឃុំ​ខុនរ៉ង ស្រុកបរិបូណ៌ ខេត្តកំពង់ឆ្នាំង ចំនួន៥២០គីឡូក្រាម ដែលមានកសិករ៦គ្រួសារធ្វើការការដាំដុះលើផ្ទៃដី ជាង៤ហិកតា ដើម្បីផលិតពូជសុទ្ធផ្គត់ផ្គង់ដល់កសិករ។ នេះជាការបង្ហាញតាមរយៈហ្វេសប៊ុករបស់ ឯកឧត្តមបណ្ឌិត រដ្ឋលេខាធិការ ។

មន្ត្រី​កសិកម្ម​ឃុំស្វាយធំ និងឃុំគ្រួស រួមទាំងភូមិត្រោកធំ ឃុំស្វាយធំ ស្រុកស្វាយជ្រំ ខេត្ត​ស្វាយរៀង កាលពីថ្ងៃទី៣១ ខែឧសភាឆ្នាំ២០២៤ បានចុះផ្សព្វផ្សាយពីគោលការណ៍​សំខាន់ៗរបស់កម្មវិធីស្រែល្អ ការប្រើប្រាស់ពូជសុទ្ធ និងការប្រើប្រាស់ជីសរីរាង្គ ដើម្បី​កែលម្អប្រសិទ្ធភាពសេដ្ឋកិច្ច ប្រាក់ចំណេញរបស់កសិករ និងនិរន្តរភាពផលិ​តកម្មដំណាំស្រូវ ឱ្យចូលរួមសហការគ្នាជាក្រុម អនុវត្តផែនការផលិតស្រូវពូជផ្ការំដួល និងសែនក្រអូប។

ទន្ទឹមនេះ ឯកឧត្តមបណ្ឌិត យ៉ង សាំង កុមារ ក៏បានធ្វើបេសកកម្មទៅឃុំរាំងកេសី និងឃុំធិបតី ខេត្តបាត់ដំបងនៅ ដើម្បីសម្រប​សម្រួលកសិករដើម្បីរៀបចំជាក្រុមដាំដុះសមកាលកម្ម (Synchroni​zation Cultivation) សហគមន៍កសិកម្មទំនើប និងផលិតកម្មស្រូវតាមគោលការណ៍ស្រែល្អ ផ្សារភ្ជាប់មកទីផ្សារ ក្នុងនោះមានការជំរុញការប្រើពូជសុទ្ធ និងការប្រើជីសរីរាង្គ។

​​សូមជម្រាបថា ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​រួម​ជាមួយ​សហ​ព័ន្ធ​ស្រូវ​អង្ករ​កម្ពុជា​ ​និង​ដៃគូ​អភិវឌ្ឍន៍​ ​បាន​ដាក់ឱ្យ​ប្រើប្រាស់​កម្មវិធី​ “​វេទិកា​ស្រូវ​អង្ករ​ប្រកបដោយ​និរន្តរភាព​ (SR​P​)” ​ជា​ផ្លូវការ​។ ​វា​ជា​កម្មវិធី​ដ៏​សំខាន់​មួយ​ដើម្បី​ជំរុញ​ផលិតកម្ម​អង្ករ​ឱ្យ​មាន​ស្តង់​ដារ​ខ្ពស់​ប្រកបដោយ​និរន្តរភាព​ ​ហើយ​ការនាំចេញ​របស់​កម្ពុជា​ទៅកាន់​ទី​ផ្សារ​អន្តរជាតិ​សម្រេច​បាន​នូវ​គោលដៅ ​ដែល​បាន​កំណត់​ចំនួន​ ​១​ ​លាន​តោន​ក្នុង​មួយ​ឆ្នាំ​ចាប់ពី​ឆ្នាំ​២​០​២​៥៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ